جۇڭگو كوممۋنيستىك پارتياسى ورتالىق كوميتەتى، مەملەكەتتىك كەڭەس «جاڭا داۋىردەگى قوعامدىق قىزمەتتى كۇشەيتۋ جونىندەگى پىكىردى» باسىپ تاراتتى

شينحۋا اگەنتتىگى، 7 - ايدىڭ 23 - كۇنى، بەيجيڭ. تاياۋدا جۇڭگو كوممۋنيستىك پارتياسى ورتالىق كوميتەتى، مەملەكەتتىك كەڭەس «جاڭا داۋىردەگى قوعامدىق قىزمەتتى كۇشەيتۋ جونىندەگى پىكىردى» باسىپ تاراتىپ، (تومەندە قىسقاشا «پىكىر» دەلىنەدى) جاڭا داۋىردەگى قوعامدىق قىزمەتتى كۇشەيتۋ جونىندە ورنالاستىرۋ جاسادى.

«پىكىردە» مىنالار اتاپ كورسەتىلدى: قوعامدىق قىزمەت − پارتيا مەن مەملەكەت قىزمەتىنىڭ ماڭىزدى قۇرامداس بولەگى، پارتيانىڭ ۇزاق ۋاقىت بيلىك جۇرگىزۋى مەن مەملەكەتتىڭ باياندى تىنىشتىعىنا، قوعامنىڭ جاراسىمدىلىعى مەن ورنىقتىلىعىنا جانە حالىقتىڭ باقىتى مەن اماندىعىنا سايادى. جاڭا داۋىردەگى قوعامدىق قىزمەتتى كۇشەيتۋدە شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 20 - قۇرىلتايىنىڭ جانە پارتيا 20 - كەزەكتى ورتالىق كوميتەتىنىڭ ءار رەتكى جالپى ءماجىلىسىنىڭ رۋحىن ىشكەرىلەي دايەكتىلەندىرىپ، ءتورتىنشى جالپى ءماجىلىستىڭ ورنالاستىرۋىن مۇقيات تياناقتاندىرىپ، باس شۋجي شي جينپيڭنىڭ قوعامدىق قىزمەت جونىندەگى ماڭىزدى بايىمداۋلارىن جاپپاي دايەكتىلەندىرىپ، ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ءتورت تانىمدى“ كۇشەيتىپ، ” ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، پارتيانىڭ قوعامدىق قىزمەتكە جاپپاي باسشىلىعىنا تاباندى بولىپ جانە ونى كۇشەيتىپ، حالىقتى وزەك ەتۋگە تاباندى بولىپ، جاڭا داۋىردەگى پارتيانىڭ بۇقارالىق لۋشيانىن ويداعىداي جۇرگىزىپ، جاڭا داۋىردەگى ”فىڭچياۋ تاجىريبەسىنە“ تاباندى بولىپ جانە ونى دامىتىپ، بىرگە قۇراتىن، بىرگە جونگە سالاتىن، بىرگە يگىلىكتەنەتىن قوعامدىق جونگە سالۋ ءتۇزىمىن كەمەلدەندىرىپ، جاڭا ەكونوميكالىق ۇيىمداردىڭ، جاڭا قوعامدىق ۇيىمداردىڭ، جاڭا جۇمىستانعان قاۋىمنىڭ پارتيا قۇرىلىسىن كورنەكتى تۇردە ويداعىداي يگەرىپ، پارتيانىڭ جاڭادان گۇلدەنگەن سالالارداعى ۇندەۋ قۋاتىن، ۇيىستىرۋ قۋاتىن، ىقپال كۇشىن ۇزدىكسىز كۇشەيتىپ، پارتيا قۇرىلىسى ارقىلى نەگىزگى ساتىنى جونگە سالۋ مەن نەگىزگى ساتىنىڭ بيلىك قۇرىلىسىنا جەتەكشىلىك ەتۋدى ويداعىداي يگەرىپ، بۇقارانى ۇيىستىرۋ، بۇقاراعا قىزمەت وتەۋ قىزمەتىن ويداعىداي يگەرىپ، جۇڭگوشا سوتسياليستىك قوعامدىق جونگە سالۋ جولىمەن بۇلجىماي ءجۇرىپ، جاڭا داۋىردەگى قوعامدىق قىزمەتتىڭ جوعارى ساپالى دامۋىن ىلگەرىلەتىپ، جوعارى ءونىمدى جونگە سالۋ ارقىلى جوعارى ساپالى دامۋ مەن جوعارى دەڭگەيدەگى حاۋىپسىزدىكتىڭ ءتيىمدى ىقپالداستىعىن جەبەپ، پارتيا مەن مەملەكەت قىزمەتىنىڭ جالپى جاعدايىنا اناعۇرلىم ويداعىداي قىزمەت وتەۋ جانە ونى قامتاماسىزداندىرۋ كەرەك.

