ەلىمىز بويىنشا 2026 - جىلعى مەملەكەت مەرەكەسىندەگى مادەنيەت جانە ساياحاتقا قاتىستى تۇتىنۋ ايى باستالدى 

9 - ايدىڭ 22 - كۇنى، مادەنيەت جانە ساياحات مينيسترلىگى يۇننان ولكەسى ميلى قالاسىندا ەلىمىز بويىنشا 2026 – جىلعى مەملەكەت مەرەكەسىندەگى مادەنيەت جانە ساياحاتقا قاتىستى تۇتىنۋ ايىنىڭ نەگىزگى الاڭ قيمىلىن وتكىزىپ، ەلىمىز بويىنشا 2026 – جىلعى مەملەكەت مەرەكەسىندەگى مادەنيەت جانە ساياحاتقا قاتىستى تۇتىنۋ ايىن رەسمي باستادى. تۇتىنۋ ايى 9 - ايدىڭ سوڭىنان 10 - ايدىڭ سوڭىنا دەيىن جالعاسادى، مادەنيەت جانە ساياحات مينيسترلىگى قاتىستى تاراۋلار، قولداۋ كورسەتەتىن ورىندار قاتارلىلارمەن بىرگە جۇڭچيۋ مەرەكەسىن، مەملەكەت مەرەكەسىن توڭىرەكتەي وتىرىپ، مادەنيەت - ساياحات سالاسىىنا قاتىستى ءبىر قىدىرۋ قيمىلدارى مەن حالىققا تيىمدىلىك جاساۋ شارالارىن ورتاعا قويىپ، مەزگىلدىك مادەنيەت - ساياحات ونىمدەرىمەن قامداۋدى مولايتىپ، قىزمەت وتەۋدى كۇشەيتىپ، تۇرعىندار مەن ساياحاتشىلاردىڭ قوس مەرەكە دەمالىسى مەن كۇز مەزگىلىندەگى مادەنيەت – ساياحاتقا قاتىستى تۇتىنۋ قاجەتىن اناعۇرلىم ويداعىداي قاناعاتتاندىرادى.

تۇتىنۋ ايى مەزگىلىندە، جەر - جەر تاۋ - وزەندى ارالاۋ، جۇڭچيۋ مەرەكەسىندە باس قوسۋ، كۇز كوركىن تاماشالاپ دەمالۋ، توڭكەرىستىك بايىرعى بازالارعا ساياحاتتاۋ، زەرتتەۋ - ۇيرەنۋ ساياحاتى، كەشكى ەكونوميكا، مادەني مۇرا جانە ءدامدى تاعامدار قاتارلى باستى قاجەتسىنۋ تۇرلەرىن توڭىرەكتەي وتىرىپ، ساپالى مادەنيەت - ساياحات ونىمدەرىمەن قامداۋدى ارتتىرىپ، مادەنيەت – ساياحاتقا قاتىستى 20 مىڭ رەتتەن استام قيمىل وتكىزىپ، 310 ميلليون يۋاننان استام تۇتىنۋ بەلەتى قاتارلى تۇتىنۋ قوسىمشا قاراجاتتارىن تاراتىپ، تۇرعىندار مەن ساياحاتشىلاردىڭ دەمالىس كۇندەرى ساياحاتتاۋىنا اناعۇرلىن باي تالعام، اناعۇرلىم جايلى اسەر سيلايدى. ءتىلشى: شۇي جۋاڭ

كەلۋ قاينارى: حالىق تورابى