التىن باعاسى ”ۇزدىكسىز سەگىز رەت قۇلدىرادى“ 

3 – ايدىڭ 20 – كۇنى، ناقتى زات تۇرىندەگى التىننىڭ باعاسىنىڭ ءار ۋنتسياسى بازار بارىسىندا 4500 ا ق دوللارىندىق كەزەڭنەن تومەن ءتۇسىپ، 8 ايىرباس كۇنىندە ۇزدىكسىز قۇلدىراعان.

وتكەن اپتادا حالىقارالىق بازاردا التىن، كۇمىس قاتارلى باعالى مەتالداردىڭ باعاسىنىڭ تومەندەۋ بەتالىسى وزگەرمەدى، نيۋ – يورك تاۋار ايىرباسى ورنىندا 4 – ايدا تاپسىرىلاتىن مەرزىمدەمەلى تاۋار تۇرىندەگى التىننىڭ ءار ۋنتسياسىنىڭ باعاسى ءبىر اپتا بۇرىنعى جۇما كۇنگى 5061.70 ا ق ش دوللارىنان ۇزدىكسىز قۇلدىراپ، وتكەن اپتاداعى جۇما كۇنى 4600 ا ق ش دوللارىندىق كەزەڭنەن تومەن دەڭگەيگە تۇسكەن، تۇتاس اپتا بويىنشا ارزانداۋ مولشەرى %9.62 بولىپ، ءبىر اپتادا قۇلدىرۋ مولشەرى 15 جىلدان بەرى ەڭ زور بولعان؛ نيۋ – يورك تاۋار ايىرباسى ورنىنداعى 5 – ايدا تاپسىرىلاتىن مەرزىمدەمەلى تاۋار تۇرىندەگى كۇمىستىڭ ءار ۋنتسياسىنىڭ باعاسى 80 ا ق ش دوللارىنان جوعارى دەڭگەيدەن 70 ا ق ش دوللارىنان تومەن دەڭگەيگە دەيىن تومەندەگەن، تۇتاس اپتا بويىنشا تومەندەۋ مولشەرى %14 تەن اسقان. مۇنان سىرت، لوندونداعى ناقتى زات تۇرىندەگى التىننىڭ ءار ۋنتسياسىنىڭ بازار ورتاسىنداعى باعاسى 4500 ا ق ش دوللارىنان تومەن ءتۇسىپ، وسى اپتاداعى تومەندەۋ مولشەرى جيىنى %11 تەن اسىپ، 8 ايىرباس كۇنىندە ۇزدىكسىز تومەندەگەن.

حالىقارادا التىن باعاسىنىڭ زور مولشەردە قۇلدىراۋىنىڭ ىقپالىنا ۇشىراعاندىقتان، ەل ىشىندەگى ايگىلى ماركالى التىن اشەكەي بۇيىمداردىڭ باعاسى بىردەي قۇلدىراعان، كوپتەگەن ماركاداعى تاۋارلاردىڭ ءار گرامىنىڭ باعاسى 1400 يۋاننان تومەن دەڭگەيگە تۇسكەن.

كەلۋ قاينارى: حالىق تورابى