«پىكىردە» مىنالار تالاپ ەتىلدى: پارتيانىڭ قوعامدىق قىزمەتكە باسشىلىق ەتۋ ءتۇزىلىس، مەحانيزمىن اقاۋسىزداندىرۋ كەرەك. پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىنا تاباندى بولىپ، پارتيا ورتالىق كوميتەتىنىڭ قوعامدىق قىزمەت جونىندەگى شەشىمدەرى مەن ورنالاستىرۋلارىن تياناقتاندىرۋ قىزمەت مەحانيزمىن اقاۋسىزداندىرۋ كەرەك. پارتيانىڭ جاڭالىق اشۋ نازارياسىن ۇيرەنۋ ءتۇزىمىن كەمەلدەندىرىپ جانە دايەكتىلەندىرىپ، باس شۋجي شي جينپيڭنىڭ قوعامدىق قىزمەت جونىندەگى ماڭىزدى بايىمداۋلارىن ءار دارەجەلى پارتكومداردىڭ (پارتيا باسشىلىق گرۋپپاسى) نازاريا ۇيرەنۋ وزەكتى گرۋپپاسىنىڭ ۇيرەنۋىنىڭ ماڭىزدى مازمۇنى ەتىپ، كادرلاردى تاربيەلەۋ، باۋلۋ جانە قوعامدىق قىزمەتكەرلەردى تاربيەلەۋ مازمۇنىنا ەنگىزۋ كەرەك. قوعامدىق قىزمەت سالاسىنداعى نازاريالىق ۇگىت، ۇگىت - لەكسيا مەحانيزمىن كەمەلدەندىرىپ، اۋىل - قىستاققا، الەۋمەتتىك اۋماقتارعا، كاسىپورىندارعا، جاڭا ەكونوميكالىق ۇيىمدارعا جانە جاڭا قوعامدىق ۇيىمدارعا، جاڭا جۇمىستانعان قاۋىمعا كىرۋدى ىلگەرىلەتۋ كەرەك. پارتكوم ءبىر تۇتاس باسشىلىق ەتەتىن، پارتكومنىڭ قوعامدىق قىزمەت تاراۋلارى ءبىر تۇتاس جوسپارلاپ سايكەستىرەتىن، قاتىستى تاراۋلار سايكەسەتىن، قوعامدىق كۇشتەر جاپپاي ات سالىساتىن قىزمەت جاعدايىن قالىپتاستىرۋ كەرەك. ءار دارەجەلى پارتكومدار (پارتيا باسشىلىق گرۋپپاسى) قوعامدىق قىزمەتكە ايرىقشا ءمان بەرىپ، مەرزىم سايىن اقىلداسىپ، ورنالاستىرۋ جاساپ، ءتۇيىندى، قيىن ماسەلەلەردى شەشۋى كەرەك.

