بۇگىن كەشتە اسپانعا قاراۋدى ۇمىتپاڭىز

شولپان 9 - ايدىڭ 14 - كۇنى جاڭا تۋعان ايعا جاقىنداپ، ”شولپاننىڭ ايعا سەرىك بولۋى“ سىندى اسپان قۇبىلىسىن قالىپتاستىرادى، بۇل بيىل شولپاننىڭ ايعا سوڭعى رەت ”سەرىك بولۋى“ بولىپ تابىلادى. شولپاننىڭ قوزعالىس ءۇردىسى 10 - ايدان كەيىن وزگەرىسكە ۇشىراپ، بىرتە - بىرتە ”كەشكى جۇلدىزدان“ ”تاڭعى جۇلدىزعا“ اينالادى.

”شولپاننىڭ ايعا سەرىك بولۋى“ — تۇنگى اسپاندى تاماشالاۋداعى قۇنى وتە جوعارى اسپان قۇبىلىسى. تۇنگى اسپانداعى جارىقتىق دارەجەسى تۇرعىسىنان العاندا، ادەتتە اي ءبىرىنشى ورىندا، شولپان ەكىنشى ورىندا تۇرادى. وسى ەكى جارىق اسپان دەنەسى ءبىر - بىرىنە جاقىن ارالىقتان ”سەرىك بولعاندا“، ەرتەگىدەگىدەي ”جۇلدىز بەن ايدىڭ كەزدەسۋى“ قۇبىلىسى تۋىلادى.

جەر وربيتاسىنداعى پلانەتا رەتىندە، جەر شارىنان باقىلاعاندا، شولپان ماڭگى كۇنگە ىلەسىپ جۇرەدى دە، تەك تاڭ اتاردا نەمەسە كۇن باتاردا عانا باقىلاۋعا بولادى. تاڭ اتاردا، شولپان شىعىستاعى كوكجيەكتەن كورىنىپ، ”تاڭ جۇلدىزىنا“ اينالادى؛ كۇن باتاردا، شولپان باتىس كوكجيەكتەن كورىنىپ، ”كەشكى جۇلدىزعا“ اينالادى.

ال ايدىڭ باسقى شەنىندە جاڭا تۋعان اي مەن ايدىڭ سوڭعى شەنىندەگى ”كەتىلگەن اي“ تاڭ اتاردا جانە كەش باتاردا جەر شارىنىڭ كوكجيەگىنە جاقىن ورىننان كورىنەدى دە، شولپانمەن ”سەرىك بولۋ“ قۇبىلىسىن قالىپتاستىرادى. بۇل وراقتاي يمەك اي مەن جاپ - جارىق شولپاندى كوزبەن كورىپ تاماشالاۋعا جانە جۇلدىزدى اسپان سۋرەتىن تۇسىرۋگە وتە قولايلى كەز.

كەلۋ قاينارى: حالىق تورابى