شي جينپيڭ لاتىن امەريكاسى جانە كارايب ەلدەرى ورتاق تۇلعاسىنىڭ 10 - كەزەكتى باسشىلار ماجىلىسىنە قۇتتىقتاۋ تەلەگرامماسىن جولدادى

شينحۋا اگەنتتىگى، 3 - ايدىڭ 22 - كۇنى، بەيجيڭ. 3 - ايدىڭ 21 - كۇنى لاتىن امەريكاسى جانە كارايب ەلدەرى ورتاق تۇلعاسىنىڭ 10 - كەزەكتى باسشىلار ءماجىلىسى كەزەكتى ءتوراعا ەل كولومبيادا وتكىزىلدى، مەملەكەت ءتوراعاسى شي جينپيڭ باسشىلار ماجىلىسىنە قۇتتىقتاۋ تەلەگرامماسىن جولدادى.

شي جينپيڭ بىلاي دەپ اتاپ كورسەتتى: لاتىن امەريكاسى مەن كارايب ەلدەرى ورتاق تۇلعاسى قۇرىلعاننان بەرى، لاتىن امەريكاسى مەن كارايب ءوڭىرىنىڭ بەيبىتشىلىگىن، ورنىقتىلىعىن جانە دامۋىن، گۇلدەنۋىن جەبەۋگە كۇش سالىپ، دۇنيە ءجۇزىنىڭ وڭتۇستىگى مەن سولتۇستىگىنىڭ ىنتىماعىنا، سەلبەستىگىنە، بىرگە دامۋىنا تىڭ قوزعاۋشى كۇش قوستى. بىلتىر 5 - ايدا جۇڭگو - لاتىن امەريكاسى ورتاق تۇلعاسى تالقى مىنبەسىنىڭ 4 - كەزەكتى مينيستر دارەجەلىلەر ءماجىلىسى بەيجيڭدە ءساتتى وتكىزىلدى، مەن اشىلۋ سالتىنا قاتىناستىم ءارى جۇڭگو مەن لاتىن امەريكاسىنىڭ ىنتىماق، دامۋ، وركەنيەت، بەيبىتشىلىك، حالىق تىلەگى سىندى 5 ءىرى ينجەنەريانى قول ۇستاسا باستاعاندىعىن جاريالادىم، لاتىن امەريكاسى جاقتىڭ بەلسەنە ءۇن قوسۋىنا يە بولدىم. ءبىر جىلدان بەرى جۇڭگو مەن لاتىن امەريكاسى تىعىز سەلبەسىپ، 5 ءىرى ينجەنەريانىڭ ۇزدىكسىز تەرەڭدەۋىن، ناقتىلانۋىن ىلگەرىلەتىپ، ەكى جاق حالقىنا ناقتى قۇت - ىرىس جاراتتى.

شي جينپيڭ بىلاي دەپ باسا دارىپتەدى: جۇڭگو قاشان دا لاتىن امەريكاسى مەن كارايب ەلدەرىنىڭ جاقسى دوسى، جاقسى سەرىگى بولىپ، لاتىن امەريكاسى مەن كارايب ەلدەرىنىڭ ءوز يەلىك ۇقىعىن، حاۋىپسىزدىگىن، دامۋ مۇددەسىن قورعاۋىن قولدايدى، لاتىن امەريكاسىمەن بىرگە حالىقارالىق ادىلدىك پەن ادىلەتتىلىكتى قول ۇستاسا قورعاپ، جۇڭگو مەن لاتىن امەريكاسىنىڭ تاعدىرلاس ورتاق تۇلعاسىن بىرگە قۇرۋدىڭ تىڭ داستانىن بىرگە جازۋدى قالايدى.