حالىقارادا مۇناي باعاسى زور مولشەردە قۇلدىرادى

ا ق ش مەن يران ءوزارا شابۋىلداۋدى ۋاقىتشا توقتاتقاندىقتان، حالىقارالىق تابيعي مۇنايدىڭ كەسىكتى باعاسى 7 – ايدىڭ 26 – كۇنى جاڭا ءبىر اپتالىق ساۋدا باستالعاننان كەيىن ءبىر مەزگىل %6 تەن استام تومەندەدى.

ا ق ش – نىڭ شىعىس بولىك ۋاقىتى بويىنشا 7 – ايدىڭ 26 – كۇنى ساعات 18 دەن 43 مينۋت وتكەندە، نيۋ – يورك تاۋار بيرجاسىندا 9 – ايدا تاپسىرىلاتىن جەڭىل قۇرامدى تابيعي مۇنايدىڭ ءار باررەلىنىڭ كەسىكتى باعاسى ەڭ تومەن بولعاندا 83.10 ا ق ش دوللارىنا دەيىن تومەندەپ، 6.21 ا ق ش دوللارى ارزاندادى، تومەندەۋ مولشەرى %6.95 بولدى؛ 9 – ايدا تاپسىرىلاتىن لوندون برەنت مۇنايىنىڭ ءار باررەلىنىڭ كەسىكتى باعاسى ەڭ تومەن بولعاندا 89.58 ا ق ش دوللارىنا دەيىن تومەندەپ، 7.20 ا ق ش دوللارى ارزاندادى، تومەندەۋ مولشەرى %7.44 بولدى.

سونىمەن بىرگە، بازارداعى الاڭداۋشىلىقتىڭ باسەڭدەۋى سەبەبىنەن نيۋ – يورك جارنا بازارىندا جارنا كورسەتكىشىنىڭ كەسىكتى باعاسى كورنەكتى جوعارىلادى، حالىقارادا التىن مەن كۇمىستىڭ كەسىكتى باعاسى كورنەكتى جوعارىلادى.

ا ق ش – نىڭ اكسيوس اقپارات تورابىنىڭ 7 – ايدىڭ 25 – كۇنگى حابارىنا قاراعاندا، ا ق ش زۇڭتۇڭى ترامپ 7 – ايدىڭ 24 – كۇنى ا ق ش ارمياسىنا سول كۇنى يرانعا سوققى بەرمەۋدى بۇيىرعان، ا ق ش ارمياسىنىڭ يرانعا ءۇرتىس 13 كۇن بويى اۋەدەن جاساعان شابۋىلى وسىمەن ۇزىلىسكە ۇشىراعان.

رەيتەر اگەنتتىگى 7 – ايدىڭ 26 – كۇنى جاعدايعا قانىق يراندىق ادامنىڭ سوزىنەن سيتات كەلتىرىپ بىلاي دەپ حابارلاعان: ا ق ش اسكەري سوققى بەرۋدى توقتاتسا بولعانى، يران دا اسكەري ارەكەتىن توقتاتادى، ءبىراق يران جاق ءالى دە ا ق ش جاقتىڭ ماقساتىنا ”كۇمانمەن قارايدى“.

وسى ايدىڭ 7 – كۇنىنەن بەرى، ا ق ش يراننىڭ حورمۇز بۇعازى ارقىلى وتەتىن ساۋدا كەمەلەرىنە شابۋىل جاساعانىنا جاۋاپ قايتارۋدى سىلتاۋ ەتىپ، يرانعا ءۇرتىس اسكەري سوققى بەرگەن، حالىقارادا تابيعي مۇنايدىڭ كەسىكتى باعاسى جۋىردا كورنەكتى جوعارىلاعان.

كەلۋ قاينارى: حالىق تورابى