پيڭلۋ كانالىندا كەمە رەسمي قاتىنادى 

بۇگىن (9 - ايدىڭ 16 - كۇنى) تۇستەن بۇرىن، باتىس بولىكتەگى قۇرلىق پەن تەڭىزدەگى جاڭا ارنانىڭ نەگىزدىك ينجەنەرياسى — پيڭلۋ كانالىندا كەمە رەسمي قاتىنادى.

پيڭلۋ كانالىندا كەمەنىڭ قاتىناۋىنا ىلەسە، ەكى جاڭا جۇك تاسىمالى ارناسىندا دا ەكى باعىتتا كەمە قاتىنادى، ولار: ”ناننيڭ — ۆيەتنام كانتو“ سىرتقى ساۋدالىق سۋ جولى جانە ”ناننيڭ — حاينان ياڭپۋ“ ىشكى ساۋدالىق سۋ جولى.

پيڭلۋ كانالىنىڭ قۇرىلىسى 2022 - جىلى 8 - ايدىڭ 28 - كۇنى باستالعان، جالپى ۇزىندىعى 134.2 كيلومەتر، ىشكى وزەندەگى 1 - دارەجەلى سۋ جولىنىڭ ولشەمى بويىنشا سالىنعان، 5000 توننالىق كەمەلەردىڭ قاتىناۋىنا بولادى، ول ەلىمىزدەگى كەمە قاتىناۋ دارەجەسى ەڭ جوعارى كانال. پيڭلۋ كانالى سولتۇستىكتە ناننيڭ حىڭجوۋ قالاسى شيجين سۋ قويماسى رايونى پيڭتاڭ وزەنى ساعاسىنان باستالىپ، وڭتۇستىكتە چينجوۋ ليڭشان اۋدانى لۋ - ۋ قالاشىعىنان وتەدى، چينجياڭ وزەنىن بويلاي وتىرىپ، بەيبۋۋان شىعاناعىنا تىكەلەي تۇتاسادى، بۇكىل جەلى بويىنشا ماداۋ، چيشى، چيڭنيان سىندى ءۇش ءىرى ساتىلى قاتىناس تورابى سالىندى. اتالعان ينجەنەريا نىسانىندا ”دۇنيە جۇزىلىك ءتورت ءىرى رەكورد“ جاراتىلعان: دۇنيە جۇزىندەگى وسى تەكتەس كانالداردىڭ ىشىندە كەمە قاتىناتۋ قۋاتى ەڭ زور، دۇنيە جۇزىندەگى وسى تەكتەس كەمە وتكىزۋ قاقپالارىنىڭ ىشىندە كەمە قاتىناتۋ قارقىنى ەڭ تەز، دۇنيە جۇزىندەگى سۋ ۇنەمدەيتىن كەمە وتكىزۋ قاقپالارىنىڭ ىشىندە سۋ دەڭگەيىنىڭ پارقى ەڭ زور، دۇنيە جۇزىندەگى ىشكى وزەندەردەگى سۋ ۇنەمدەيتىن كەمە وتكىزۋ قاقپالارىنىڭ ىشىندە كولەمى ەڭ ۇلكەن.

پيڭلۋ كانالى مەن باتىس بولىكتەگى قۇرلىق پەن تەڭىزدەگى جاڭا ارنانىڭ تەمىر جول، تاس جولى ءبىر – ءبىرىن ءوزارا تولىقتىرىپ، كوپ ءتۇرلى فورماداعى تاسىمال جۇيەسىن قالىپتاستىرىپ، باتىس وڭتۇستىكتەگى جۇك قاينارىن ءونىمدى شوعىرلاندىرىپ، وڭىرلىك ەكونوميكانىڭ ومىرشەڭدىگىن جانداندىرىپ، باتىس بولىكتەگى قۇرلىق پەن تەڭىزدەگى جاڭا ارنانىڭ زات اينالىمى ونىمدىلىگىن ۇزدىكسىز جوعارىلاتادى. پيڭلۋ كانالىندا كەمە قاتىناعاننان كەيىن، باتىس وڭتۇستىك وڭىردەگى زاتتار پيڭلۋ كانالى ارقىلى تەڭىزگە شىعارىلادى، ءداستۇرلى جولمەن سالىستىرعاندا ىشكى وزەندەگى جول ارالىعى 560 كيلومەتردەن استام قىسقارىپ، ءار جىلى تاسىمال قاراجاتىنان 5 ميلليارد يۋاننان استام ۇنەمدەلەدى. بۇل ەلىمىزدىڭ باتىس وڭتۇستىك ءوڭىرىنىڭ تەڭىزدى بەتكە الىپ قۇدىرەتتەنۋىن ىلگەرىلەتۋدە، جاڭا داۋىردە باتىس بولىكتى قاۋىرت اشۋدى جەبەۋدە، جۇڭگو — شىعىس وڭتۇستىك ازيا وداعى تاعدىرلاس ورتاق تۇلعاسىن اناعۇرلىم نىعايتۋدا ماڭىزدى ءمان الادى.

(باس ستانسيا ورتالىق تەلەۆيزياسى ءتىلشىسى لي ۋەيداي، لياۋ مي)

كەلۋ قاينارى: حالىق تورابى