وتاندىق بەس ءتۇرلى نەگىزگى قول تەلەفونعا جۇڭگو جەر سىلكىنىسى تۋرالى دابىل قاعۋ جۇيەسى قوسىلدى

شينحۋا اگەنتتىگىنىڭ 9 - ايدىڭ 21 – كۇنى بەيجيڭنەن بەرگەن حابارى (ءتىلشى حۋاڭ تاۋميڭ). ءتىلشىنىڭ 9 - ايدىڭ 21 - كۇنى جۇڭگو جەر سىلكىنىسى مەكەمەسىنەن ۇعىسۋىنشا، جۋىردا رۇڭياۋ قول تەلەفونىنىڭ جەر سىلكىنىسى تۋرالى دابىل قاعۋ قولدانىلمالى باعدارلاماسى جۇڭگو جەر سىلكىنىسى ستانسيالار تورابى ورتالىعىنىڭ تەحنيكالىق باعالاپ تەكسەرۋىنەن تولىق ءوتىپ، جۇڭگو جەر سىلكىنىسى تۋرالى دابىل قاعۋ تورىنا رەسمي قوسىلعان. وسىمەن حۋاۋەي، vivo، OPPO، شياۋمي، رۇڭياۋ قاتارلى وتاندىق بەس ءىرى قول تەلەفون وندىرەتىن كاسىپورىن رەسمي ۇقىققا يە بولىپ، ءبىرتۇتاس الەۋمەتتىك قىزمەت وتەۋ جاعىنداعى مودەلدىك الگوريتم مەن قىزمەت وتەۋ ولشەمىنە سۇيەنىپ، پايدالانۋشىلارعا جەر سىلكىنىسى تۋرالى دابىل قاعۋ جاعىندا اقىسىز، سەنىمدى قىزمەت وتەيدى.

جۇڭگو جەر سىلكىنىسى مەكەمەسىنىڭ قاتىستى قىزمەتكەرلەرىنىڭ تانىستىرۋىنشا، پايدالانۋشىلاردىڭ قولدانىلمالى باعدارلامانى ءتۇسىرىپ ورناتۋىنىڭ قاجەتى جوق، تەك قول تەلەفوننىڭ رەتتەۋ تەتىگىنەن ”جەر سىلكىنىسى تۋرالى دابىل قاعۋ“ يقۋاتىن تاۋىپ، قىزمەت وتەۋدى اشسا بولعانى، جەر سىلكىنىسى تۋرالى دابىلدى قابىلداي الادى ەكەن.

ۇعىسۋعا قاراعاندا، قازىرگە دەيىن ەلىمىز دابىل قاعۋ تەرمينالى، راديو – تەلەۆيزور، ۋيشين شاعىن باعدارلاماسى جانە جىلجىمالى تەرمينال قاتارلىلاردى قامتىعان جەر سىلكىنىسى تۋرالى دابىل قاعۋ جاعىنداعى الەۋمەتتىك قىزمەت وتەۋ جۇيەسىن العاشقى قادامدا قۇرىپ شىعىپ، ”كەڭ قامتىلىم، جەدەل جەتكىزىلىم، دالمە – ءدال بولۋ“ سىندى قىزمەت وتەۋ اۋقىمىن بىرتىندەپ قالىپتاستىرعان.

كەلۋ قاينارى: حالىق تورابى