”حالىققا باقىت جاراتۋ - ەڭ ۇلكەن ناتيجە“ (باس شۋجيدىڭ حالىقشىلدىق سۇيىسپەنشىلىگى)

نە ءۇشىن ادام ماسەلەسى دۇرىس ناتيجە كوزقاراسىنداعى ماڭداي الدى ماسەلە بولادى، ول ءبىر ساياسي پارتيانىڭ بيلىك جۇرگىزۋ ماقساتىن سىننان وتكىزەدى، ءىس تىندىرىپ، شارۋاشىلىق قۇرۋدىڭ ءتۇبىرلى بەتالىسىن بەلگىلەيدى.

باس شۋجي شي جينپيڭ بىلاي دەپ اتاپ كورسەتتى: ”كوممۋنيستەر، ءسوز جوق، حالىقتى باقىتقا كەنەلتۋدىڭ ەڭ ۇلكەن دۇرىس ناتيجە ەكەندىگىن ەستە بەرىك ساقتاۋى كەرەك“. بيىلعى مەملەكەتتىك ەكى ءماجىلىس كەزىندە باس شۋجي تاعى دا بىلاي دەپ تاپسىردى: ”تاباندىلىقپەن ءىس تىندىرىپ، شارۋاشىلىق قۇرىپ، امالياتتىڭ، حالىقتىڭ، تاريحتىڭ سىنىنان وتە الاتىن ناقتى ناتيجەلەردى قۇلشىنا جاراتۋىمىز كەرەك“.

حالىق ءۇشىن قىزمەت ىستەۋگە تاباندى بولۋ جۇڭگو كوممۋنيستەرىنىڭ وزگەرمەيتىن اۋەلگى ماقساتىن ايگىلەدى.

”بۇكىل ىنتا - پەيىلىمەن حالىق ءۇشىن قىزمەت ىستەۋ _ پارتيامىزدىڭ بارلىق ارەكەتىنىڭ ءتۇبىرلى شىعار ءتۇيىنى جانە تابان تىرەر تياناعى، پارتيامىزدىڭ باسقا بارلىق ساياسي پارتيالاردان پارىقتالاتىن ءتۇبىرلى بەلگىسى“.

حالىققا باقىت جاراتۋ - باس شۋجي شي جينپيڭنىڭ العان بەتىنەن قايتپايتىن تالپىنىسى. جارتى عاسىردان استام ۋاقىتتىڭ الدىندا، شانشيدىڭ يانچۋان اۋدانىنداعى لياڭجياحىدا قىستاققا كىرگەن كەزدە، ”حالىق ءۇشىن ناقتى ءىس ىستەۋىمىز كەرەك“ دەگەن سەنىم جاس شي جينپيڭنىڭ جۇرەگىنە تەرەڭ ۇيالاعان - دى.

”حالىقتىڭ تاماشا تۇرمىسقا تالپىنىسى _ ءبىزدىڭ كۇرەس نىسانامىز“. 2012 - جىلى 11 - ايدا پارتيانىڭ 18 - قۇرىلتايى جابىلعاننان كەيىن، باس شۋجي شي جينپيڭ جۇڭگولىق، شەتەلدىك تىلشىلەرمەن كەزدەسكەندە وسىنى تەرەڭ سۇيىسپەنشىلىكپەن بايانداپ، كۇنى بۇگىنگە دەيىن ءجۇز ميلليونداعان حالىقتى جىلىتىپ كەلەدى.

حالىق تىلەگى ەڭ ۇلكەن ساياسي. حالىققا باقىت جاراتۋدا حالىقتى باستان - اياق كوڭىلدەگى ەڭ جوعارى ورىنعا قويۋ كەرەك. وقۋ جاسىنا دەيىنگى تاربيەدەن، ءبىلىم الۋدان، ەڭبەكاقىدان، ەمدەلۋدەن، قارتتار كۇتىمدەلۋدەن، تۇرعىن ۇيدەن، ءالسىز جانداردى كومەكتەن يگىلىكتەندىرۋگە دەيىن ... جاڭا داۋىردەن بەرى حالىقتىڭ ارمان - تىلەگى باس شۋجي شي جينپيڭنىڭ جۇرەگىنە ۇيالاپ، مەملەكەت دامۋىنىڭ جوعارى دەڭگەيلى جوباسىمەن توعىستى.

