الداعى بەس جىلدا الەۋمەتتىك دەنساۋلىق ساقتاۋ تۇلعاسى بىلايشا كۇشەيتىلەدى

ءتىلشىنىڭ مەملەكەتتىك اۋرۋدى تىزگىندەۋ مەكەمەسىنەن ۇعىسۋىنشا، مەملەكەتتىك اۋرۋدى تىزگىندەۋ مەكەمەسى 7 - ايدىڭ 27 - كۇنى «اۋرۋدان ساقتانۋ جانە ونى تىزگىندەۋدىڭ ”15 – بەسجىلدىق“ جوباسىن» جاريالاپ، اۋرۋدى تىزگىندەۋ ىستەرىنىڭ جوعارى ساپالى دامۋىن ىلگەرىلەتۋ جونىندە ورنالاستىرۋ جاساعان.

جوبادا مىنالار العا قويىلدى: 2030 ـ جىلعا بارعاندا، جۇڭگوشا وسىزاماندانعان اۋرۋدى تىزگىندەۋ جۇيەسىن نەگىزىنەن قۇرىپ، كولەمدى جۇقپالى اۋرۋ حاۋىپ ـ قاتەرىنەن ساقتانۋدىڭ جانە ونى جويۋدىڭ ءتۇزىم جۇيەسى مەن قىزمەت مەحانيزمىن اناعۇرلىم كەمەلدەندىرىپ، كوپ تۇيىندە جاناساتىن، يكەمدى توتەپ بەرەتىن جۇقپالى اۋرۋلاردى باقىلاۋ ـ ولشەۋ، ساقتاندىرۋ جۇيەسىن جوعارى ونىمدىلىكپەن ىسكە قوسىپ، عىلىمي باعالاۋ، دالمە - ءدال ساقتانۋ ـ تىزگىندەۋ، شۇعىل جاعدايعا توتەپ بەرۋ، ءبىر جاقتى ەتۋ، ەمدەۋ ـ قۇتقارۋ جانە ماتەريالدىق قامتاماسىزداندىرۋ قابىلەتىن بارىنشا جوعارىلاتىلىپ، جاڭادان پايدا بولعان توسىن تۋىلعان جۇقپالى اۋرۋلارعا توتەپ بەرۋ دايىندىعى اناعۇرلىم تولىق بولىپ، ءتۇيىندى جۇقپالى اۋرۋلاردىڭ تارالۋ حاۋىپ – قاتەرى ءونىمدى تىزگىندەلىپ، سالماقتى اۋرۋلاردىڭ زيانى ءونىمدى تەجەلەدى.

جوبادا اۋىر جۇقپالى اۋرۋلاردان ساقتانۋ جانە ونى تىزگىندەۋ، اۋرۋدى تىزگىندەۋ جۇيەسى قۇرىلىسىن كۇشەيتۋ، الەۋمەتتىك دەنساۋلىق ساقتاۋ قابىلەتىن كۇشەيتۋ قاتارلى جاقتاردا ءبىرقىدىرۋ ءتۇيىندى مىندەتتەر ورنالاستىرىلدى.

كەلۋ قاينارى: حالىق تورابى