قار - مۇز ارمانى جولىندا ەسەيىپ - ەرجەتۋ ”ناقتى ىستەپ، جاۋاپكەرشىلىك ارقالاپ، ءبىر نيەت، ءبىر تىلەكتە بولىپ، جاڭا جول اشۋ . ۋاكىلدەر مەن مۇشەلەردىڭ مىندەت اتقارۋ حيكاياسى“

حيلۇڭجياڭ ولكەسى جامس قالالىق 6 - باستاۋىش مەكتەپتە جاڭادان سۋ جىبەرىلگەن مۇز الاڭىندا ءبىر توپ بالا قولدارىنداعى تايانىش تاياقتارىن بۇلعاپ زىمىراپ بارادى. الاڭ شەتىندە مەملەكەتتىك ساياسي كەڭەستىڭ مۇشەسى، جۇڭگو دەموكراتيالىق وداعى جامس قالالىق كوميتەتىنىڭ مەڭگەرۋشى مۇشەسى جاۋ كۇنيۇي ولارعا بار ىقىلاسىمەن قاراپ تۇر. ول قار - مۇز سپورتىنىڭ تۇقىمىن قايتكەندە نەگىزگى ساتىدا تامىر تارتۋعا بولادى دەگەن ماسەلەگە وي جۇگىرتتى.

تەكسەرۋ - زەرتتەۋ بارىسىندا جاۋ كۇنيۇي جامس مۇز دوپ سپورتىنداعى قيىن ماسەلەنى بايقادى — بالالار سىرت جەرلەرگە بارىپ جاتتىعۋعا وتە قىزۋلى بولسا، ال جەرگىلىكتى ورىنداعى مۇز الاڭى ۇزاق ۋاقىت توقتاپ، مەكتەپتەردە كاسىپتىك جاتتىقتىرۋشىلار جوق ەدى.

جاۋ كۇنيۇي مەكتەپ اۋلاسىندا مۇز الاڭىن وزدەرى قۇرۋدى ىلگەرىلەتۋدەن تاقىرىپ اشتى. وتباسى، مەكتەپ، قوعامدىق ۇيىمدار بىرلەسىپ قيمىلدايتىن جاسامپازدىق قۋات ونى اسەرلەندىردى: جامس 6 - باستاۋىش مەكتەبىندە كاسىپتىك جابدىق جوق، جاتتىقتىرۋشى، اتا - انا جانە بالالار بىرگە ىسكە كىرىسىپ، وزدەرى جاساعان قۇرالمەن بىرنەشە كۇن ىشىندە مۇز الاڭىن سالدى. تاعى كەيبىر اتا - انالار الاڭنىڭ شەتىندە ەكرانعا ءتۇسىرىپ، تاكتيكاعا تالداۋ جاساپ، ”الاڭنىڭ سىرتىنداعى كومەكشى وقىتۋشىعا“ اينالدى. بۇل بىرىككەن كۇش ونىمدىلىككە قول جەتكىزدى: قالا رايونىنداعى كوپتەگەن باستاۋىش مەكتەپتەر مۇز الاڭىن قۇرىپ، قالا دارەجەلى مۇز دوپ ۇسىنىس جارىسىندا، وزدەرى جاساعان مۇز الاڭىنان شىققان وسى كوماندا تاماشا ناتيجەگە قول جەتكىزدى.

جاۋ كۇنيۇي كاسىپتىك ادامدار كاسىپتىك ءىس ىستەۋى كەرەك، دەپ قارايدى. ونىڭ ۇسىنىسى وتە ناقتىلى: قار - مۇز دەنە تاربيەسىمەن ءداستۇرلى مەكتەپتەرىنىڭ ورنالاسۋىن ساپالىلاندىرىپ، تاربيەلەۋ تىزبەگىن اشىپ، ”جوعارىلاپ وقۋدىڭ ءۇزىلىپ قالۋ“ ۋايىمىن شەشۋدى؛ كوماندادان شەگىنگەن سپورتشىلاردىڭ مەكتەپتەگى جاتتىقتىرۋشىلاردىڭ قىزمەت ورنىنا كىرۋ ارناسىن اشىپ، ”كاسىپتىك ادامداردىڭ“ ”كاسىپتىك قىزمەت ورنىنا“ يە بولۋىنا مۇمكىندىك جاساۋ كەرەك. ول كوپتەگەن باستاۋىش جانە ورتا مەكتەپتەرمەن بايلانىس ورناتىپ، مەكتەپ كومانداسىن قۇرۋدى ۇسىندى.

2025 - جىلعى مەملەكەتتىك ەكى ماجىلىستەگى جاۋ كۇنيۇيدىڭ ۇسىنىس جوباسىندا، قار - مۇز سپورتىن دامىتۋداعى ”الاڭ - مايدان از، بەلەت باعاسى قىمبات، وقىتۋشى قوسىنى تاپشى، كاسىپ سالاسى ءالسىز“ بولۋ سياقتى كەدەرگىلەرگە نازار اۋداردى. مەملەكەتتىك دەنە تاربيە باس مەكەمەسىنىڭ جاۋابىمەن ول العا قويعان بەتالىس بارىنشا قابىسىپ، قارجى ارقىلى جەتەكتەۋ، كوماندادان شەگىنگەن سپورتشىلاردىڭ شىعار جولىن كەڭەيتۋ سياقتى شارالار تياناقتانۋدا. ”ساياسي كەڭەس مۇشەلەرى، ءسوز جوق، نەگىزگى ساتىنىڭ قامتىمىن اقىلدىق ۇسىنىسقا اينالدىرۋى كەرەك“ دەدى جاۋ كۇنيۇي.

بولاشاققا بەت العاندا، ونىڭ جوباسى ناقتى ءارى ايقىن بولىپ، ”ۇساق جۇمىستاردا“ كۇش - قۋاتتى سايكەستىرىپ، جامس قالالىق 6 - باستاۋىش مەكتەبى سياقتى ءداستۇرلى مەكتەپتەردىڭ مۇز الاڭدارىنا بوراننان ساقتانۋ قالتقىسى سالىنىپ، كاسىپتىك جابدىقتارمەن جابدىقتالدى؛ ”ءىرى جۇمىستاردا“ بولسا — تۇتاس وقۋ كەزەڭىن قامتىعان ”حيلۇڭجياڭ ولكەلىك جاستار مەن ورەندەردىڭ مۇز دوپ بىرلەسپە جارىسى“ جۇيەسىن قۇرۋدى دارىپتەپ، ونىڭ جوعارىلاپ وقۋ ساياساتىمەن، دارىندىلار قويماسى قۇرىلىسىمەن ۇشتاسۋىن ىلگەرىلەتىپ، قار - مۇز دارىندىلارىنىڭ جەتىلۋ جولىن اشتى.

تىلشىدەن

جاسامپازدىق قۋات پەن ارەكەت قۋاتى جالعاندى دەپ جازىلدى

مۇشە جاۋ كۇنيۇي مىندەتىن بەلسەنە اتقارىپ، ناقتى كەدەرگىلەردى شەشىپ، بۇقارانىڭ تىلەگىنە جاۋاپ قايتاردى. ول ”جاتتىقتىرۋشى تاپشى“، ”الاڭ - مايدان از“ سياقتى ناقتى قيىن تۇيىندەرگە، بوگەتتەرگە نازار اۋدارىپ، تەكسەرۋ - زەرتتەۋدى نەگىز ەتكەن ۇسىنىس - جوبا ارقىلى نەگىزگى ساتىنىڭ جاسامپازدىق قۋاتى مەن تاراۋلاردىڭ ارەكەت قۋاتىن تىعىز بايلانىستىردى.

اۋىل سۇيىسپەنشىلىگى مەن جۇيەلى ويعا يە وسى ناقتى جاۋاپكەرشىلىك قار - مۇز سپورتىنىڭ جوعارى ساپالى دامۋىن ىلگەرىلەتۋگە ۇلەس قوستى.

كەلۋ قاينارى: حالىق تورابى