شي جينپيڭ كولۋمبيادا تۋىلعان كۇشتى جەر سىلكىنىسىنە بايلانىستى كولۋمبيانىڭ زۇڭتۇڭى دەلا ەسپريەللاعا حال سۇراۋ تەلەگرامماسىن جولدادى

شينحۋا اگەنتتىگى، 8 - ايدىڭ 11 - كۇنى، بەيجيڭ. 8 - ايدىڭ 11 - كۇنى مەملەكەت ءتوراعاسى شي جينپيڭ كولۋمبيادا تۋىلعان كۇشتى جەر سىلكىنىسىنە بايلانىستى كولۋمبيانىڭ زۇڭتۇڭى دەلا ەسپريەللاعا حال سۇراۋ تەلەگرامماسىن جولدادى.

شي جينپيڭ مىنالاردى ءبىلدىردى: كولۋمبيادا كۇشتى جەر سىلكىنىسى تۋىلىپ، اۋىر ءولىم - ءجىتىم جانە مال - مۇلىك شىعىنى بولعانىنان تىكسىنە حاباردار بولدىم. مەن جۇڭگو ۇكىمەتى جانە جۇڭگو حالقى اتىنان قازا بولعاندارعا قايعىلى ازا بىلدىرەمىن، قازا بولعانداردىڭ وتباسىنداعىلاردان جانە جارالانعانداردان شىنايى حال سۇرايمىن. دەلا ەسپريەللا زۇڭتۇڭ باسشىلىعىنداعى كولۋمبيا ۇكىمەتىنىڭ جەتەكشىلىگىندە، كولۋمبيا حالىقىنىڭ ءبىر نيەتپەن سەلبەسىپ، اپاتتى ەرتەرەك جەڭىپ، مەكەندەرىن قايتا قۇراتىندىعىنا سەنەمىن.