«پىكىردە» مىنالار تالاپ ەتىلدى: جاڭادان گۇلدەنگەن سالالارداعى پارتيا قۇرىلىسىن كۇشەيتۋ كەرەك. پارتيانىڭ ۇيىمدىق قامتىمى مەن قىزمەت قامتىمىنىڭ ءونىمدى بولۋىن ىلگەرىلەتۋ كەرەك. جاڭا ەكونوميكالىق ۇيىمداردىڭ پارتيا قۇرىلىسى قىزمەتىن كۇشەيتىپ، جالپىلىق مەنشىككە جاتپايتىن كاسىپورىنداردىڭ پارتيا قۇرىلىسى قىزمەتىنىڭ ساپاسىن جوعارىلاتىپ، ينتەرنەت تۇعىرى كاسىپورىندارىنىڭ پارتيا قۇرىلىسى قىزمەتىن ويداعىداي يگەرىپ، عىلىم - تەحنيكادا جاڭالىق اشۋ تيپىندەگى كاسىپورىنداردىڭ پارتيا قۇرىلىسى قىزمەتىنىڭ جاڭا جولىن قاراستىرىپ، ارالاس مەنشىكتەگى كاسىپورىنداردىڭ پارتيا قۇرىلىسى قىزمەتىنە تۇرگە ءبولىپ جەتەكشىلىك ەتۋدى كۇشەيتىپ، ءىس جۇزىندىك جاعدايمەن ۇشتاستىرىپ، شاعىن، ۇساق كاسىپورىنداردىڭ، جەكەشە ونەركاسىپشىلەر مەن ساۋداگەرلەردىڭ، كاسىپتىك بازارلاردىڭ پارتيا قۇرىلىسى قىزمەتىن ىلگەرىلەتۋ كەرەك. جاڭا قوعامدىق ۇيىمداردىڭ پارتيا قۇرىلىسى قىزمەتىن كۇشەيتىپ، قوعامدىق ۇيىمدار رەفورماسىن تەرەڭدەتىپ، قوعامدىق ۇيىمداردىڭ، قور قوعامدارىنىڭ، قوعامدىق قىزمەت وتەۋ قۇرىلىمدارىنىڭ، قوعامدىق دانەكەر ۇيىمداردىڭ پارتيا قۇرىلىسى قىزمەتىن كۇشەيتىپ، قالا، اۋىل، الەۋمەتتىك اۋماق قوعامدىق ۇيىمدارىنىڭ اۋىل - قالاشىق (ءمالى)، قىستاق (الەۋمەتتىك اۋماق) پارتيا ۇيىمدارىنىڭ باسشىلىعىندا، نەگىزگى ساتىنى جونگە سالۋعا جانە بۇقاراعا قىزمەت وتەۋگە ات سالىسۋىنا قولداۋ كورسەتۋ كەرەك. كاسىپتىك قوعامداردىڭ، ساۋدا قوعامدارىنىڭ كەزەك اۋىستىرۋىن ارناعا ءتۇسىرۋ مەن جاۋاپتىلاردى باسقارۋدى كۇشەيتىپ، كاسىپ ستيلىن جونگە سالۋدى ۇزدىكسىز ىلگەرىلەتۋ كەرەك. جاڭادان جۇمىستانعان قاۋىمنىڭ پارتيا قۇرىلىسى قىزمەتىن كۇشەيتىپ، جاڭا جۇمىستانعان قاۋىمنىڭ پارتيا قۇرىلىسىن كۇشەيتۋدىڭ ءونىمدى جولىن قاراستىرىپ، جاڭا جۇمىستانعان قاۋىمعا قامقورلىق جاساۋدى، ۇيىستىرۋدى جانە قىزمەت وتەۋدى، باسقارۋدى كۇشەيتىپ، ينتەرنەت تۇعىرىن جونگە سالۋدى كۇشەيتىپ، جاڭا جۇمىستانعان قاۋىمنىڭ ەرەكشەلىگىنە ۇيلەسەتىن قوعامدىق قامتاماسىزداندىرۋ ءتۇزىم جۇيەسىن اقاۋسىزداندىرۋ كەرەك.

