7 - ايدا جوعارى تەحنيكالى ونىمدەردىڭ ەكسپورتى %50 تەن استام ارتىپ، ەلىمىز ەكسپورتىنىڭ ”جاڭا“ مولشەرى ۇزدىكسىز جوعارىلادى

بيىل الدىڭعى 7 ايدا ەلىمىزدىڭ زات ساۋداسىنىڭ يمپورت - ەكسپورت جالپى قۇنى 30 تريلليون 130 ميلليارد يۋان بولىپ، سايكەس مەزگىلدەگىدەن %17.3 ارتتى. 7 - ايدا ەلىمىزدىڭ زات ساۋداسىنىڭ يمپورت - ەكسپورت جالپى قۇنى 4 تريلليون 660 ميلليارد يۋان بولىپ، سايكەس مەزگىلدەگىدەن % 19.2 ارتىپ، يمپورت - ەكسپورت كولەمى ءۇرتىس 5 اي 4 تريلليون يۋاننان اسقان.

دۇنيە ءجۇزىنىڭ سيفرلانۋ، جاسىلدانۋ دامۋ بەتالىسى الدىندا، ەلىمىزدىڭ جاساندى زەردە، جاسىل، تومەن كومىرتەكتى كاسىپ سالالارىنىڭ ەكسپورت قوزعاۋشى كۇشى مىعىم بولىپ، ەكسپورتتىڭ ”جاڭا“ مولشەرى ۇزدىكسىز جوعارىلادى. كەدەن باس مەكەمەسىنىڭ ساندى مالىمەتىندە كورسەتىلۋىنشە، بيىل الدىڭعى 7 ايدا، ەلىمىز ەكسپورت ەتكەن ماشينا - ەلەكتر ونىمدەرىنىڭ قۇنى 11 تريلليون 120 ميلليارد يۋانعا جەتىپ، سايكەس مەزگىلدەگىدەن %21.2 ارتىپ، ەلىمىزدىڭ جالپى ەكسپورتىنداعى سالىستىرماسى %60 تەن اسىپ، سايكەس مەزگىلدەگىدەن 3.8 پايىز جوعارىلادى. مۇنىڭ ىشىندە، ەلەكترلى اۆتوموبيل، جەل كۇشى گەنەراتور اگراگاتتارى، 3D باسپا ماشيناسى، كەمە سياقتى ەكسپورت ونىمدەرى جوعارى قارقىنمەن ارتىپ، جۇڭگونىڭ جاساۋ كاسىبى جوعارى دەڭگەيگە، زەردەلىلەنۋگە، جاسىلدانۋعا قاراي جەدەل بۇرىلىس جاسادى. 7 - ايدا ەلىمىزدىڭ جوعارى تەحنيكالى ونىمدەرىنىڭ ەكسپورتى %50 تەن اسىپ، ەكسپورتتىڭ %60 كە جۋىعىنا ۇلەس قوستى؛ ەلەكترلى اۆتوموبيل، ليتي باتەرياسى سياقتى جاسىل، تومەن كومىرتەكتى ونىمدەردىڭ ەكسپورتى ءۇرتىس 17 اي ەكى ورىندى سان بويىنشا ارتتى.

”جوعارى تەحنيكالى ونىمدەر سياقتىلاردىڭ ەكسپورت بەينەسى ەرەكشە كورنەكتى بولىپ، سىرتقى ساۋدانىڭ ارتۋىن جەبەيتىن شەشۋشى قوزعاۋشى كۇشكە اينالىپ، ەلىمىزدىڭ جاساۋ كاسىبىنىڭ تيبىن وزگەرتىپ، دارەجەسىن جوعارىلاتۋداعى كەزەڭدىك جەتىستىگىن ايگىلەپ، كاسىپ سالاسى تىزبەگىنىڭ، قامداۋ تىزبەگىنىڭ جالپىلىق باسەكەلىك باسىمدىعىن تولىق قاۋلاتتى“ دەدى ساۋدا مينيسترلىگى حالىقارالىق ساۋدا ەكونوميكالىق سەلبەستىگىن زەرتتەۋ ورنىنىڭ تەتە اعا زەرتتەۋشىسى جۋ سىچياۋ.

