مەملەكەتتىك كەڭەس «جۇڭگو (ىشكى موڭعۇل) ەركىن ساۋدا سىناق رايونىنىڭ جالپى تۇلعالىق جوباسىن» باسىپ تاراتتى

شينحۋا اگەنتتىگى، 4 - ايدىڭ 9 - كۇنى، بەيجيڭ. بىرنەشە كۇننىڭ الدىندا مەملەكەتتىك كەڭەس «جۇڭگو (ىشكى موڭعۇل) ەركىن ساۋدا سىناق رايونىنىڭ جالپى تۇلعالىق جوباسىن» باسىپ تاراتتى. (تومەندە قىسقاشا «جالپى تۇلعالىق جوبا» دەلىنەدى).

«جالپى تۇلعالىق جوبادا» مىنالار اتاپ كورسەتىلدى: ىشكى موڭعۇل ەركىن ساۋدا سىناق رايونىن قۇرۋ _ پارتيا ورتالىق كوميتەتىنىڭ، مەملەكەتتىك كەڭەستىڭ كەلەلى شەشىمى، رەفورمانى اناعۇرلىم جاپپاي تەرەڭدەتۋدىڭ، جوعارى دەڭگەيدە سىرتقا ەسىك اشۋدى ىلگەرىلەتۋدىڭ، جوعارى ساپالى دامۋدى ىلگەرىلەتۋدىڭ ماڭىزدى ستراتەگيالىق شاراسى. شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى، جۇڭحۋا ۇلتى ورتاق تۇلعا تانىمىن بەرىك ورناتۋدى نەگىزگى جەلى ەتىپ، پارتيا ورتالىق كوميتەتىنىڭ ىشكى موڭعۇلعا جۇكتەگەن ستراتەگيالىق ورنىن ويداعىداي تياناقتاندىرىپ، ”15 - بەسجىلدىق“ مەزگىلىندەگى نىسانا - مىندەتتەردى تىعىز ارقاۋ ەتىپ، مەملەكەتتىڭ كەلەلى ستراتەگيالارىنا ىرىقتىلىقپەن قىزمەت ەتىپ جانە ونىمەن توعىسىپ، ەركىن ساۋدا سىناق رايونىنىڭ دەڭگەيىن جوعارىلاتۋ ستراتەگياسىن ىشكەرىلەي اتقارىپ، ەركىن ساۋدا سىناق رايونىن جاڭا داۋىردەگى رەفورما جاساپ، ەسىك اشۋدىڭ جاڭا بيىگى ەتىپ قۇرىپ شىعۋ، ىشكى موڭعۇل ەكونوميكاسىنىڭ جوعارى ساپالى دامۋىنا دەم بەرىپ، شەكاراداعى ۇلتتىق وڭىرلەردىڭ حالىق تۇرمىسىنىڭ قۇت - ىرىسىن ارتتىرىپ، ”ۇلگىلى اۆتونوميالى رايوندى“ جان - جاقتى قۇرىپ شىعۋعا دەم بەرۋ كەرەك.

