بەتتى ساقتاۋ | باس بەت ەتۋ
| حات ساندىعى
| حابارلاسىڭىز | ءبىز تۋرالى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
2025.11.28 13:56 كەلۋ قاينارى : حالىق تورابى
”سىچۋان ولكەلىك حالىق قۇرىلتايى“ ءۇنحات الەۋمەتتىك تەكشەسىنىڭ حابارىنا قاراعاندا، 11 – ايدىڭ 26 – كۇنى، سىچۋان ولكەلىك 14 ـ كەزەكتى حالىق قۇرىلتايى تۇراقتى كوميتەتىنىڭ 22 – ءماجىلىسى «سىچۋان ولكەسىنىڭ حالىق سانى جانە جوسپارلى تۋىت ەرەجەسىنە» وزگەرىس ەنگىزۋ جونىندەگى قاۋلىنى داۋىسقا سالىپ ماقۇلداعان. ەرەجەگە وزگەرىس ەنگىزۋدىڭ باستى مازمۇنى مىنالاردى قامتيدى:
ۇيلەنۋ دەمالىسىن كەمەلدەندىرۋ: زاڭ بويىنشا ۇيلەنۋگە تىزىمدەلگەن ەرلى – زايىپتىلاردىڭ 20 كۇندىك ۇيلەنۋ دەمالىسىنان يگىلىكتەنۋىنە بولادى، تىزىمگە الدىرۋدان بۇرىن مەديتسينالىق تەكسەرۋگە 5 كۇن قوسىلادى.
تۋىت دەمالىسىن ۇزارتۋ: بەلگىلەمەگە سايكەسەتىن ەرلى – زايىپتىلار بولسا، ايەل ادامنىڭ تۋىت دەمالىسىن 90 كۇن ۇزارتادى؛ ءۇشىنشى بالالى بولعان جاعدايدا ءوتىنىش بەرۋ ارقىلى ايەل ادامنىڭ تۋىت دەمالىسىن تاعى دا 30 كۇن ۇزارتادى.
ەر ادامنىڭ كۇتىمدەۋ دەمالىسىن ۇزارتۋ: ەر ادامنىڭ كۇتىمدەۋ دەمالىسىن 20 كۇننەن 30 كۇنگە ۇزارتىپ، ەر ادامنىڭ بالا - شاعاسىن باعىپ - قاعۋىنا، جاۋاپكەرشىلىكتى بىرگە ارقالاۋىنا قولايلىلىق جاراتادى.
ۇيلەنۋ جانە بالالى بولۋ دەمالىسى جونىندەگى بەلگىلەمەنى كەمەلدەندىرۋ: بالالارى 3 جاسقا تولماعان ەرلى – زايىپتىلار ءار جىلى 10 جۇمىس كۇنى بالا باعۋ دەمالىسىنان يگىلىكتەنەدى. ۇيلەنۋ دەمالىسى، تۋىت دەمالىسى، كۇتىمدەۋ دەمالىسى، بالا باعۋ دەمالىسى كەزىندە جۇمىسقا شىققان بولىپ ەسەپتەلەدى، ەڭبەكاقى، يگىلىك مامىلەسى ىقپالعا ۇشىرامايدى.
تۋىت دەمالىسىنىڭ وزىندىك قۇنىن بىرگە ارقالاۋ مەحانيزمىن ورناتۋ. اۋدان دارەجەلىدەن جوعارى جەرگىلىكتى حالىق ۇكىمەتتەرى كوپ ارنالى قارجىنى ءبىرتۇتاس جوسپارلاپ، تۋىت دەمالىسىنىڭ وزىندىك قۇنىن تەڭ ارقالاۋ مەحانيزمىن ورناتۋ كەرەك.
ۇيلەنۋ، بالالى بولۋ دەمالىسىن تياناقتاندىرۋدى قامتاماسىزداندىرۋ مەحانيزمىن كەمەلدەندىرۋ. ادام ىستەتۋشى ورىن بەلگىلەنگەن دەمالىستى تياناقتاندىرماسا قاتىستى ورگاندار تۇزەتۋگە بۇيىرادى.
كەلۋ قاينارى: حالىق تورابى
