جۇڭگو، لاوس پارتيالارىنىڭ، ەلدەرىنىڭ ەڭ جوعارى باسشىلارى ”جۇڭگو - لاوس دوستىق جىلىنىڭ“ باستالعاندىعىن بىرگە جاريالادى

شينحۋا اگەنتتىگى، 2 - ايدىڭ 5 - كۇنى، بەيجيڭ. 2 - ايدىڭ 5 - كۇنى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ لاوس حالىق توڭكەرىستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى تۇڭ لۇنگە جاۋاپ حات جازىپ، 2026 - جىلدى ”جۇڭگو - لاوس دوستىق جىلى“ ەتىپ بەلگىلەۋدى بىرگە جاريالادى ءارى جەلىلەس قۇتتىقتاۋ قيمىلدارىن باستادى.

شي جينپيڭ مىنالاردى اتاپ كورسەتتى: جۇڭگو مەن لاوس _ تاۋ - وزەندەرى تۇتاسقان، ۇرپاقتان - ۇرپاققا جالعاسقان تاتۋ كورشى، جاقسى دوس، مۇراتتاس، تاعدىرلاس، جاقسى جولداس، جاقسى سەرىك. سوڭعى جىلدارى ەكى جاق ءوزارا پايدا جەتكىزىپ، تەڭ يگىلىككە كەنەلۋ ارقىلى دامۋدى كوزدەپ، ىنتىماقتاسا سەلبەسىپ، سىن - سايىستى قارسى الىپ، ءبىر - ءبىرىنىڭ وزەكتى مۇددەسىنە ساياتىن ماسەلەلەردە ءبىرىن - ءبىرى باتىل قولداپ، ەكى ەل حالقىنا ناقتى قۇت - ىرىس الا كەلدى. مەن باس شۋجي، مەملەكەت ءتوراعاسى تۇڭ لۇنمەن كوپ رەت ديدارلاسىپ، جۇڭگو مەن لاوستىڭ تاعدىرلاس ورتاق تۇلعاسى قۇرىلىسىن تەرەڭدەتۋ جونىندە ماڭىزدى ورتاق تانىمعا كەلىپ، جاڭا جاعدايدا ەكى پارتيا، ەكى ەل قارىم - قاتىناسىنىڭ دامۋىنا جوبا جاسادىق.

شي جينپيڭ بىلاي دەپ باسا دارىپتەدى: قارىم - قاتىناس شىت جاڭا بەينەگە ەندى. جۇڭگو - لاوس قارىم - قاتىناسى تاريحتاعى ەڭ تاماشا مەزگىلدە تۇر، كەڭ دامۋ بولاشاعىن قارسى الۋدا. جۇڭگو ەكى مەملەكەت قارىم - قاتىناسىنا باستان - اياق وسكەلەڭ ستراتەگيالىق تۇرعىدان جانە ۇزاق بولاشاق تۇرعىسىنان ءمان بەرەدى، لاوس جاقپەن بىرگە جۇڭگو مەن لاوستىڭ ديپلوماتيالىق قارىم - قاتىناس ورناتقاندىعىنىڭ 65 جىلدىعىن جانە ”جۇڭگو - لاوس دوستىق جىلىن“ وراي ەتىپ، ءداستۇرلى دوستىقتى جالعاستىرىپ، ناقتى سەلبەستىكتى تەرەڭدەتىپ، ستراتەگيالىق سەلبەستىكتى كۇشەيتىپ، جۇڭگو - لاوس تاعدىرلاس ورتاق تۇلعاسى قۇرىلىسىنىڭ مەملەكەت پەن مەملەكەت قارىم - قاتىناسىنىڭ الدىڭعى لەگىندە ءجۇرۋىن ىلگەرىلەتىپ، ءوڭىردىڭ بەيبىتشىلىگىن، ورنىقتىلىعىن جانە دامۋىن، گۇلدەنۋىن جەبەۋگە اناعۇرلىم زور ۇلەس قوسۋدى قالايدى.

تۇڭ لۇن شي جينپيڭگە كوكتەم مەرەكەسى بايلانىسىمەن جولداعان قۇتتىقتاۋ حاتىندا مىنالاردى ءبىلدىردى: باس شۋجي، مەملەكەت ءتوراعاسى شي جينپيڭنىڭ تىكەلەي كوڭىل ءبولۋى مەن جەتەكشىلىگىندە، لاوس پەن جۇڭگونىڭ ءداستۇرلى دوستىعى اناعۇرلىم بەكەمدەلىپ، ساياسي سەنىمدىلىگى كۇن سايىن تەرەڭدەپ، جان - جاقتى ستراتەگيالىق سەلبەستىكتە سۇبەلى تابىستارعا قول جەتكىزدى. مەن لاوستاعى ءارقايسى تاراۋدىڭ جۇڭگو جاقپەن سەلبەسۋىنە، لاوس پەن جۇڭگونىڭ ديپلوماتيالىق قارىم - قاتىناس ورناتقاندىعىنىڭ 65 جىلدىعىن جانە ”لاوس - جۇڭگو دوستىق جىلى“ جەلىلەس قۇتتىقتاۋ قيمىلدارىن ويداعىداي وتكىزۋىنە، جوعارى ولشەمدى، جوعارى ساپالى، جوعارى ورەلى لاوس - جۇڭگو تاعدىرلاس ورتاق تۇلعاسىن قۇرىپ، ەكى ەل قارىم - قاتىناسى مەن ءار سالاداعى ناقتى سەلبەستىكتىڭ جاڭا داۋىردە تىڭ دەڭگەيگە كوتەرىلۋىن ۇزدىكسىز ىلگەرىلەتىپ، ادامزاتتىڭ تاعدىرلاس ورتاق تۇلعاسىن قۇرۋعا ۇلگى كورسەتۋىنە جەتەكشىلىك ەتەمىن.

كەلۋ قاينارى: حالىق تورابى