بەتتى ساقتاۋ | باس بەت ەتۋ
| حات ساندىعى
| حابارلاسىڭىز | ءبىز تۋرالى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
2026.07.24 16:50 كەلۋ قاينارى : حالىق تورابى
شينحۋا اگەنتتىگى، 7 - ايدىڭ 23 - كۇنى، بەيجيڭ. مەملەكەتتىك كەڭەس بىرنەشە كۇننىڭ الدىندا، «جالپى حالىقتىق دەنە شىنىقتىرۋ جوسپارىن (2026 − 2030 - جىلدار)» (تومەندە قىسقاشا «جوسپار» دەلىنەدى) باسىپ تاراتىپ، ”15 - بەسجىلدىق“ مەزگىلىندە جالپى حالىقتىڭ دەنە شىنىقتىرۋ ىستەرىنىڭ جوعارى ساپالى دامۋىن ىلگەرىلەتۋ جونىندە ورنالاستىرۋ جاسادى.
«جوسپاردا» مىنالار باسا دارىپتەلدى: شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە، حالىقتى وزەك ەتكەن دامۋ يدەياسىنا تاباندى بولىپ، جالپى حالىقتىق دەنە شىنىقتىرۋ مەن جالپى حالىقتىڭ سالاماتتىعىنىڭ ىشكەرىلەي توعىسۋىن ىلگەرىلەتىپ، جالپى حالىقتىق دەنە شىنىقتىرۋعا الەۋمەتتىك قىزمەت وتەۋ جۇيەسىن ۇزدىكسىز كەمەلدەندىرىپ، پارتكوم باسشىلىق ەتەتىن، ۇكىمەت جەتەكشىلىك ەتەتىن، تاراۋلار بىرلەسىپ قيمىلدايتىن، قوعام سايكەسەتىن، كوپ نەگىزدى ات سالىساتىن، زاڭمەن جونگە سالۋ ارقىلى قامتاماسىز ەتىلەتىن جالپى حالىقتىق دەنە شىنىقتىرۋ قىزمەت جاعدايىن بەلسەنە قالىپتاستىرىپ، جالپى حالىقتىق دەنە شىنىقتىرۋدىڭ نەگىزگى الەۋمەتتىك قىزمەت وتەۋىنىڭ بىركەلكىلىگىن، جارامدىلىعىن ونان ارى جوعارىلاتىپ، دەنە تاربيەدە قۇدىرەتتى ەل، سالاماتتى جۇڭگو قۇرۋدى جەدەلدەتۋ كەرەك.
«جوسپاردا» مىنالار ايقىن بەلگىلەندى: 2030 - جىلعا بارعاندا، اناعۇرلىم جوعارى دەڭگەيدەگى جالپى حالىقتىق دەنە شىنىقتىرۋعا الەۋمەتتىك قىزمەت وتەۋ جۇيەسى كۇن سايىن كەمەلدەنىپ، ونىممەن قىزمەت وتەۋ، قامداۋ قۋاتى ۇزدىكسىز كۇشەيىپ، ساپاسى ۇزدىكسىز جوعارىلاپ، بۇقارانىڭ ماڭايىنداعى الاڭ قۇرىلعىلارى اناعۇرلىم تولىق، ساپالى بولادى، بۇقارالىق دەنە تاربيە جارىستارى مەن جالپى حالىقتىق دەنە شىنىقتىرۋ قيمىلى اناعۇرلىم باييدى، جالپى حالىقتىق دەنە شىنىقتىرۋعا الەۋمەتتىك قىزمەت وتەۋ اناعۇرلىم حاۋىپسىز، جۇيەلى بولادى، ءتۇرلى دەنە تاربيە ۇيىمدارى تارتىپپەن داميدى، جالپى حالىقتىڭ دەنە شىنىقتىرۋ ۇستانىمى جۇرت جۇرەگىنە تەرەڭ ۇيالاپ، اۋقىم كۇن سايىن قويۋلاپ، دەنە تاربيە قيمىلى بۇقارا جاپپاي ات سالىساتىن تۇرمىس تاسىلىنە اينالادى. ادام باسىنا تۋرا كەلەتىن دەنە تاربيە مايدانىنىڭ كولەمى 4 شارشى مەتر اينالاسىندا بولىپ، ءار مىڭ ادامنىڭ قوعامدىق دەنە تاربيە جەتەكشىسى 3.3 ادام اينالاسىندا بولادى، ۇنەمى دەنە شىنىقتىرۋعا قاتىناساتىن ادام سانىنىڭ سالىستىرماسى %40 اينالاسىنا جەتىپ، حالىقتىڭ دەنە قۋاتى ۇزدىكسىز جوعارىلايدى.
«جوسپاردا» تومەندەگى 10 جاقتاعى باستى مىندەتكە ورنالاستىرۋ جاسالدى، ايتالىق: جالپى حالىقتىق دەنە شىنىقتىرۋ ءتۇزىمى جۇيەسى ۇزدىكسىز كەمەلدەندىرىلەدى، بۇقارانىڭ ماڭايىنداعى دەنە شىنىقتىرۋ الاڭدارىنىڭ قۇرىلعى قۇرىلىستارى ونان ارى كۇشەيتىلەدى، باي مازمۇندى بۇقارالىق جارىس قيمىلدارى ورىستەتىلەدى، جالپى حالىقتىق دەنە شىنىقتىرۋ ۇيىمدارىنىڭ قىزمەت وتەۋ تورابى اقاۋسىزداندىرىلادى، عىلمي دەنە شىنىقتىرۋعا جەتەكشىلىك ەتۋ قىزمەت وتەۋ قابىلەتى جوعارىلاتىلادى، جاساندى زەردەدەن پايدالانىپ جالپى حالىقتىق دەنە شىنىقتىرۋ دامىتىلادى، تۇرلىشە قاۋىمنىڭ پارىقتى دەنە شىنىقتىرۋ قاجەتى قاناعاتتاندىرىلادى، جالپى حالىقتىق دەنە شىنىقتىرۋ مادەنيەتى جالپىلاستىرىلادى، جالپى حالىقتىڭ دەنە شىنىقتىرۋىنىڭ كوپ نەگىزدى فۋنكتسياسى مەن جالپىلىق قۇنى ساۋلەلەندىرىلەدى، جالپى حالىقتىڭ دەنە شىنىقتىرۋ حاۋىپسىزدىگىن باسقارۋ كۇشەيتىلەدى سياقتىلار. «جوسپاردا» نىسانالىق مىندەتتەردىڭ ورىندالۋى توڭىرەگىندە قامتاماسىزداندىرۋ شارالارى دا العا قويىلدى.
«جوسپاردا» مىنالار تالاپ ەتىلدى: پارتيانىڭ جالپى حالىقتىق دەنە شىنىقتىرۋ قىزمەتىنە جاپپاي باسشىلىق ەتۋىنە تاباندى بولۋ جانە ونى كۇشەيتۋ كەرەك. اۋدان دارەجەلىدەن جوعارى جەرگىلىكتى حالىق ۇكىمەتتەرى جالپى حالىقتىق دەنە شىنىقتىرۋ ىستەرىنىڭ دامۋىن ءوز رايوندارىنىڭ حالىق شارۋاشىلىعى مەن الەۋمەتتىك دامۋ جوسپارىنىڭ اتقارىلۋىمەن ءونىمدى ۇشتاستىرۋ كەرەك.
كەلۋ قاينارى: حالىق تورابى