«جالپى تۇلعالىق جوبادا» مىناۋ ورتاعا قويىلدى: ىشكى موڭعۇل ەركىن ساۋدا سىناق رايونىنا اناعۇرلىم زور رەفورما جاساۋ، ءوزىن - ءوزى باسقارۋ ۇقىعىن بەرىپ، الدىمەن اتقارىپ، الدىمەن سىناق ەتۋگە دەم بەرىپ، اناعۇرلىم كەڭ سالادا، اناعۇرلىم تەرەڭ ساتىدا جاسامپازدىق سيپاتتى، شوعىرلى، پارىقتى ىزدەنىس جاساۋ كەرەك. شەكارا تۇرعىندارىنىڭ ءوزارا بازارى ساۋداسىندا جاڭالىق اشا دامۋ، حالىقارالىق زات اينالىمىنا قىزمەت وتەۋ فۋنكتسياسىن كۇشەيتۋ، عىلىم - تەحنيكا جەتىستىكتەرىن كادەگە جاراتۋ، قولدانۋ ونىمدىلىگىن جوعارىلاتۋ، كوپ سالادا سىرتپەن اۋىس - كۇيىس جاساۋدى كەڭەيتۋ سياقتى 19 جاقتاعى رەفورما، جاڭالىق اشۋ شاراسى ايقىندالدى. ءىش پەن سىرتتى تۇتاستىراتىن، توڭىرەككە ىقپال جاسايتىن ينفورماتسيا اۋىس - كۇيىس ورتالىعىن، قاتىناس، زات اينالىمى ورتالىعىن، ماڭىزدى فاكتورلار بايلىعىن ورنالاستىرۋ ورتالىعىن، ءتۇيىندى سالالارداعى عىلىم - تەحنولوگيادا جاڭالىق اشۋ ورتالىعىن جانە كاسىپ سالاسى سەلبەستىك ورتالىعىن كۇش سالا قۇرىپ، مەملەكەتتىڭ سولتۇستىككە ەسىك اشۋداعى ماڭىزدى كوپىرلىك رولىن تولىق ساۋلەلەندىرىپ، قارجى قوسۋ ساۋداسى قولايلى، جاڭالىق اشۋ ەكولوگياسى تاماشا، ابزال كاسىپ سالالارى شوعىرلانعان، حالىقارالىق بارىس - كەلىسى جاندانعان جوعارى دەڭگەيدەگى ەركىن ساۋدا باقشا رايونىن قۇلشىنا قۇرۋ كەرەك.

«جالپى تۇلعالىق جوبادا» بىلاي دەپ باسا دارىپتەلدى: پارتيانىڭ جاپپاي باسشىلىعىنا تاباندى بولىپ جانە ونى كۇشەيتىپ، دۇرىس ناتيجە كوزقاراسىن ورناتىپ جانە امالياتتا ايگىلەپ، پارتيا ستيلى، پاكتىك قۇرىلىسىن ەركىن ساۋدا سىناق رايونى قۇرىلىسىنىڭ تۇتاس بارىسىنا ءسىڭىرۋ كەرەك. جالپى تۇلعالىق مەملەكەت حاۋىپسىزدىگى كوزقاراسىن بەرىك ورناتىپ، باقىلاۋ - باسقارۋدى كۇشەيتىپ، حاۋىپسىزدىكتىڭ تومەنگى شەگىن بەرىك ساقتاۋ كەرەك. جاسىل دامۋعا تاباندى بولىپ، ەكولوگيالىق حاۋىپسىزدىك قالتقىسىن بەكەمدەۋ كەرەك. ىشكى موڭعۇل اۆتونوميالى رايونى ۇيىمدىق باسشىلىقتى كۇشەيتىپ، ىقشام، جوعارى ءونىمدى، ۇقىق پەن جاۋاپكەرشىلىگى ايقىن باسقارۋ ءتۇزىلىسىن ورناتىپ، ءادىل، جاريالى، جۇيەسى كەمەلدى زاڭمەن باسقارۋ ورتاسىن ورناتىپ، جوعارى ساپالى ماماندانعان باسقارۋ قوسىنىن قۇرۋى كەرەك. ىشكى موڭعۇل اۆتونوميالى رايونى مەن قاتىستى تاراۋلار قىزمەت بىرىككەن كۇشىن قالىپتاستىرىپ، ءتۇرلى رەفورما شارالارىنىڭ تياناقتانىپ اتقارىلۋىنا كەپىلدىك ەتۋى كەرەك. ەركىن ساۋدا سىناق رايونى قىزمەتىنىڭ تاراۋلار ارا بىرىككەن ءماجىلىس مەحانيزمى ءبىر تۇتاس جوسپارلاۋ، سايكەستىرۋ رولىن ويداعىداي ساۋلەلەندىرىپ، ءتۇرلى رەفورما سىناق ءتۇيىنى مىندەتتەرىنىڭ تياناقتانۋىن قۋزاۋى كەرەك.