بەتتى ساقتاۋ | باس بەت ەتۋ
| حات ساندىعى
| حابارلاسىڭىز | ءبىز تۋرالى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
2026.09.14 15:44 كەلۋ قاينارى : حالىق تورابى
اۋا تەمپەراتۋراسى تومەندەگەندىكتەن، حيلۇڭجياڭ ولكەسى موحى قالاسىندا كۇن بارعان سايىن سۋىتىپ، ەڭ تومەنگى تەمپەراتۋرا ℃0 تان تومەن تۇسكەن. 9 - ايدىڭ 12 - كۇنى جەرگىلىكتى جىلۋمەن قامداۋ تاراۋلارى جىلۋمەن قامداۋدى جوسپارلانعان ۋاقىتتان 13 كۇن بۇرىن رەسمي باستاپ، تۇرعىنداردىڭ ءۇيىنىڭ جىلى بولۋىنا كەپىلدىك ەتكەن.
موحى حۋاپىڭ جىلۋمەن قامداۋ شەكتى سەرىكتەستىگىنىڭ جىلۋمەن قامداۋ سەحىندا، جىلۋمەن قامداۋ جابدىقتارىنىڭ بارلىعى ىسكە قوسىلىپ جۇمىس باستادى، جۇمىسشىلار جىلۋمەن قامدايتىن پار قازاننىڭ ءتۇرلى ساندى مالىمەتتەرىن مۇقيات باقىلادى جانە رەتتەدى. كۇز ماۋسىمى باستالعاننان بەرى اۋا تەمپەراتۋراسىنىڭ تومەندەۋىنە توتەپ بەرۋ، تۇرعىنداردىڭ ءۇيىنىڭ جىلى بولۋىن قامتاماسىزداندىرۋ ءۇشىن، جىلۋمەن قامداۋ تاراۋلارى 8 - ايدىڭ سوڭىندا قۇبىر تورابىن تەكسەرۋ - جوندەۋ، كومىر زاپاسىن دايىنداۋ مەن جابدىقتاردى قورعاۋ قاتارلى ءتۇرلى دايىندىقتاردى ورىنداعان.
”جىلۋمەن قامداۋ ونىمدىلىگىنە كەپىلدىك ەتۋ ءۇشىن، بيىل جازدا ءبىز جىلۋ قاينارى، جىلۋدى اۋىستىرۋ پۋنكتى جانە جىلۋمەن قامداۋ قۇبىرى تورابىن تەكسەرىپ جوندەدىك جانە كۇتىمدەدىك. الدا، ءبىز اۋا تەمپەراتۋراسىنىڭ وزگەرىسىنە قاراي، جىلۋمەن قامداۋ پارامەترلەرىن جاعدايعا قاراي سايكەستىرىپ ورنالاستىرىپ، تۇرعىنداردىڭ قىستى جىلى وتكىزۋىنە كۇش سالا كەپىلدىك ەتەمىز“، - دەدى موحى حۋاپىڭ جىلۋمەن قامداۋ شەكتى سەرىكتەستىگى سەحىنىڭ باستىعى شى جۇنحاۋ.
”بۇگىن تۇسكى ۇيقىدان ويانعانىمدا، ءۇيدىڭ ءىشىنىڭ جىپ - جىلى بولىپ كەتكەنىن بايقادىم، پاردى ۇستاپ كورسەم، پار بەرىلگەن ەكەن، وسى بىرنەشە جىلدان بەرى موحى قالاسىنىڭ جىلۋمەن قامداۋى وتە جاقسى“، - دەدى موحى قالاسىنىڭ تۇرعىنى جاڭ لييىڭ.
موحى قالاسى — جۇڭگوداعى ەڭ سولتۇستىكتەگى، ورنالاسقان ەندىگى ەڭ جوعارى اۋدان دارەجەلى قالا، قىسى ۇزاق ءارى سۋىق، ەڭ تومەنگى تەمپەراتۋراسى كەزىندە نولدەن تومەن ℃53 قا جەتكەن. ۇعىسۋعا قاراعاندا، موحى قالاسىنىڭ وسى رەتكى جىلۋ قامداۋ مەزگىلى 8 ايدان استام ۋاقىت بولىپ، جىلۋمەن قامداۋ ۋاقىتى كەلەر جىلى 5 - ايدىڭ ورتا شەنىنە دەيىن جالعاسادى.
كەلۋ قاينارى: حالىق تورابى
