وتانشىلدىق سۇيىسپەنشىلىكتى تەرەڭدەتىپ، ۇرپاقتان - ۇرپاققا جالعاستىردى

وزەندەر اعارىندا، تيانجيننىڭ دالاسىندا سانسىز توڭكەرىستىك اعا بۋىنداردىڭ كۇرەس ءىزى قالعان.

2024 - جىلى 2 - ايدا باس شۋجي شي جينپيڭ تيانجيندە بەيپيڭ - تيانجين شايقاسى ەسكەرتكىش سارايىندا قىزمەت تەكسەرگەندە: ”جۇڭگونىڭ توڭكەرىستىك سوعىس تاريحىن قايتا - قايتا ۇيرەنىپ، وڭاي - وسپاق قولعا كەلمەگەن قىزىل بيلىكتى قاستەرلەپ، توڭكەرىستىك ءداستۇردى ساۋلەلەندىرىپ، كۇرەس رۋحىن كۇشەيتىپ، العا باسۋ جولىنداعى ءتۇرلى قيىنشىلىقتار مەن حاۋىپ - قاتەرلەردى باتىلدىقپەن جەڭۋىمىز كەرەك“ دەپ باسا دارىپتەدى.

باس شۋجيدىڭ ىقىلاستى تاپسىرماسىن ەستە بەرىك ساقتاعان تيانجين قىزىل بايلىقتان ءبىر تۇتاس ويداعىداي، جاندى پايدالانىپ، تۇتاس ءوڭىردى قامتىعان قىزىل مادەنيەتتى تاراتۋ جانە ادام تاربيەلەۋ فورمۋلالىق جۇيەسىن قۇلشىنا قالىپتاستىرىپ، قىزىل گەندى ۇرپاقتان - ۇرپاققا جالعاستىردى.

بايلىقتى قورعاپ، اشىپ، قىزىل قان تامىردى جالعاستىردى.

بەيپيڭ - تيانجين شايقاسى ەسكەرتكىش سارايىنىڭ كورمە زالىندا كورمە بۇيىمدارى، سۋرەتتى ماتەريالدار، بەيپيڭ - تيانجين شايقاسىنداعى ارميا مەن حالىقتىڭ ەتەنە سۇيىسپەنشىلىگىن جاندى بەينەلەيدى.

تاريحتا 64 كۇنگە جالعاسقان بەيپيڭ - تيانجين شايقاسىنا ۇزاق جىل وتكەندىكتەن تاريحي ماتەريالدار كەمشىل بولاتىن، كوپتەگەن قۇربانداردىڭ تولىق سالاۋات ينفورماتسياسى قالماعان ەدى. ”1997 - جىلى كورمە سارايى اشىلعاننان بەرى قوعامنىڭ ءار سالاسىنان قۇربانداردىڭ دەرەگى مەن ماتەريالدارىن جىل بويى جينادىق. بيىل كوك شىبىق مەرەكەسى قارساڭىندا جاڭادان تۇراقتاندىرىلعان 3 قۇربانعا تاعى دا ارداگەر اتى بەرىلدى“. بەيپيڭ - تيانجين شايقاسى ەسكەرتكىش سارايىنىڭ باستىعى ياۋ جيانبو: ”كورمە اشىلعان العاشقى كەزدە قابىرعاعا 6639 قۇرباننىڭ اتى ويىلدى، 29 جىلدان بەرى ارالاۋ، تەكسەرۋ، ىزدەۋ ارقىلى 272 قۇرباننىڭ اتى - ءجونى مەن مەكەن - جايى جاڭادان تۇراقتاندى“ دەپ تانىستىردى.

مۇراجاي مەن مەكتەپ ىشكەرىلەي توعىسىپ، ”ۇلكەن يدەيا - ساياسي ساباق“ قۇرىلىسىن كۇشەيتتى.

”جۇڭحۋانىڭ الەمگە قۇلاش ۇرعان شاعىندا باس قوسۋدى قالايمىن“. ساحنادا جاس جوۋ ىنلايدىڭ وبرازىن سومداۋشىلار ايقايلاعاندا، ساحنا استىنداعى كوپتەگەن ادام كوزدەرىنە جاس الدى. بيىل 1 - ايدا نانكاي داشۋەسىنىڭ وقىتۋشى - وقۋشىلارى جوۋ ىنلاي - دىڭ يىڭچاۋ ەسكەرتكىش سارايىمەن، بەيپيڭ - تيانجين شايقاسى ەسكەرتكىش سارايىنىڭ تۇسىندىرۋشىسىمەن بىرلەسىپ، مەكتەپ تاريحى سارايىندا جوۋ ىنلايدىڭ نانكايعا قايتۋى اتتى دراما قويدى. تەاترداعى جاس جوۋ ىنلايدىڭ وبرازىن سومداۋشى، نانكاي داشۋەسىنىڭ اسپيرانتى لۇڭ شياۋ: ”تاجىريبەحانادان شىراقتىڭ استىنا بارعانىمدا، ’جۇڭحۋانىڭ ەڭسە كوتەرۋى ءۇشىن كىتاپ وقۋ‘ دەگەننىڭ نە ەكەنىن تەرەڭ سەزىندىم“ دەدى.

