بەتتى ساقتاۋ | باس بەت ەتۋ
| حات ساندىعى
| حابارلاسىڭىز | ءبىز تۋرالى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
«حالىق گازەتىنىڭ» ءتىلشىسى ۋەي جىجى
2026.02.09 16:28 كەلۋ قاينارى : حالىق تورابى
”ۇقساس جاعدايدا ۇقساس ۇكىم شىعارۋعا قالاي كەپىلدىك ەتۋگە بولادى؟“ زاڭ قىزمەتكەرى رەتىندە، مەملەكەتتىك حالىق قۇرىلتايىنىڭ ۋاكىلى، بەيجيڭ قالاسى شينلي ادۆوكادتار باسقارماسىنىڭ باس سەرىكتەسى يان جيانگو بىلاي دەپ قارادى: ەگەر ۇقساس دەلوعا ۇقساماعان ۇكىم شىعارىلسا، وندا ءادىليانىڭ الەۋمەتتىك سەنىمدىلىگى تومەندەيدى.
”جاقىنعى جىلداردان بەرى ەڭ جوعارى حالىق سوتى مەكەمەسى حالىق سوتى مەكەمەلەرىنىڭ دەلو مىسالدارى قويماسى قۇرىلىسىن ىلگەرىلەتىپ، سۋديالاردىڭ دەلو بىتىرۋىنە ەرەجە ارقىلى جەتەكشىلىك ەتتى، سونداي - اق قوعامداعى بۇقارانىڭ زاڭدى ۇيرەنۋىنە، زاڭدى قولدانۋىنا جاندى ماتەريال ازىرلەدى“ دەدى يان جيانگو، دەلو مىسالدارى قويماسى قۇرىلىسىندا دا كەيبىر جەتەرسىزدىكتەر ورىن تەۋىپ وتىر، مىسالى، قامباعا كىرگىزىلگەن دەلو مىسالدارىنىڭ ءتۇرىن ءالى دە بايىتۋعا تۋرا كەلەدى، تاعى باسقالار.
”ءبىلىم مەنشىك ۇقىعى، ورتا بايلىعى، فينانس سياقتى كاسىپتىك سيپاتى ءبىرشاما كۇشتى سالالارداعى دەلو مىسالدارىن قابىلداۋدى كۇشەيتۋدى ۇسىنىس ەتىپ، ءادىليالىق امالياتتىڭ قاجەتىن قاناعاتتاندىرىپ، ءتۇرلى كۇردەلى دەلولارعا سوت جۇرگىزۋدى مول پايدالانۋ تاجىريبەسىمەن قامداۋ كەرەك“. 2025 - جىلعى مەملەكەتتىك ەكى ماجىلىستە يان جيانگو حالىق سوت مەكەمەلەرىنىڭ دەلو مىسالدارى قويماسى قۇرىلىسىن كۇشەيتۋ جونىندەگى ۇسىنىستى ورتاعا قويعان بولاتىن.
ەڭ جوعارى حالىق سوت مەكەمەسى ارناۋلى ءماجىلىس اشىپ، قىزمەتتەردى ورنالاستىردى؛ تەلەفون بەرۋ، وتباسىلاردى ارالاۋ سياقتىلار ارقىلى ۋاكىلدەرمەن كوپ مارتە سۇحپاتتاستى؛ ىشكەرىلەي تەكسەرىپ - زەرتتەۋدى قانات جايدىرىپ، ۇسىنىستاردى بەلسەنە قابىلدادى.
2025 - جىلى 6 - ايدا ەڭ جوعارى حالىق سوت مەكەمەسى يان جيانگوعا جازباشا جاۋاپ قايتارىپ، ءبىرقىدىرۋ جاڭا شارانىڭ ىركەس - تىركەس اتقارىلاتىندىعىن ءبىلدىردى: ياعني قىزمەت مەحانيزمىن ۇزدىكسىز كەمەلدەندىرىپ، تاڭداۋلى دەلو مىسالىمەن قامداۋ تەبىنىن ارتتىرۋ؛ دەلو مىسالدارىن جاريالاۋ ارناسىن ۇزدىكسىز كەڭەيتىپ، دەلو مىسالدارىنىڭ قولدانىلۋى مەن جالپىلاستىرىلۋىن جەبەپ، دەلو مىسالدارىنان پايدالانۋدىڭ ۇلگى كورسەتۋ قۇنىن ساۋلەلەندىرۋ سياقتىلار.
2026 - جىلى 1 - ايدىڭ 31 - كۇنىنە دەيىن، دەلو مىسالدارى قامباسىنا ەنگىزىلگەن دەلو مىسالدارى 5300 دەن اسىپ، ۇنەمى كەزىگەتىن قىلمىس تۇرلەرىن، كوپ تۋىلاتىن دەلو سەبەپتەرىن تولىق قامتۋدى جۇزەگە اسىرىپ، سوت جۇرگىزۋ امالياتى ءدوپ كەلگەن تالاس - تارتىس ماسەلەلەرى مەن الدىڭعى لەكتەگى جاڭا تيپتەگى ماسەلەلەردى ءونىمدى شەشتى.
يان جيانگو وزگەرىستەردى، ياعني قامباعا كىرگىزىلگەن دەلولاردىڭ جاڭالىق جاراتۋ جاعىندا ءبىرشاما زور ىلگەرىلەۋشىلىككە قول جەتكىزگەنىن شىنايى سەزىندى. مىسالى، ”كومەسكى ۇستەمە جۇمىس“ ماسەلەسىنە قاراتا، دەلو مىسالدارى قويماسىنا مەملەكەت بويىنشا تۇڭعىش دەلو ەنگىزىلىپ، ”كومەسكى ۇستەمە جۇمىستى“ تۇراقتاندىرۋ ولشەمى ايقىندالىپ، ەڭبەك داۋ - شارى سالاسىنداعى جاڭا ماسەلەلەردى شەشۋگە سەپتىگىن تيگىزدى.
”قىزمەت مەحانيزمىن اناعۇرلىم كەمەلدەندىرۋدى ءۇمىت ەتەمىن، دەلو مىسالدارى قويماسى قۇرىلىسىنىڭ جاڭا ونىمدىلىگى ارقىلى ءادىليانىڭ ادىلدىگىن شىنايى سەزىنۋگە، جاقسى باعاعا يە بولۋعا جەبەۋىمىز كەرەك“ دەدى يان جيانگو.
كەلۋ قاينارى: حالىق تورابى
