تەڭىز - مۇحيت ەكونوميكاسىنىڭ جوعارى ساپالى دامۋىن ىلگەرىلەتەيىك

شينحۋا اگەنتتىگى، 3 - ايدىڭ 15 - كۇنى، بەيجيڭ. 3 - ايدىڭ 16 - كۇنى باسپادان شىعاتىن «ىزدەنۋ» جۋرنالىنىڭ 6 - سانىندا جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭنىڭ «تەڭىز - مۇحيت ەكونوميكاسىنىڭ جوعارى ساپالى دامۋىن ىلگەرىلەتەيىك» اتتى ماڭىزدى ماقالاسى جاريالانادى.

ماقالادا مىنالار باسا دارىپتەلدى: ەلىمىزدىڭ تەڭىز - مۇحيتتى مەڭگەرۋ، تەڭىز - مۇحيتتى اشۋ تاريحى ۇزاق. جاڭا جۇڭگو قۇرىلعاننان كەيىن، ءبىز تەڭىز - مۇحيتتى تارتىپپەن اشىپ پايدالاندىق. رەفورما جاساپ، ەسىك اشقاننان كەيىن، ەلىمىزدىڭ تەڭىز - مۇحيت ەكونوميكاسى جەدەل دامۋ كەزەڭىنە ءوتتى. جۇڭگو ۇلگىسىندەگى وسىزامانداندىرۋدى ىلگەرىلەتۋدە، ءسوز جوق، تەڭىز - مۇحيتتى جوعارى ونىمدىلىكپەن اشىپ جانە پايدالانىپ، تەڭىز - مۇحيت ەكونوميكاسىنىڭ جوعارى ساپالى دامۋىن ىلگەرىلەتىپ، جۇڭگوشا ەرەكشەلىككە يە قۇدىرەتتەنۋ جولىمەن ءجۇرۋ كەرەك.

ماقالادا مىنالار اتاپ كورسەتىلدى: ۇلكەن وي جەلىسىندە جاڭالىق اشۋ ارقىلى دەم بەرۋگە اناعۇرلىم ءمان بەرىپ، شەشۋشى، وزەكتى تەحنيكالاردان تەز ارادا قامال الىپ، تەڭىز - مۇحيت عىلىم - تەحنيكاسىندا جوعارى دەڭگەيدە ءوز كۇشىنە سۇيەنىپ، ءوزىن الۋەتتەندىرۋدى جۇزەگە اسىرۋدى ىلگەرىلەتۋ؛ جوعارى ونىمدىلىككە، سايكەستىككە اناعۇرلىم ءمان بەرىپ، قۇرلىق پەن تەڭىزدى ءبىر تۇتاس جوسپارلاۋعا، تاۋ مەن تەڭىزدە بىرلەسە ارەكەتتەنۋگە تاباندى بولىپ، سايكەستى دامۋدىڭ بىرىككەن كۇشىن نىعايتۋ؛ كاسىپ سالاسىن جاڭالاۋعا اناعۇرلىم ءمان بەرىپ، تەڭىز - مۇحيت ءداستۇرلى كاسىپ سالاسىنىڭ تيپىن وزگەرتىپ، دارەجەسىن جوعارىلاتۋدى ىلگەرىلەتىپ، تەڭىز - مۇحيتتاعى جاڭادان گۇلدەنگەن كاسىپ سالاسىن كۇش سالا دامىتىپ، تەڭىز - مۇحيتتىڭ بولاشاق كاسىپ سالاسىن بەلسەنە جەتىلدىرىپ، وسى زامانعى تەڭىز - مۇحيت كاسىپ سالاسى جۇيەسىن قۇرۋعا اناعۇرلىم ءمان بەرىپ، ادام مەن تەڭىزدىڭ جاراسىمدىلىعىنا ءتىپتى دە ءمان بەرىپ، تەڭىز - مۇحيت بايلىعىن اشۋ مەن قورعاۋدى ءبىر تۇتاس جوسپارلاپ، باياندى تەڭىز - مۇحيت ەكولوگيالىق ورتاسىن قۇرىپ، ادام مەن تەڭىزدىڭ ءتيىمدى ىقپالداستىعىنىڭ جاڭا جاعدايىن قالىپتاستىرۋ؛ سەلبەسىپ تەڭ يگىلىككە كەنەلۋگە اناعۇرلىم ءمان بەرىپ، دۇنيە جۇزىلىك تەڭىز - مۇحيتتى جونگە سالۋعا ىرىقتىلىقپەن ات سالىسىپ، تەڭىز - مۇحيت ەنەرگيا بايلىعىنان بىرگە بەيبىت پايدالانىپ، ەلىمىزدىڭ تەرريتوريا يەلىك ۇقىعى مەن تەڭىز - مۇحيت ۇقىق - مۇددەسىن باتىل قورعاۋ كەرەك.