كەلگەن جولدى ۇمىتپاي، ويداعىداي العا باسۋ كەرەك. تيانجين قالاسىنىڭ وقۋ - اعارتۋ جۇيەسى مادەني كورمە ورىندارىمەن بىرلەسىپ، 223 زەرتتەۋ - ۇيرەنۋ، امالياتتان وتكىزۋ بازاسىن قۇرىپ، 80 مادەنيەت كورمە سارايىن، 173 تۇراقتى قىزىل بايلىقتى ورتا - باستاۋىش مەكتەپتەردىڭ، جوعارى مەكتەپتەردىڭ يدەيا - ساياسي وقىتۋ جۇيەسىنە ەنگىزىپ، ”مەكتەپ نازارياسى + الاڭ - سارايلاردىڭ ناقتى كورىنىسى“ ءبىر تۇلعالانعان ادام تاربيەلەۋ ۇلگىسىن ورناتتى.

قىزىل مادەنيەت الاڭ - سارايلاردان شىعىپ، بۇكىل ەلگە بەت الىپ، دۇنيە دۇنيە جۇزىمەن تۇتاستى. ”ءبىز جىلجىمالى ۇلكەن يدەيالىق - ساياسي ساباقتى‘ ءتۇيىندى تۇردە تۇلعالاپ، ىلگەرىندى - كەيىندى بەيجيڭ، حىبەي، شيزاڭ، شينجياڭ، شياڭگاڭ، اۋمىن سياقتى جەرلەرگە بارىپ، ارناۋلى تاقىرىپتىق كورمە، نەگىزگى تاقىرىپتىق ۇگىت - لەكسيا سياقتى قيمىلداردى ورىستەتتىك“. جوۋ ىنلاي - دىڭ يىڭچاۋ ەسكەرتكىش سارايىنىڭ باستىعى جاڭ سايشيننىڭ تانىستىرۋىنشا، ەسكەرتكىش سارايى يندونەزياعا بارىپ ارناۋلى كورمە اشىپ، جەرگىلىكتى كۇڭزى شۋەيۋانىن ەكسكۋرسيالاپتى، فرانسياعا بارىپ ”جوۋ ىنلاي جانە فرانسيا“ اتتى ەرەكشە كورمە وتكىزىپتى...

فورمادا ۇزدىكسىز جاڭالىق اشىپ، ءتىپتى دە كوپ اعا بۋىنداردىڭ اڭگىمەسىن سەزىنۋىنە مۇمكىندىك جاسادى.

7 - ايدىڭ باسىندا ورتالىق ۇگىت ءبولىمى ءبىر توپ مەملەكەتتىك وتانشىلدىق تاربيەدەن ۇلگى كورسەتۋ بازاسىنا جاڭادان ات قويعاندا، جي حۇڭچاڭ كونە تۇراعى تاڭدالدى. ”جي حۇڭچاڭنىڭ ءومىر باياندىق كورمەسىندە“ 10 كورمە زالى مەن 6 كورىنىس ورنى قالپىنا كەلىپ، جي حۇڭچاڭ گەنەرالدىڭ توڭكەرىستىك ءومىرىن تولىق ايگىلەيدى. بيىل 3 - ايدا جي حۇڭچاڭ كونە تۇراعىندا «مەملەكەت رۋحى» اتتى كونسەرت قويىلىپ، سەزىنۋگە، تۇيسىنۋگە بولاتىن وقۋ - اعارتۋ كورىنىسىن قالىپتاستىردى.

قازىر تيانجين قالاسىنىڭ قىزىل بايلىعى 392 تۇرگە جەتتى. تيانجيننىڭ ۋاكىلدىك سيپاتقا يە ماڭىزدى قىزىل بايلىعى ”ۇلاسپالى تىزبەك“ 6 كەشىرمەلىك جەلىدەن قۇرالادى، ءار جىلى رەت سانى بويىنشا 17 ميلليوننان استام ساياحاتشى باۋرايدى؛ ءتۇرلى تاقىرىپتىق كورمە 500 دەن اسسا، ءار جىلى ەكسكۋرسيالاعان ادام سانى 16 ميلليوننان اسادى.