بەتتى ساقتاۋ | باس بەت ەتۋ
| حات ساندىعى
| حابارلاسىڭىز | ءبىز تۋرالى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
2026.02.06 15:55 كەلۋ قاينارى : حالىق تورابى
شينحۋا اگەنتتىگى، 2 - ايدىڭ 5 - كۇنى، بەيجيڭ. مەملەكەتتىك كەڭەستىڭ زۇڭليى لي چياڭنىڭ تاياۋدا مەملەكەتتىك كەڭەستىڭ بۇيرىعىنا قول قويۋىمەن «مەملەكەتتىك كەڭەستىڭ ءىشىنارا اكىمشىلىك زاڭ - ەرەجەلەرگە وزگەرىس ەنگىزۋ جانە ونى كۇشىنەن قالدىرۋ جونىندەگى قاۋلىسى» جاريالاندى، 2026 - جىلى 3 - ايدىڭ 20 - كۇنىنەن باستاپ اتقارىلادى.
پارتيا 20 - قۇرىلتايى مەن 20 - كەزەكتى ورتالىق كوميتەتىنىڭ ءار رەتكى جالپى ماجىلىستەرىنىڭ رۋحىن جاپپاي دايەكتىلەندىرىپ، پارتيا مەن مەملەكەت قۇرىلىمدارى رەفورماسىنىڭ رۋحىن تياناقتاندىرىپ، ۇكىمەت فۋنكتسياسىندا بۇرىلىس جاساۋدى ىلگەرىلەتىپ، بازارلانعان، زاڭمەن باسقارىلاتىن، حالىقارالانعان ماڭداي الدى تيجارات - ساۋدا ورتاسىن جاراتىپ، اكىمشىلىك زاڭ - ەرەجەلەردىڭ جۇيەلىلىگىن، تۇتاستىعىن، سايكەسىمدىلىگىن، ونىمدىلىگىن كۇش سالا جوعارىلاتۋ ءۇشىن، مەملەكەتتىك كەڭەس وسى قىزمەتتەرگە ساياتىن اكىمشىلىك زاڭ - ەرەجەلەرگە اداقتاۋ جۇرگىزىپ، 9 اكىمشىلىك زاڭ - ەرەجەنىڭ ءىشىنارا تارماقتارىنا وزگەرىس ەنگىزۋدى، 2 اكىمشىلىك زاڭ - ەرەجەنى كۇشىنەن قالدىرۋدى ۇيعاردى.
«قالانى جاسىلداندىرۋ ەرەجەسى» سياقتى اكىمشىلىك زاڭ - ەرەجەلەرگە وزگەرىس ەنگىزىپ، وزگەرتىلگەن قۇرىلىمداردىڭ اتى مەن قىزمەت جاۋاپكەرشىلىگىن ايىرۋعا ساياتىن قۇرىلىمداردىڭ اتىن رەتتەپ، كەزەكتەگى ەلىمىزدىڭ اكىمشىلىك باسقارۋ ءتۇزىلىسىنىڭ امالياتىنا اناعۇرلىم ويداعىداي ۇيلەستىردى.
«ايگىلى كورىنىس رايوندارى ەرەجەسى» سياقتى اكىمشىلىك ەرەجەلەرگە وزگەرىس ەنگىزىپ، قاتىستى جوبالاردى تەكسەرىپ بەكىتۋ ءتۇزىمىن كەمەلدەندىرىپ، مەملەكەتتىڭ قاتىستى رەفورما ساياساتتارىمەن ويداعىداي ۇشتاستىردى.
«جۇڭحۋا حالىق رەسپۋبليكاسىنىڭ وزەن ارناسىن باسقارۋ ەرەجەسى» سياقتى اكىمشىلىك زاڭ - ەرەجەلەرگە وزگەرىس ەنگىزىپ، جاڭادان وزگەرىس ەنگىزىلگەن «جۇڭحۋا حالىق رەسپۋبليكاسىنىڭ اكىمشىلىك قايتا قاراۋ زاڭى» سياقتى زاڭدارداعى، اكىمشىلىك زاڭ - ەرەجەلەردەگى قاتىستى بەلگىلەمەلەرمەن بىردەيلىكتى ساقتادى.
«اۋىل - قالاشىقتاىڭ كومىر كەندەرىن باسقارۋ ەرەجەسى» سياقتى اكىمشىلىك ەرەجەلەردى كۇشىنەن قالدىرىپ، كەزەكتەگى رەفورما، دامۋ امالياتىنىڭ قاجەتىنە جانە قاتىستى سالالارداعى قىزمەتتىڭ ءىس جۇزىندىگىنە اناعۇرلىم ويداعىداي ۇيلەستىردى.
كەلۋ قاينارى: حالىق تورابى