”باس شۋجي، ءسىز جايشىلىقتا وسىنشاما قاربالاسسىز، سوندا دا بىزگە امانداسا كەلدىڭىز، سىزگە شىن جۇرەكتەن العىس ايتامىز“. قىستاق تۇرعىندارىنىڭ قاراپايىم سوزىنە باس شۋجي شي جينپيڭ كۇلىمسىرەي جاۋاپ قايتارىپ: ”مەن وسىنداي قاربالاس ىستەرمەن قاربالاسپىن، ’مەملەكەتتىڭ زور *ىسى‘ حالىقتىڭ باقىتتى تۇرمىسى“ دەدى.

حالىققا بەرىك سۇيەنىپ دۇرىس ناتيجە جاراتىپ، حالىق بۇقاراسىنان اقىل - پاراسات جانە كۇش - قۋات قابىلداۋىمىز كەرەك.

باس شۋجي شي جينپيڭ بىلاي دەپ باسا دارىپتەدى: ”دۇرىس قىزمەت ناتيجەسى كوزقاراسىن ورناتىپ جانە امالياتتا ايگىلەپ، جاڭا داۋىردەگى پارتيانىڭ بۇقارالىق لۋشيانىن ويداعىداي جۇرگىزۋىمىز كەرەك“.

20 نەشە جىلدىڭ الدىنداعى ”سەگىز - سەگىز ستراتەگياسىنىڭ“ دۇنيەگە كەلۋ بارىسى پارتيانىڭ بۇقارالىق لۋشيانىن امالياتتا ايگىلەۋدىڭ كلاسسيكالىق ۇلگىسى بولىپ، كۇنى بۇگىنگە دەيىن ادامدارعا تەرەڭ وي سالۋدا −

جىجياڭعا ەندى عانا كەلىپ قىزمەت ىستەگەن كەزىندە، بىرەۋلەر شي جينپيڭ جولداستى ”بيلىك جۇرگىزۋ باعدارلاماسى“ جونىندە ءسوز سويلەۋگە ۇسىنىس ەتتى، ول كۇلىپ تۇرىپ بىلاي دەدى: ”مەن جاڭا عانا كەلدىم، ءالى سويلەۋ ۇقىعىم جوق. ۋاقىتى كەلگەندە سويلەيمىن“.

ءىس جۇزىندىك جاعدايدى ىشكەرىلەي ءتۇسىنۋ تەكسەرىپ - زەرتتەۋدەن ايرىلا المايدى. ءبىر جىلعا تاياۋ ۋاقىتتا شي جينپيڭ جولداس 11 قالانى، 69 اۋداندى (قالا، رايون) ءبىر رەت ارالاپ، نەگىزگى ساتىداعى كادرلار مەن بۇقارانىڭ جۇرەك ءۇنىن كەڭ كولەمدە تىڭدادى. وسى نەگىزدە جۇيەلى جوسپارلانعان ”سەگىز - سەگىز ستراتەگياسى“ كەيىنگىلەرگە اسەر ەتتى.

جاڭا داۋىردەگى كەدەيلىكتەن ارىلتۋدان قامال الۋدا باس شۋجي بۇكىل ەلدەگى شوعىرلى، تۇتاسقان 14 ەرەكشە كەدەي رايوندى تۇگەل ارالاپ، 5 دارەجەلى شۋجيلەر كەدەيلەردى سۇيەمەلدەۋدى يگەرۋ مەحانيزمىن ورناتىپ، بۇكىل پارتيانى باستاپ كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزدى؛ 5 جىلدىق وتپەلى كەزەڭدە باس شۋجي نەگىزگى ساتىعا ىشكەرىلەي بارىپ تەكسەرۋ - زەرتتەۋ جۇرگىزىپ، ”كەدەيلىكتەن ارىلتۋداعى ەڭ تومەنگى شەكتەن تۇسىرمەۋ، ءسوز جوق، بەرىك قامال بولۋى كەرەك“ دەپ باسا دارىپتەدى؛ بيىل ۇدايىلانعان كومەكتەسۋ - سۇيەمەلدەۋگە بۇرىلىس جاساعان ءبىرىنشى جىل، باس شۋجي ”ۇدايىلانعان كومەكتەسۋ - سۇيەمەلدەۋدى اۋىل - قىستاقتى گۇلدەندىرۋ ستراتەگياسىنا ەنگىزىپ، ءبىر تۇتاس جوسپارلاپ اتقارىپ، كولەمدەنگەن قايتا كەدەيلەسۋدىڭ، كەدەيلەسۋدىڭ تومەنگى شەگىن بەرىك ساقتاۋدى“ تالاپ ەتتى.

