ەكى تاراۋ 37 ميلليارد 700 ميلليون يۋان قاراجات ءبولىپ، مەملەكەت بويىنشا ۋنيۆەرسال جۇك تاسىمالى تورابى قۇرىلىسىن ىلگەرىلەتتى 

11 – ايدىڭ 27 – كۇنى، قاتىناس – تاسىمال مينيسترلىگى شىنجىن قالاسىندا ۋنيۆەرسال قاتىناس تورابى قۇرىلىسىنا قاتىستى جۇمىس باسىنداعى ءماجىلىستى اشتى. ماجىلىستە تانىستىرۋعا قاراعاندا، 2022 – جىلدان قازىرگە دەيىن، قاتىناس – تاسىمال مينيسترلىگى مەن قازىنا مينيسترلىگى جيىنى 37 ميلليارد 700 ميلليون يۋان قاراجات ءبولىپ، مەملەكەت بويىنشا ۋنيۆەرسال جۇك تاسىمالى تورابى قۇرىلىسىن ىلگەرىلەتكەن.

قاتىناس – تاسىمال مينيسترلىگىنىڭ ەڭ جاڭا ساندى مالىمەتىنە قاراعاندا، 2022 – جىلدان قازىرگە دەيىن 37 ميلليارد 700 ميلليون يۋان قاراجات ءبولىپ، ءۇش توپتا جيىنى 37 وزەكتى قالاعا قولداۋ كورسەتكەن. قازىر العاشقى توپتاعى 15 قالادا قۇرىلىس جۇمىسىن تەكسەرىپ وتكىزىپ الۋ ورىندالعان، باسقا ەكى توپتاعى قالالار قازىر قۇرىلىس جۇمىسىن جەدەل ىلگەرىلەتۋدە.

قازىرگە دەيىن، قاتىناس – تاسىمال مينيسترلىگى مەن قازىنا مينيسترلىگى تەمىر جول جانە سۋ جولى ارقىلى ۇلاسپالى تاسىمالدايتىن 63 توراپتى، تاس جول مەن تەمىر جول ارقىلى ۇلاسپالى تاسىمالدايتىن 76 توراپتى، قۇرىلىق جولى مەن اۋە جولى ارقىلى ۇلاسپالى تاسىمالدايتىن 43 توراپتى قالىپتاستىرۋعا قولداۋ كورسەتكەن جانە جەتەكشىلىك ەتكەن، مەملەكەت دارەجەلى كاسىپ سالاسى باقشالارى مەن كاسىپ سالاسى شوعىرلى توپتارىنان 240 تەن استامىنا تىكەلەي قىزمەت وتەگەن. مۇنان سىرت، شۇعىل جاعدايدا جوتكەپ تاسىمالداۋ يقۋاتىنا يە جۇك تاسىمالى بەكەتتەرىنەن 200 نەشەسىن ءبىر تۇتاس جوسپارلاپ ورنالاستىرعان.

ەكى مينيسترلىك پەن كوميتەت تاسىمال توراپتارىن اتتاۋ تاسىلىمەن ءبىر تۇلعالاندىرىپ توعىستىرۋ ورەسىن كۇش سالا جوعارىلاتىپ، ءبىر ساعات ىشىندە %85 زاتتى ءتۇيىندى ۋنيۆەرسال جۇك تاسىمالى تورابىندا كوپ ءتۇرلى ۇلاسپالى تاسىمال بارىسىندا اۋىستىرىپ تيەۋدى ىسكە اسىرعان.

كەلەسى قادامدا، ەكى مينيسترلىك پەن كوميتەت مەملەكەت بويىنشا جاڭا كەزەكتى ۋنيۆەرسال زات تاسىمالى تورابىنىڭ تىزبەگىن تولىقتاۋ جانە كۇشەيتۋ، دارەجەسىن جوعارىلاتۋ ارەكەتىن زەرتتەپ اتقارادى ءارى ۋنيۆەرسال جولاۋشى تاسىمالى تورابىندا قازىر اتقارىلىپ وتىرعان ساياساتتارعا ۇستەمەلەپ، وسىزامانداندىرىلعان ۋنيۆەرسال قاتىناس – تاسىمال جۇيەسىن كەمەلدەندىرىپ، وزەكتى قالالاردىڭ جوعارى ساپالى دامۋىنا قىزمەت ەتەدى. (باس ستانسيا ورتالىق تەلەۆيزيا تىلشىلەرى تاڭ يىڭ، جۋ پيڭ)

كەلۋ قاينارى: حالىق تورابى