شينجياڭدا 2026 – جىلعى جوعارى مەكتەپ ەمتيحانىنىڭ دەنە تاربيە تۇرىندەگى كاسىپتىك سىناۋىنا 4 – ايدىڭ 7 – كۇنىنەن باستاپ تىزىمدەلۋگە بولادى 

4 – ايدىڭ 2 – كۇنى، ءتىلشىنىڭ شينجياڭ وقۋ اعارتۋ – ەمتيحان مەكەمەسىنەن ۇعىسۋىنشا، شينجياڭدا 2026 – جىلعى جوعارى مەكتەپ ەمتيحانى دەنە تاربيە كاسىپتىك سىناۋىنا (تومەندە قىسقارتىلىپ دەنە تاربيە سىناۋى دەپ الىنادى) ينتەرنەت ارقىلى تىزىمدەلۋ جانە اقى تولەۋ 4 – ايدىڭ 7 – كۇنى ساعات 12:00 دە باستالىپ، 4 – ايدىڭ 10 – كۇنى ساعات 18:00 دە اياقتالادى، تىزىمدەلۋشىلەر وسى ۋاقىتتى وتكىزىپ الماعانى ءجون.

حابارعا قاراعاندا، دەنە تاربيە سىناۋى 4 – ايدىڭ 22 – كۇنىنەن 24 – كۇنىنە دەيىن ءۇرىمجى قالاسى مەن قاشقار قالاسى سىندى ەكى سىناۋ تۇيىنىندە الىنادى. اۋا رايى سياقتى سەبەپتەرمەن ۋاقىتتىق وزگەرىس بولسا، ارنايى ۇقتىرۋ جاريالانادى. تىزىمدەلۋشىلەر بەلگىلەنگەن ۋاقىتتا شينجياڭ وقۋ اعارتۋ – ەمتيحان مەكەمەسىنىڭ رەسمي توراپ بەكەتىنە (www.xjzk.gov.cn) كىرىپ، ”الەۋمەتتىك قىزمەت وتەۋ زالى“ ايدارشاسىنان ”ينتەرنەت ارقىلى تىزىمدەلۋ“ دەگەن ورىندى باسىپ، ”شينجياڭدا جاي جوعارى مەكتەپ ەمتيحانى دەنە تاربيە كاسىپتىك سىناۋىنا تىزىمدەلۋ“ بولىمىنە كىرىپ، ينتەرنەت ارقىلى تىزىمدەلۋ جانە اقى تولەۋ جۇمىستارىن ورىنداۋىنا بولادى.

كەلۋ قاينارى: حالىق تورابى