سۋىق اعىستىڭ كوك ءتۇستى ساقتىق سيگنالى بەرىلدى!

سولتۇستىك جۇڭگو، شىعىس سولتۇستىك جۇڭگو قاتارلى جەرلەردىڭ ءىشىنارا وڭىرلەرىندە تەمپەراتۋرا 16 سەلتسي گرادۋس اينالاسىندا تومەندەيدى

ورتالىق اۋا رايى ستانسياسى 11 – ايدىڭ 30 – كۇنى ساعات 18 دە سۋىق اعىستان ساقتانۋدىڭ كوك ءتۇستى ساقتىق سيگنالىن جالعاستى جاريالادى:

سۋىق اعىستىڭ ىقپالىنان مەجەمەن 11 – ايدىڭ 30 – كۇنىنەن 12 – ايدىڭ 3 – كۇنىنە دەيىن ەلىمىزدىڭ ورتا، شىعىس رايوندارىندا سولتۇستىكتەن وڭتۇستىككە قاراي بوران سوعىپ، تەمپەراتۋرا تومەندەيدى، چاڭجياڭنىڭ شىعىس سولتۇستىك بولەگى مەن چاڭجياڭنىڭ سولتۇستىگىندەگى رايونداردا كۇندىك ورتاشا نەمەسە ەڭ تومەنگى تەمپەراتۋرا 6 دا 10 سەلتسي گرادۋس تومەندەيدى، ىشكى موڭعۇل، سولتۇستىك جۇڭگونىڭ سولتۇستىك بولەگى، شىعىس سولتۇستىك رايون قاتارلى جەرلەردىڭ ءىشىنارا وڭىرلەرىندە تەمپەراتۋرا 16 سەلتسي گرادۋس اينالاسىندا تومەندەيدى. 12 – ايدىڭ 4 – كۇنى تاڭەرتەڭ 0 سەلتسي گرادۋستىق ەڭ تومەن تەمپەراتۋرا وڭتۇستىكتە جىجياڭنىڭ ورتا بولەگى، انحۇيدىڭ وڭتۇستىك بولەگى، حۋبيدىڭ سولتۇستىك بولەگى وڭىرىنە دەيىن بارادى.

مۇنىڭ ىشىندە 11 – ايدىڭ 30 – كۇنى ساعات 20 دان 12 – ايدىڭ 2 – كۇنى ساعات 20 عا دەيىن ىشكى موڭعۇلدىڭ ورتا شىعىس بولەگى، حيلۇڭجياڭ، جيلين، لياۋنيڭ، سانشيدىڭ سولتۇستىك بولەگى، حىبەيدىڭ سولتۇستىك بولەگى قاتارلى جەرلەردىڭ ءىشىنارا رايوندارىندا 10 دا 14 سەلتسي گرادۋس اينالاسىندا تومەندەيدى، كەي جەرلەردە 16 سەلتسي گرادۋسقا جەتەدى.

كەلۋ قاينارى: حالىق تورابى