شاندۇڭ رىجاۋعا ورنالاسقان جينما جاڭا ەنەرگيا شەكتى سەرىكتەستىگىنىڭ سەحىندا 100 كيلوۆاتتىق جەل كۇشى گەنەراتور اگراگاتتارى سىناقتان وتكىزىلىپ، زاۆودتان شىعىپ تەكسەرگەننەن كەيىن وسى جەل كۇشى گەنەراتور اگراگاتتارى توپقا ءبولىنىپ كەمەگە تيەلىپ تەڭىزگە شىعادى. سەرىكتەستىكتىڭ باس جوراسى ليۋ دۇڭنان بىلاي دەپ تانىستىردى: ”ءبىز دۇنيە جۇزىلىك ەنەرگيانىڭ تيبىن وزگەرتۋ كەلەلى ورايىن مىقتى يگەرىپ، حالىقارالىق بازاردى اشۋ سەرپىنىن ۇزدىكسىز ارتتىردىق، سەرىكتەستىگىمىزدىڭ 100 كيلوۆاتتىق جەلدەتكىش ونىمدەرى 10 نەشە مەملەكەت پەن رايونعا تياناقتاندى. تاياۋ جىلداردان بەرى ەلىمىزدىڭ جەل ەلەكتر جابدىقتارى كاسىبىنىڭ تۇتاس كاسىپ سالاسى تىزبەگىندەگى باسىمدىعى ۇزدىكسىز كورنەكتىلەندى، دەربەس مەڭگەرىمدى بولۋ، جاڭارۋى تەز بولۋ، ۇيلەسىمدىلىگى كۇشتى بولۋ سياقتى ەرەكشەلىكتەرگە يە، سەرىكتەستىگىمىز 3 كۇندە ءبىر جەل كۇشى گەنەراتور اگراگاتىن ءوندىرۋ، قۇراستىرۋ مىندەتىن ورىنداي الادى. چيڭداۋ كەدەنىنىڭ ساناعىنا قاراعاندا، بيىل الدىڭعى جارتى جىلدا شاندۇڭ ولكەسىنىڭ ەكسپورت ەتكەن جەل كۇشى گەنەراتور اگراگاتتارى مەن ونىڭ بولشەكتەرى سايكەس مەزگىلدەگىدەن %38.9 ارتقان“.

”بيىل جىل باسىنان بەرى جۇڭگونىڭ ەكسپورتىنىڭ ارتۋ قارقىنى %10 تەن استى، ماۋسىم بويىنشا قاراعاندا، ءۇرتىس 11 ماۋسىم ارتۋ قارقىنىن ساقتادى. ەكسپورتتىڭ ارتۋىنداعى ءتۇبىرلى سەبەپ جۇڭگونىڭ جاساۋ كاسىبى مەن دۇنيە جۇزىندەگى ءتۇرلى سۇرانىستىڭ دالمە - ءدال سايكەسۋىندە. جۇڭگونىڭ ورنىقتى قامداۋ تىزبەگى دۇنيە جۇزىندەگى ءار جاقتى سەلبەسىپ تەڭ يگىلىككە كەنەلتەتىن شەشۋشى توراپقا اينالۋدا“ دەدى كەدەن باس مەكەمەسى باستىعىنىڭ ورىنباسارى ۋاڭ جۇن.

جۋ سىچياۋ تالداۋ جاساپ بىلاي دەدى: جاڭاشا وندىرگىش كۇشكە قاتىستى كاسىپ سالالارى تەز قارقىنمەن دامىپ، سىرتقى ساۋدانىڭ ماڭىزدى تىرەگىنە اينالۋدا. ەلىمىزدىڭ دۇنيە جۇزىندەگى جوعارى دەڭگەيلى جاساۋ كاسىپ سالاسى تىزبەگىندەگى ورنى بىرتىندەپ قاتىناسۋشىدان وزەكتى قامداۋشىعا قاراي بۇرىلىس جاساپ، ەكسپورتتىڭ ماڭىزدى ءتۇيىنى چيپتىك پەشەتتەۋ، وزەكتى ۇساق بولشەكتەر، جۇيەلى جوعارى دەڭگەيلى جابدىق سياقتى جوعارى قوسىمشا قۇن بۋىندارىنا قاراي كەڭەيتىپ، دۇنيە جۇزىندەگى جوعارى دەڭگەيلى جاساۋ قامداۋ تىزبەگىندەگى ورنىن وگەيسىتۋگە بولماۋ سيپاتى ۇزدىكسىز كۇشەيدى. وسى كەزەكتى ەكسپورتتىڭ جوعارى ارتۋى قىسقا مەرزىمدىك ەمەس، قايتا ۇزاق ۋاقىتتىق تەحنيكا، ءوندىرىس قۋاتىنىڭ توپتالۋىنان قالىپتاسقان وزەكتى باسەكەلىك قۋات جارىققا شىقتى دەۋگە بولادى.

(جاۋ يۇيچي جازۋعا قاتىناستى)