جۇڭگو كوممۋنيستىك پارتياسى ورتالىق كوميتەتى تەلەگرامما جولداپ لاوس حالىق توڭكەرىستىك پارتياسىنىڭ مەملەكەتتىك 12 - قۇرىلتايى اشىلعاندىعىن قۇتتىقتادى

شينحۋا اگەنتتىگى، 1 - ايدىڭ 6 - كۇنى، بەيجيڭ. 1 - ايدىڭ 6 - كۇنى جۇڭگو كوممۋنيستىك پارتياسى ورتالىق كوميتەتى تەلەگرامما جولداپ لاوس حالىق توڭكەرىستىك پارتياسىنىڭ مەملەكەتتىك 12 - قۇرىلتايىنىڭ اشىلعاندىعىن قۇتتىقتادى. قۇتتىقتاۋ تەلەگرامماسىندا بىلاي دەلىندى:

لاوس حالىق توڭكەرىستىك پارتياسى _ لاوس حالقى مەن لاوستىڭ سوتسياليزم ىستەرىنىڭ پارمەندى باسشىلىق ۇيتقىسى. لاوس پارتياسىنىڭ 11 - قۇرىلتايىنان بەرى باس شۋجي تۇڭلۇن باستاعان لاوس پارتياسى ورتالىق كوميتەتى پارتيانىڭ وزىندىك قۇرىلىسىن كۇشەيتۋگە، پارتيانىڭ باسشىلىق ورنىن بەكەمدەۋگە كۇش سالىپ، لاوستاعى ءار ۇلت حالقىن ىنتىماقتاستىرىپ جانە باستاپ، ءوز مەملەكەت جاعدايىنا ۇيلەسەتىن سوتسياليستىك دامۋ جولىن بەلسەنە قاراستىرىپ، پارتيا مەن مەملەكەتتىڭ ءتۇرلى ىستەرىندە ءبىر قىدىرۋ ماڭىزدى دامۋ جەتىستىكتەرىنە قول جەتكىزۋدى ىلگەرىلەتتى. ءبىز بۇعان شىن جۇرەكتەن قۋانامىز ءارى بەلسەندى باعا بەرەمىز.

لاوس پارتياسىنىڭ 12 - قۇرىلتايى _ لاوستىڭ سوتسياليزم ىستەرىنىڭ دامۋى بارىسىندا بەلەستىك مانگە يە ماڭىزدى قۇرىلتاي. قۇرىلتاي پارتيانىڭ 3 - ساياسي پروگرامماسى سياقتى ماڭىزدى ساياسي قۇجاتتاردى قاراپ ماقۇلداپ، الداعى ءبىر مەزگىلدەگى لاوس پارتياسى مەن مەملەكەت ىستەرىنىڭ دامۋى جونىندە ستراتەگيالىق جوبا جانە ناقتى ورنالاستىرۋ جاسايدى. لاوس حالقىنىڭ لاوس پارتياسىنىڭ پارمەندى باسشىلىعىندا، قۇرىلتاي بەلگىلەگەن ءتۇرلى نىسانا - مىندەتتەردى جەڭىسپەن جۇزەگە اسىرىپ، لاوستىڭ سوتسياليزم ىستەرىن جاڭا دامۋ كەزەڭىنە كوتەرەتىندىگىنە سەنەمىز.

جۇڭگو مەن لاوس _ كوممۋنيستىك پارتيا باسشىلىق ەتكەن سوتسياليستىك مەملەكەت. جۇڭگو پارتياسى مەن ۇكىمەتى جۇڭگو مەن لاوستىڭ پارتيالارىنىڭ، ەكى ەلدىڭ قارىم - قاتىناسىنا باستان - اياق ستراتەگيالىق جانە ۇزاق بولاشاقتىق تۇرعىدان مامىلە جاسايدى جانە ونى يگەرەدى. جاڭا جاعدايدا جۇڭگو جاق لاوس جاقپەن بىرگە، ەكى پارتيانىڭ، ەكى ەلدىڭ ەڭ جوعارى باسشىلارىنىڭ ماڭىزدى ورتاق تانىمىن ءتۇبىرلى ولشەم ەتىپ، ستراتەگيالىق تىلدەسۋدى كۇشەيتىپ، بارىس - كەلىستى، سەلبەستىكتى تەرەڭدەتىپ، جۇڭگو مەن لاوستىڭ تاعدىرلاس ورتاق تۇلعاسى قۇرىلىسىن تىڭعىلىقتى ىلگەرىلەتىپ، جۇڭگو مەن لاوستىڭ جالپى بەتتىك ستراتەگيالىق سەلبەستىك سەرىكتەستىك قارىم - قاتىناسىنىڭ باياندى، اقاۋسىز، ورنىقتى دامۋىن ىلگەرىلەتىپ، ەكى ەل مەن ەكى ەل حالقىن باقىتقا كەنەلتىپ، دۇنيە ءجۇزىنىڭ بەيبىتشىلىگىن، دامۋىن جانە العا باسۋ ىستەرىن جەبەۋگە تىڭ دا بەلسەندى ۇلەس قوسۋدى قالايدى.

كەلۋ قاينارى: حالىق تورابى