”جۇڭگو ۇلگىسىندەگى وسىزامانداندىرۋ − بۇكىل جۇڭگو حالقىنىڭ ءىسى، حالىققا تىعىز سۇيەنىپ، حالىق اراسىندا ساقتالعان شەكسىز اقىل - پاراسات پەن كۇش - قۋاتتى شوعىرلاندىرعاندا عانا، جاڭا تاريحي ۇلى ىستەردى ۇزدىكسىز جاراتۋعا بولادى“. جاڭا جورىقتا جۇڭگو كوممۋنيستەرى باستان - اياق حالىققا تامىر تارتىپ، حالىققا سۇيەنىپ، وسىزامانداندىرۋ باعىتىنىڭ حالىقتىق سيپاتىن كورنەكتىلەندىرىپ، ءجۇز ميلليونداعان جۇڭگو حالقىنىڭ جاسامپازدىق ومىرشەڭدىك كۇشىن بۇرىن بولىپ كورىلمەگەن دارەجەدە تاسقىنداتتى.

حالىقتىڭ تەكسەرۋىن باستان - اياق قابىلداپ، حالىق بۇقاراسى رازى بولاتىن جاۋاپ قايتارۋعا قۇلشىنۋ كەرەك.

”التىن ساۋىت، كۇمىس ساۋىت بۇقارانىڭ القاۋىنا جەتپەيدى، بۇقارانىڭ جاقسى دەگەنى عانا ناعىز جاقسى بولادى“. ”كادىرلاردىڭ قىزمەت ناتيجەسىن جاقسى نە ناشار دەپ ولشەۋدەگى شەشۋشى ءتۇيىن بۇقارانىڭ جاقسى - جامان دەپ بەرگەن باعاسىنا قاراۋ كەرەك“. باس شۋجي شي جينپيڭ وسىلاي دەپ تالاي رەت باسا دارىپتەدى.

جياۋ يۇيلۋ مەن گۋ ۋىنچاڭ سىندى وسى ەكى اۋداندىق پارتكومنىڭ شۋجيىن باس شۋجي ۇنەمى اۋىزعا الىپ وتىرادى. پارتيانىڭ تاپسىرماسىن، حالىقتىڭ تىلەگىن ارقالاعان جياۋ يۇيلۋ حىناننىڭ لانكاۋ دەگەن جەرىندە، گۋ ۋىنچاڭ فۋجياننىڭ دۇڭشان تاۋىندا قۇمدى بورانعا قارسى تۇرىپ، اعاش ەگىپ، ورمان ءوسىرىپ، جۇرەك قانىن سارقا جۇمساپ، اقتىق دەمىنە دەيىن قىزمەت ەتتى. كۇنى بۇگىنگە دەيىن لانكاۋلىقتار ”باۋتۇڭ اعاشىن كورسەك، جياۋ يۇيلۋ ەسىمىزگە تۇسەدى“ دەسە، ال دۇڭشاندىقتار ”الدىمەن گۋ ۋىنچاڭ ازا ءبىلدىرىپ، ونان سوڭ اتا - بابامىزعا تابىنامىز“ دەسەدى.

