وقۋ ـ اعارتۋ مينيسترلىگىنىڭ ”جۇڭگو وقىتۋشىلارى“ اتتى شاعىن باعدارلاماسىنا جاڭا يقۋات قوسىلدى 

گازەتىمىزدىڭ 9 - ايدىڭ 13 – كۇنى بەيجيڭنەن بەرگەن حابارى (ءتىلشى ۋ يۋە). ءتىلشىنىڭ وقۋ ـ اعارتۋ مينيسترلىگىنەن ۇعىسۋىنشا: وقۋ ـ اعارتۋ مينيسترلىگى شىعارعان ”جۇڭگو وقىتۋشىلارى“ اتتى شاعىن باعدارلاما جۋىردا جاڭالانىپ، ءبىرقىدىرۋ ناقتىلى جاڭا يقۋاتتار ىسكە قوسىلدى. قالىڭ وقىتۋشىلار ۋيشين نەمەسە جىفۋباۋ تەكشەسىنەن ”جۇڭگو وقىتۋشىلارى“ اتتى شاعىن باعدارلامانى ىزدەپ، شىن اتى ـ جونىمەن كۋالاندىرۋ ارقىلى ەلەكتروندىق وقىتۋشىلىق كۋالىگىن الىپ، رەسمي قىزمەت وتەۋ جالعانىمىنا قول جەتكىزە الادى.

شاعىن باعدارلامانى جاساۋ اترەتىنىڭ تانىستىرۋىنشا، جاڭا نۇسقاداعى شاعىن باعدارلامانىڭ ءبولىسۋ، تەكسەرۋ، ينفورماتسيا وزگەرتۋ، پىكىرلەرگە جاۋاپ قايتارۋ جانە باس بەتتى ورنالاستىرۋ جاقتارىندا دارەجەسى تۇگەلدەي كورنەكتى جوعارىلاتىلعان. ۇنەمى قولدانىلاتىن قىزمەت وتەۋ تۇرلەرى شاعىن باعدارلامانىڭ ەڭ ۇستىڭگى جاعىنا ورنالاستىرىپ كورسەتىلگەن، باس بەتتە ”جاڭادان قوسىلعان قىزمەت وتەۋ تۇرلەرى“ دەگەن بولىك ورنالاستىرىلىپ، وقىتۋشىلارعا تيىمدىلىك جاساۋعا قاتىستى ەڭ جاڭا قىزمەت وتەۋ تۇرلەرىن ءبىر كنۋپكامەن كورۋگە بولادى. بەتتىڭ ورنالاستىرىلۋى اناعۇرلىم قاراپايىم ءارى ايقىن بولىپ، وقىتۋشىلار شاعىن باعدارلامانى اشىسىمەن قاجەتتى يقۋاتتاردى تەز ارادا تابا الادى.

ءۇشىنشى كەزەكتى وقىتۋشىلاردى قۇرمەتتەۋ جانە ولارعا تيىمدىلىك جاساۋ الەۋمەتتىك يگىلىك قيمىلى دا جۋىردا باستالدى. جۇڭگو وقۋ ـ اعارتۋ جابدىقتارى كاسىپتىك قوعامى مەن قوعامداعى مەيىر باعىشتايتىن ءبىر ءبولىم كاسىپورىنداردىڭ بىرگە ىلگەرىلەتۋىندە، وسى جولى جيىنى 17 كاسىپورىن قاتىناسىپ، جاساندى زەردە (AI) وقىتۋ ـ زەرتتەۋ بايلىعى، ەمدەۋ ـ سالاماتتىق، مادەنيەتتى جوعارىلاتۋ، قاتىناس جانە ءجۇرىس - تۇرىس، تۇرمىستىق قىزمەت وتەۋ قاتارلى بەس ءىرى سالا بويىنشا ارنايى تيىمدىلىك جاساۋ جاعىنداعى قىزمەت وتەۋ تۇرلەرىن اتقارادى. وقىتۋشىلار شاعىن باعدارلاماداعى”وقىتۋشىلارعا تيىمدىلىك جاساۋ جاعىنداعى قىزمەت وتەۋ تۇرلەرى“ اتتى ارنايى بولىككە كىرىپ، قاتىستى يگىلىك تۇرلەرىن بىردەن ۇعىسا الادى.

كەلۋ قاينارى: حالىق تورابى