ۇلتتىق رايونداردىڭ توعىسا دامۋىنا قولداۋ كورسەتۋ تەبىنىن ارتتىرۋ جونىندە ۇسىنىس بەردى

«بيىلعى ۇكىمەت قىزمەتىنەن باياندامادا ’وڭىرلەر ارا سايكەستى دامۋدى ىلگەرىلەتۋ‘، ’ۇلتتىق رايونداردىڭ دامۋىن جەدەلدەتۋگە قولداۋ كورسەتۋ‘ باسا دارىپتەلدى، ءاربىر ءسوز – سويلەمى از ۇلت جۇرتشىلىعىنىڭ كوڭىل تۇكپىرىنەن ورىن الدى“، - دەدى مەملەكەتتىك حالىق قۇرىلتايى ۋاكىلى، مەملەكەتتىك حالىق قۇرىلتايى ۇلتتىق كوميتەتىنىڭ مۇشەسى تاڭ يۋەچياڭ. ۇلتتىق رايوننان كەلگەن ۋاكىل رەتىندە، ۇلتتىق رايونداردىڭ دامۋى جونىندە تاڭ يۋەچياڭ ءۇش ءتۇرلى ۇسىنىس بەردى.

ءبىرىنشى، ۇلتتىق رايونداردىڭ مادەنيەت، ساياحات، دەنە تاربيە سالالارىنىڭ توعىسا دامۋىنا قولداۋ كورسەتۋ تەبىنىن ارتتىرۋ، مەملەكەتتىك AAAAA دارەجەلى كورىنىس رايونى، مەملەكەت دارەجەلى ساياحات دەمالىس رايونى قاتارلىلاردى قۇرۋ جاعىندا، ”قىستاقتار ارا باسكەتبول جارىسى“، ”قىستاقتار ارا فۋتبول جارىسى“ باستالعان جەرلەرگە ساياساتتىق جاقتان جەڭىلدىك جاسالۋىن ءۇمىت ەتتى. سونىمەن بىرگە، مياۋزۋ توقىماشىلىعى، كۇمىس اشەكەي بۇيىمدارى قاتارلى قولونەر سالاسىنداعى بەيزاتتىق مۇرالاردى سيفرلاندىرىپ دامىتۋعا قولداۋ كورسەتۋ جونىندە ۇسىنىس بەردى.

ەكىنشى، ۇلتتىق رايونداردىڭ قاتىناس نەگىزدىك قۇرىلعى قۇرىلىسىنا قولداۋ كورسەتۋ تەبىنىن ءتىپتى دە ارتتىرۋ، ”15 – بەسجىلدىق“ جوبانى اتقارۋ بارىسىندا، باتىس بولىكتەگى وڭىرلەردەگى، وتە – موتە، ۇلتتىق رايوندارداعى جوعارى قارقىندى تاس جولداردى، مەملەكەتتىك – ولكەلىك جولداردى جاڭالاۋعا قاراجات پەن نىسان جاعىنان اناعۇرلىم جەڭىلدىك جاساۋ جونىندە ۇسىنىس بەردى.

ءۇشىنشى، كەدەيلەردى سۇيەمەلدەپ كوشىرىپ ورنالاستىرعاننان كەيىن، سۇيەمەلدەيتىن كاسىپ سالالارىنا قارجى قوسۋ تەبىنىن ارتتىرۋ، ورتالىق قازىنانىڭ اۋىل – قىستاقتى گۇلدەندىرۋدى ۇشتاستىرۋ – ىلگەرىلەتۋ قوسىمشا قارجىسىن ورنالاستىرۋ بارىسىندا، كوشىرىپ ورنالاستىرىلعان رايوندارداعى سايكەستى مەكتەپ، ەمحانا جانە ولشەمدى زاۆود ءۇيى قۇرىلىسىنا اناعۇرلىم زور قولداۋ كورسەتۋ جونىندە ۇسىنىس بەردى.

      ”وتە - موتە، شىعىس بولىكتەگى ەڭبەككۇشتى كوپ قاجەت ەتەتىن كاسىپ سالاسىن ءبىز كوشىرىپ ورنالاستىرعان ەڭبەككۇش بايلىعىنان پايدالانۋ ارقىلى سۇيەمەلدەۋگە ويىستىرۋعا قولداۋ كورسەتۋدى، كوشىرىپ ورنالاستىرىلعان جۇرتشىلىقتىڭ قونىستانىپ قانا قويماي، جۇمىس تابا الۋىنا، اقشا قۇراي الۋىنا شارت – جاعداي جاراتۋدى ءۇمىت ەتەمىز“، - دەدى تاڭ يۋەچياڭ.

كەلۋ قاينارى: حالىق تورابى