«پىكىردە» مىنالار تالاپ ەتىلدى: پارتيا قۇرىلىسىنىڭ نەگىزگى ساتىنى جونگە سالۋعا جانە نەگىزگى ساتىنىڭ بيلىك قۇرىلىسىنا جەتەكشىلىك ەتۋىن كۇشەيتۋ كەرەك. نەگىزگى ساتى پارتيا ۇيىمدارىنىڭ باسشىلىق رولىن كۇشەيتىپ، نەگىزگى ساتى پارتيا ۇيىمدارىن ويداعىداي قۇرىپ جانە كۇشەيتىپ، ءالسىز، بىتىراڭقى نەگىزگى ساتى پارتيا ۇيىمدارىن ۇزدىكسىز رەتكە سالىپ، نەگىزگى ساتىنىڭ باقىلاۋ جۇيەسىن كەمەلدەندىرىپ، بۇقارانىڭ ماڭايىنداعى بۇرىس ستيلدەر مەن شىرىكتەسۋ ماسەلەلەرىن ۇزدىكسىز جونگە سالۋ كەرەك. نەگىزگى ساتىنىڭ بيلىك قۇرىلىسىن كۇشەيتىپ، پارتكوم باسشىلىق ەتەتىن، پارتيا مەن ۇكىمەت ءبىر تۇتاس جوسپارلايتىن، قاراپايىم، جوعارى ءونىمدى، حالىققا قولايلى اۋىل - قالاشىق (ءمالى باسقارماسى) باسقارۋ ءتۇزىلىسىن ورناتىپ، اكىمشىلىك اتقارۋ، حالىق ءۇشىن قىزمەت ەتۋ، كەڭەسۋ، شۇعىل جاعدايعا توتەپ بەرۋدى باسقارۋ، تىنىشتىق قۇرىلىسى قابىلەتىن كۇشەيتۋ كەرەك. نەگىزگى ساتىنىڭ اۋىرتپالىعىن جەڭىلدەتۋگە ۇزدىكسىز كۇش ۇستەپ، اۋىل - قالاشىق (ءمالى باسقارماسى) قىزمەت جاۋاپكەرشىلىگىن اتقارۋ ىستەر ءتىزىمىن جاپپاي اتقارىپ، بۇكىل قىستاقتىڭ (الەۋمەتتىك اۋماق) قىزمەت ىستەرىنە كىرۋگە رۇقسات ەتۋ ءتۇزىمىن اقاۋسىزداندىرىپ، نەگىزگى ساتىنىڭ ءتۇرلى بولەكتەرىنىڭ ”كوپ ولشەمدى بىرىكتىرۋىن“ ىلگەرىلەتىپ، نەگىزگى ساتى ۇيىمدارىنىڭ ”الباتى ماڭدايشالىق اسۋىن“ اداقتاپ جونگە سالۋ جەتىستىكتەرىن بەكەمدەۋ، تەرەڭدەتۋ كەرەك. پارتيا ۇيىمى باسشىلىعىنداعى ءوزىن - ءوزى باسقارۋ، زاڭمەن باسقارۋ، مورالمەن باسقارۋ ۇشتاستىرىلعان قالا - اۋىل نەگىزگى ساتىلارىن جونگە سالۋ جۇيەسىن اقاۋسىزداندىرىپ، اۋىل - قىستاقتى جونگە سالۋدى كۇشەيتىپ، الەۋمەتتىك اۋماقتاردى جونگە سالۋدى كەمەلدەندىرىپ، قالا تۇرعىندارى شارتى، تۇرعىندار شارتى، قىستاق ەرەجەسى سياقتىلاردىڭ رولىن ءونىمدى ساۋلەلەندىرىپ، وتباسى تاربيەسى، وتباسى ستيلى قۇرىلىسىنىڭ رولىن ساۋلەلەندىرۋ مەحانيزمىن اقاۋسىزداندىرۋ كەرەك.

«پىكىردە» مىنالار تالاپ ەتىلدى: بۇقارانى ۇيىستىرۋ، بۇقاراعا قىزمەت وتەۋ قىزمەتىن ويداعىداي ىستەۋ كەرەك. حالىقتىڭ ارىز - ارمان قىزمەتىن كۇشەيتىپ جانە جاقسارتىپ، ارىز - ارمان ءتۇزىمى رەفورماسىن تەرەڭدەتىپ، ارىز - ارمان قىزمەتىن زاڭمەن باسقارۋدى ىلگەرىلەتىپ، ارىز - ارمان ماسەلەسىن تۋ باستان جونگە سالۋ جانە باسىلىپ قالعان دەلولاردى شەشۋ قىزمەتىن ۇزدىكسىز ىلگەرىلەتۋ كەرەك. قوعامدىق توپتارعا قىزمەت وتەۋدى، باسقارۋدى كۇشەيتىپ، يدەيالىق - ساياسي جەتەكشىلىكتى كۇشەيتىپ، ءتۇرلى قوعامدىق توپتاردىڭ زاڭدى ۇقىق - مۇددەسىن زاڭ بويىنشا قامتاماسىز ەتىپ، مۇددە تالابىن اڭىس ەتۋ ارناسىن ىركىلىسسىزدەندىرىپ، تۇرلىشە قوعامدىق توپتاردىڭ كوڭىل ءبولىپ وتىرعان ماسەلەلەرىنە دەر كەزىندە جاۋاپ قايتارىپ، بۇقارانىڭ مۇڭ - مۇقتاجىن شىن نيەتپەن، سۇيىسپەنشىلىكپەن شەشۋ كەرەك. بۇقارامەن بايلانىس جاساۋدىڭ ۇدايىلانعان ارناسىن كەڭەيتىپ، پارتيا ۇيىمى مەن پارتيا مۇشەلەرى، بۇقارالىق ۇيىمدار، حالىق قۇرىلتايى ۋاكىلدەرى، ساياسي كەڭەس مۇشەلەرى سياقتىلاردىڭ رولىن ساۋلەلەندىرىپ، قايشىلىقتاردى وركەن كۇيىندە، نەگىزگى ساتىدا شەشۋ كەرەك. حالىقتىڭ ۇسىنىسىن جيناۋ قىزمەتىن ويداعىداي ىستەپ، حالىقتىڭ ۇسىنىسىن جيناۋ قىزمەتى ءتۇزىمىن دارەجەگە، جىككە ءبولىپ اقاۋسىزداندىرىپ، جيناۋ ارناسىن ىركىلىسسىزدەندىرىپ جانە كەڭەيتىپ، جەتىستىكتەردى وندىرگىش كۇشكە اينالدىرۋ مەحانيزمىن كەمەلدەندىرۋ كەرەك. ەرىكتى قىزمەت وتەۋ ىستەرىن دامىتىپ، ەرىكتى قىزمەت وتەۋ جۇيەسىن اقاۋسىزداندىرىپ، ەرىكتىلىك مادەنيەتىن جەتىلدىرىپ، تاڭداۋلى تيپتەردى تاڭداپ ۇگىتتەپ، شابىتتاندىرۋ، سيلاۋ شارالارىن كەمەلدەندىرىپ، ەرىكتى قىزمەت وتەۋدىڭ ومىرشەڭدىك كۇشىن تاسقىنداتۋ كەرەك.

«پىكىردە» مىنالار دارىپتەلدى: نەگىزدىك قامتاماسىزداندىرۋدى كۇشەيتۋ كەرەك. جۇيەسى كەمەلدى، عىلمي ارناعا تۇسكەن، ناقتى، جارامدى، اينالىمى ءونىمدى قوعامدىق قىزمەت زاڭ - ەرەجە ءتۇزىمىن اقاۋسىزداندىرۋ كەرەك. شەپ قۇرىلىسىن كۇشەيتىپ، قالا، اۋىل نەگىزگى ساتىلارىنىڭ قىزمەت وتەۋ جۇيەسىن اقاۋسىزداندىرىپ، جاڭا جۇمىستانعان قاۋىم سياقتى قىزمەت وتەۋ فۋنكتسياسىن كۇشەيتىپ، قوعامدىق قىزمەتكە قىزمەت وتەۋ تۇعىرىن كەڭەيتىپ، قوعامدىق قىزمەتكە قىزمەت وتەۋ قۇرىلىمدارىنىڭ دامۋىن قولداۋ، ارناعا ءتۇسىرۋ، جەتەكتەۋ كەرەك. ينفورماتسيالاندىرۋ تاسىلىنەن ويداعىداي پايدالانىپ، زەردەلى الەۋمەتتىك اۋماق، سيفرلى اۋىل - قىستاق قۇرىلىسىن ىلگەرىلەتىپ، بۇقارانىڭ ارىز - ارمانىنا ءۇن قوسۋ، ءبىر جاقتى ەتۋ مەحانيزمىن كەمەلدەندىرىپ، قوعامدىق قىزمەتتى سيفرلاندىرۋدى، زەردەلىلەندىرۋدى ىلگەرىلەتۋ كەرەك. قوعامدىق قىزمەتكەرلەر قوسىنى قۇرىلىسىن ءبىر تۇتاس ىلگەرىلەتىپ، الەۋمەتتىك اۋماق قىزمەتكەرلەرى، قوعامدىق قىزمەت كاسىپتىك قىزمەتكەرلەرى، ەرىكتىلەر، قوعامدىق قىزمەت سالاسىنداعى پارتيا ىستەرى قىزمەتكەرلەرى سياقتىلاردىڭ رولىن ساۋلەلەندىرىپ، قوعامدىق قىزمەتتىڭ ارنايىلانعان قىزمەت وتەۋ دەڭگەيىن جوعارىلاتۋ كەرەك. قوعامدىق قىزمەت تاراۋلارىنىڭ وزىندىك قۇرىلىسىن كۇشەيتىپ، ساياسيدا تاباندى، ساپاسى جاقسى، بۇقارامەن تىلەكتەس بولاتىن، قوعامعا قىزمەت وتەيتىن، ستيلدە ىسىلعان قوعامدىق قىزمەت كادرلارى قوسىنىن قۇرۋ كەرەك.

كەلۋ قاينارى: حالىق تورابى