ەكى تاراۋ 16 تارماقتى ساياساتتىق شارانى ورتاعا قويدى

حالىق گازەتىنىڭ ءتىلشىسى چيۋ چاۋ – ي 3 – ايدىڭ 22 – كۇنى بەيجيڭنەن حابارلايدى. ادام كۇشى بايلىعى جانە قوعامدىق قامتاماسىزداندىرۋ مينيسترلىگى مەن قازىنا مينيسترلىگى جۋىردا «2026 – جىلى جوعارى مەكتەپتەن وقۋ بىتىرگەندەر قاتارلى جاستاردى جۇمىستاندىرۋ قىزمەتىن ويداعىداي ىستەۋ تۋرالى ۇقتىرۋدى» بىرگە باسىپ تاراتىپ، 16 تارماقتى ساياساتتىق شارانى ورتاعا قويىپ، جوعارى مەكتەپتەن وقۋ بىتىرگەندەر قاتارلى جاستاردىڭ جۇمىستانۋىن كۇش سالا جەبەيدى.

حالىق باسقارۋىنداعى كاسىپورىندار ارقىلى جۇمىستاندىرۋ ارەكەتىن اتقارىپ، وزىق جاساۋ كاسىبى، وسىزامانعى قىزمەت وتەۋ سالاسى قاتارلى سالالاردى باستى ءتۇيىن ەتىپ، كاسىپ سالاسىنداعى كوشباسشى كاسىپورىندار، ارنايىلانعان، سۇرىپتالعان، ەرەكشە، جاڭادان قۇرىلعان ورتاشا – شاعىن كاسىپورىندار قاتارلىلاردىڭ جۇمىستاندىرۋ جاعىنداعى كومەسكى قۋاتىن ساۋلەلەندىرىپ، ادام كۇشى بايلىعى ارناۋلى قىزمەتكەرلەرىن كاسىپورىندارعا بارىپ قىزمەت ورنىن كەڭەيتۋگە ۇيىمداستىرىپ، جوعارى مەكتەپتەن وقۋ بىتىرگەندەر قاتارلى جاستارعا سايكەس كەلەتىن اناعۇرلىم كوپ قىزمەت ورىندارىن شوعىرلاندىرادى. جوعارى مەكتەپتەن وقۋ بىتىرگەندەردى اۋدان كولەمىندەگى ەكونوميكانىڭ دامۋىنا دەم بەرۋگە جەتەلەپ، شارت - جاعدايى بار جەرلەردە اۋدان – اۋىلداعى ورتاشا - شاعىن كاسىپورىنداردا جۇمىستانعان جوعارى مەكتەپتەن وقۋ بىتىرگەندەرگە ساياساتتىق قولداۋ كورسەتۋ كولەمىن كەڭەيتەدى.

جۇمىستاندىرۋ – شارۋاشىلىق قۇرۋ جاعىنداعى ساياساتتاردى تياناقتاندىرۋ ارەكەتىن اتقارىپ، قوعامدىق قامسىزداندىرۋ قوسىمشا قاراجاتى، باجىنى ازايتۋ نەمەسە كەشىرىم ەتۋ قاتارلى ساياساتتاردان ويداعىداي پايدالانىپ، ساياساتتان تەز ارادا تىكەلەي يگىلىكەندىرۋدى ىلگەرىلەتىپ، كاسىپورىنداردى جوعارى مەكتەپتەن وقۋ بىتىرگەندەردى كوبىرەك جۇمىسقا قابىلداۋعا شابىتتاندىرادى. بەسىنشى رەتكى ”ءۇشتى قولداپ، ءبىردى سۇيەمەلدەۋ“ جوسپارىن اتقارۋدى باستاپ، جەر – جەردى نەگىزگى ساتىلاردا ءىس جۇزىندىك جاعدايعا ساي كەلەتىن جەرگىلىكتى سيپاتتاعى قىزمەت وتەۋ نىساندارىن اشۋعا شابىتتاندىرادى. اۋىل – قىستاقتى جاپپاي گۇلدەندىرۋ، نەگىزگى ساتىنى جونگە سالۋ قاتارلى قاجەتتىلىكتەرمەن ۇشتاستىرىپ، قىزمەت ورنى بايلىقتارىن كەڭەيتىپ، قالا – اۋىل نەگىزگى ساتىلارىنىڭ جۇمىستاندىرۋ كوتەرىمدىلىگىن جوعارىلاتادى.

كەلۋ قاينارى: حالىق تورابى