ماقالادا مىنالار اتاپ كورسەتىلدى: ناقتى قىزمەتتە 6 جاقتى ءتۇيىندى تۇردە ويداعىداي يگەرۋ كەرەك. ءبىرىنشى، جوعارى دەڭگەيدە جوبالاۋ مەن ساياساتتىق قولداۋدى كۇشەيتۋ. تەڭىز - مۇحيت ەكونوميكاسىن دامىتۋدىڭ ”15 - بەسجىلدىق“ جوباسىن جاساپ، كاسىپ سالاسى، عىلىم - تەحنيكا، قازىنا - باجى، فينانس سياقتى جاقتارداعى ساياساتتىق قولداۋ تەبىنىن ارتتىرىپ، قوعامدىق كاپيتالدىڭ تەڭىز - مۇحيت ەكونوميكاسىن دامىتۋعا بەلسەنە ات سالىسۋىنا دەم بەرۋ جانە جەتەكتەۋ. ەكىنشى، تەڭىز - مۇحيت عىلىم - تەحنيكاسىندا دەربەس جاڭالىق جاراتۋ قۋاتىن جوعارىلاتۋ.

تەڭىز - مۇحيت ستراتەگيالىق عىلىم - تەحنيكا كۇشتەرىن كۇشەيتىپ، تەڭىز - مۇحيت عىلىم - تەحنيكا كوشباسشى كاسىپورىندارى مەن ارنايىلانعان، سارالانعان، ەرەكشە، جاڭا ورتا، شاعىن كاسىپورىنداردى جەتىلدىرۋ جانە دامىتۋ. ءۇشىنشى، تەڭىز - مۇحيت كاسىپ سالاسىن كۇشەيتۋ، ساپالىلاندىرۋ، زورايتۋ. تەڭىزدەگى جەل ەلەكترىنىڭ جۇيەلى، ءتارتىپتى قۇرىلىسىن ىلگەرىلەتىپ، وسىزاماندانعان شالعاي مۇحيتتان بالىق اۋلاۋدى دامىتىپ، تەڭىز - مۇحيت بيولوگيالىق ءدارى - دارمەكتەرىن، بيولوگيالىق ونىمدەرىن بەلسەنە دامىتىپ، تەڭىز - مۇحيت ەرەكشەلىككە يە مادەنيەت جانە ساياحات نىسانالى جەرىن قالىپتاستىرىپ، كەمە جانە تەڭىز - مۇحيت ينجەنەريالىق جابدىقتاۋ كاسىپ سالاسىن جوعارى ساپالى دامىتۋ ارەكەتىن ىلگەرىلەتىپ، ”سيفرلى تەڭىز - مۇحيت“ قۇرىلىسىن كۇشەيتىپ، تەڭىز تاسىمالى كاسىبىنىڭ جوعارى ساپالى دامۋىن ىلگەرىلەتۋ. ءتورتىنشى، نەگىزگى شىعاناقتاردىڭ جالپى تۇلعالىق جوباسىن كۇشەيتۋ. تەڭىز جاعالاۋىنداعى پورت شوعىرىن ساپالىلاندىرۋدى، بىرىكتىرۋدى تارتىپپەن ىلگەرىلەتىپ، ءتۇيىندى پورتتاردىڭ جاسىلدانۋعا، زەردەلىلەنۋگە بۇرىلىس جاساۋىنا قولداۋ كورسەتۋ. بەسىنشى، تەڭىز - مۇحيت ەكولوگيالىق ورتاسىن قورعاۋدى كۇشەيتۋ. تەڭىز - مۇحيت ورتاسىنىڭ حاۋىپ - قاتەرىنەن تۋ باستان ساقتانۋدى كۇشەيتىپ، ءتۇيىندى تەڭىز ايدىندارىن جان - جاقتى جونگە سالۋدى ۇزدىكسىز اتقارىپ، تەڭىز ايدىندارىنان ساتىعا ءبولىپ، ستەرەولدى پايدالانۋدى بەلسەنە ىلگەرىلەتىپ، تەڭىز - مۇحيتتىڭ كومىرتەگى قوس توتىعىن جيناۋ ەسەبىن ورىستەتۋ جونىندە ىزدەنىس جاساۋ. التىنشى، دۇنيە جۇزىلىك تەڭىز - مۇحيتتى جونگە سالۋعا ىشكەرىلەي ات سالىسۋ. دۇنيە جۇزىلىك تەڭىز - مۇحيت جونىندەگى عىلمي زەرتتەۋ، تەكسەرۋ، اپاتتان ساقتانۋ، اپات زيانىن ازايتۋ، كوك ەكونوميكا سەلبەستىگىن كۇشەيتىپ، ”ءبىر بەلدەۋ، ءبىر جول“ حالىقارالىق پورت وداعى قۇرىلىسىن ىلگەرىلەتۋ.

كەلۋ قاينارى: حالىق تورابى