قىزمەتتى قىزۋ ىنتامەن ىستەگەندە، دۇرىس ناتيجەنى بۇقارا مويىنداي ما، جوق پا، مۇندا ”ۇيلەسىمدىلىك“ سىندى وسى ءبىر ولشەۋىشپەن ولشەۋ كەرەك. 1 - ايدىڭ 20 - كۇنى ولكە، مينيسترلىك كلاستارىنىڭ ”جىلدىق ءبىرىنشى ساباعى“ باستالدى، باس شۋجي شي جينپيڭ كوپشىلىككە ”ۇسىنىلىم - ءونىم ەسەبىن جاساپ، ۇيلەسىمدىلىگىن جوعارىلاتۋدى“ ەسكەرتتى. ۇيلەسىمدىلىك − ەكونوميكالىق زاڭدىلىقتىڭ ءبىر تۇرعىسى، سونداي - اق ”قانداي دۇرىس ناتيجە جاراتۋدىڭ“ ولشەمى سانالادى. شەشىم عىلىمي، دالمە - ءدال بولسا، ءىس جۇزىندىكتەن قول ۇزبەي، ساتىدان اتتاپ وتپەگەندە عانا حالىققا شىنايى باقىت جاراتىپ، بۇقارانىڭ جاپپاي مويىنداۋىنا يە بولۋعا بولادى.

2025 - جىلدىڭ سوڭىندا اشىلعان ورتالىقتىڭ ەكونوميكالىق قىزمەت ماجىلىسىندە باس شۋجي بىلاي دەپ ايقىن اتاپ كورسەتتى: ”شەشىمنىڭ عىلمي بولعان - بولماعاندىعىن ولشەۋدە، تۇپتەپ كەلگەندە، حالىق بۇقاراسىنىڭ قۇپتاۋى مەن قولداۋىنا يە بولعان - بولماعاندىعىنا، اماليات پەن تاريحتىڭ سىنىنان وتە العان - الماعاندىعىنا قاراۋ كەرەك. باس قاتىرىپ شەشىم جاسايتىن، كەۋدەسىن قاعىپ پوزيتسيا بىلدىرەتىن، بوكسەسىن قاعىپ ءجۇرىپ كەتەتىن ’ءۇش قاعۋ‘ قۇبىلىسىنان باتىل ساقتانۋ جانە ونى تۇزەتۋ كەرەك“.

تاريحتىڭ تەرەڭ تۇكپىرىنە كوز سالايىق. 2020 - جىلى 10 - ايدا گۋاڭدۇڭنىڭ چاۋجوۋى، گۋاڭجي عيماراتىندا. باس شۋجي شي جينپيڭ تەرەڭ ماعىنادا بىلاي دەگەن بولاتىن: ”ءاربىر ءداۋىر ءاربىر ءداۋىردىڭ ءىسىن ىستەۋى كەرەك. جاقسى ىستەسەڭ دە ، جامان ىستەسەڭ دە، قوسقان ۇلەسىڭ زور نە از بولسىن، تاريح بەتىندە تايعا باسقان تاڭباداي بولىپ قالادى!“

بيىلعى كوكتەم مەرەكەسى قارساڭىندا، باس شۋجي شي جينپيڭ بەيجيڭدە قىزمەت تەكسەرگەندە تەرەڭ ماعىنادا بىلاي دەدى: ”’15 - بەسجىلدىق‘ جوبا باستالدى، ءار دارەجەلى باسشىلىق القالارىنىڭ قىزعىندىلىعى جوعارى، قايراتى مىعىم بولۋدا، بۇل جاقسى جاعداي، مۇنداعى شەشۋشى ءتۇيىن − دۇرىس ناتيجە كوزقاراسى، ءسوز جوق، دۇرىس بولۋى كەرەك“.

”جالپى ءۇشىن پارتيا قۇرۋ، حالىققا باقىت جاراتۋ، عىلمي شەشىم جاساۋ، شىنايى يگەرىپ، ناقتى ىستەۋ“ جالپى تالابىنا تاباندى بولىپ، دۇرىس قىزمەت ناتيجەسى كوزقاراسىن ورناتىپ جانە ونى امالياتتا ايگىلەسەك جۇڭگو ۇلگىسىندەگى وسىزامانداندىرۋ قۇرىلىسىنىڭ جاڭا جاعدايىن، ءسوز جوق، ۇزدىكسىز اشۋىمىزعا بولادى.

كەلۋ قاينارى: حالىق تورابى