قايتارىلعان قاراجات سوماسى جيىنى 300 ميلليون يۋاننان استى، بازاردى باقىلاۋ – باسقارۋ باس مەڭگەرمەسى تۇرعىنداردان سۋ، ەلەكتر، گاز پايدالانۋ اقىسىن جيناۋدىڭ تۇزىمگە ساي كەلمەۋى قاتارلى ماسەلەلەردى جونگە سالدى 

ءتىلشىنىڭ 4 – ايدىڭ 7 - كۇنى ۇعىسۋىنشا، 2025 – جىلى 5 – ايدان 2026 – جىلى 1 – ايعا دەيىن، بازاردى باقىلاۋ – باسقارۋ باس مەڭگەرمەسى حالىق جۇرتشىلىعىنىڭ اڭىسى كۇشتى بولعان سۋ، ەلەكتر، گاز پايدالانۋ مولشەرىن ەسەپتەۋدىڭ دۇرىس بولماۋى، اقى جيناۋدىڭ تۇزىمگە ساي كەلمەۋى قاتارلى كورنەكتى ماسەلەلەرگە باعىتتاي وتىرىپ، ”ءتورتتى ىستەمەۋ، ەكىنى تىكەلەي اتقارۋ“ (ۇقتىرۋ شىعارماۋ، قۇلاققاعىس ەتپەۋ، مالىمەت تىڭداماۋ، سەرىك بولۋدان جانە قابىلداۋدان باس تارتۋ، تىكەلەي نەگىزگى ساتىعا بارۋ، تىكەلەي ءىس باسىنا بارۋ) قاتارلى تاسىلدەردى قولدانىپ، بۇكىل ەلىمىز بويىنشا تۇرعىنداردىڭ سۋ، ەلەكتر، گاز پايدالانۋ اقىسىن ەسەپتەۋ جانە اقى جيناۋ ماسەلەسى تۋرالى جان – جاقتى جونگە سالۋ قىزمەتىن ورىستەتۋ جونىندە ورنالاستىرۋ جاساعان، كورسەتكىش اسپاپتارىن ورنالاستىرۋدان بۇرىن تۇڭعىش رەتكى تەكسەرۋدى جۇرگىزبەۋ، باعاسىن جۇيەلى دە انىق جازباۋ، ۇكىمەت بەلگىلەگەن باعا مەن ۇكىمەت جەتەكشىلىك ەتەتىن باعانى اتقارماۋ قاتارلى زاڭ – تۇزىمگە قايشى ارەكەتتەردى زاڭ بويىنشا قاتاڭ تەكسەرىپ ءبىرجاقتى ەتكەن، بەلگىلەمەگە قايشى تۇردە اقى الۋ ارەكەتى ساقتالعانى تەكسەرىلىپ راستالعان سۋ، ەلەكتر، گاز سالاسىنداعى الەۋمەتتىك كاسىپورىندارعا ”مۇلدە جول بەرمەۋ“ رايىمەن اقىنى قايتارتىپ جونگە سالۋ قىزمەتىن ورىستەتكەن، قاتىستى كاسىپورىنداردى مولشەرمەن جيىنى 301 ميلليون يۋان قاراجاتتى قايتارۋعا قۋزاعان، سۋ ەلەكتر، گاز سالاسىنداعى زاڭعا قايشى دەلولاردان شامەمەن جيىنى 14 مىڭ دەلونى انىقتاپ، اقشالاي ايىپ سالۋ جانە ءمۇسادىرالاۋ جالپى سوماسى شامامەن 235 ميلليون يۋان بولعان.

كەلەسى قادامدا، بازاردى باقىلاۋ – باسقارۋ باس مەڭگەرمەسى تۇرعىنداردىڭ سۋ، ەلەكتر، گاز پايدالانۋ مولشەرىن ەسەپتەۋ جانە باعاسىن باقىلاۋ – تەكسەرۋ قىزمەتىن كۇندەلىكتى باقىلاۋ – باسقارۋدىڭ ءتۇيىندى مازمۇنىنا ەنگىزىپ، ”قايرىلا قاراپ“ جونگە سالۋدى ۇيىمداستىرىپ ورىستەتۋ ارقىلى، ماسەلەنى جونگە سالۋ ناتيجەسىن وكشەلەي سالىستىرىپ تەكسەرىپ، زاڭ – تۇزىمگە قايشى جاعدايلاردىڭ قايتادان بايقالۋىنان قاتاڭ ساقتانادى. سونىمەن بىرگە، ءتۇزىم جۇيەسى قۇرىلىسىن اناعۇرلىم كەمەلدەندىرىپ، باقىلاۋ – باسقارۋ شارالارىن جاقسارتىپ، سۋ، ەلەكتر، گاز سالاسىنىڭ دامۋ ءتارتىبىن ۇزدىكسىز جۇيەگە تۇسىرەدى. (ورتالىق تەلەۆيزيا تورابىنىڭ ءتىلشىسى لي جيڭجيڭ)

كەلۋ قاينارى: حالىق تورابى