كوڭىل بولىڭدەر! مۇنداي كەلتە حاتتاردى تاپسىرىپ العاندا، استە باسىپ كىرمەڭىز! ارناۋلى اقشاڭىزدى الدايتىن حات

ەگەر ءسىز اياق استىنان ءبىر كەلتە حات تاپسىرىپ الساڭىز، كەلتە حاتتا قارىز اقشاڭىزدى دەر كەزىندە قايتارماعاندىقتان، سىزگە ەكى ەسە ايىپ ءوسىم قوساتىندىعىن، سونىمەن بىرگە سەنىمدىلىك قارا تىزىمدىگىنە كىرەتىنىڭىزدى، ءتىپتى وسى سەبەپتى بالاڭىزدىڭ وقۋعا تۇسۋىنە ىقپال جاساۋى مۇمكىن ەكەندىگىن ايتسا، ءسىز ابىرجيسىز با، جوق پا؟ كوپتەگەن ادام ابىرجىعان جاعدايدا، كەلتە حاتتاعى قوسىمشا جالعانىمدى باسىپ، ”اتالمىش قارىزدى قايتارۋدى“ باستايدى.

ءتىلشى بىلاي دەيدى: ”الدامكوستەر كەڭ كولەمدە تور جايىپ، ادامداردىڭ ’العان قارىزدى ۇمىتىپ قالىپ، سەنىمدىلىكتەن ماسەلە شىعۋدان قورقاتىن‘ پسيحيكاسىنان پايدالانىپ، ءبىر - بىردەن الداپ سىناپ كورەدى. ەگەر ءسىز بۇل جالعانىمدى باسساڭىز، بانكەنىڭ قارىز قايتارۋ بەتى ەكەندىگىن بايقايسىز، ءىس جۇزىندە بۇل الدامكوستەر جاساعان جالعان تور بەتى، ءسىز بانكە كارتىچكاسىنىڭ ءنومىرىن، قۇپيا سيفرىن، دالەلدەۋ ءنومىرىن كىرگىزسەڭىز بولعانى، ولار كارتىچكاڭىزدىڭ ىشىندەگى اقشاڭىزدى اۋدارىپ الىپ كەتەدى.“

كوپشىلىككە مىنانى ەسكەرتەمىز:

ءبىرىنشى، جالعانىمدى باسپاڭىز، كەلتە حاتتاعى نومىرگە تەلەفون سوقپاڭىز، تەك رەسمي جاقتىڭ App ىنا شىعىپ رەسمي جاقتىڭ قىزمەت وتەۋىنەن ۇعىسىڭىز، نە تىكەلەي بانكە تورابىنا بارىپ جاعدايدى ۇعىسىڭىز؛

ەكىنشى، جەكەلەردىڭ ەسەبىنە استە اقشا اۋدارماڭىز، بارلىق قارىز قايتارۋ تەك رەسمي جاقتىڭ ارناسىمەن عانا بولسىن، تالونداردى جاقسى ساقتاڭىز؛

ءۇشىنشى، ءارقانداي جاعدايدا ازاماتتىق كۋالىك، بانكە كارتىچكاسى، دالەلدەۋ ءنومىرى قاتارلى سەزىمتال ينفورماتسيالاردى استە ايتپاڭىز.

كەلۋ قاينارى: حالىق تورابى