تاعى دا سۋىق اعىس ءجۇرىپ، ەلىمىزدىڭ ورتا، شىعىس بولەكتەرىندە تەمپەراتۋرا ءۇرتىس تومەندەيدى

جۇڭگو اقپارات تورابىنىڭ 10 – ايدىڭ 19 - كۇنى بەيجيڭنەن بەرگەن حابارى. ورتالىق اۋا رايى ستانسياسى تورابىنىڭ حابارىنا قاراعاندا، بۇگىن تاڭەرتەڭ ءبىرشاما كۇشتى سۋىق اعىستىڭ ىقپالىنان ىشكى موڭعۇلدىڭ شىعىس بولەگى، شىعىس سولتۇستىك جۇڭگونىڭ باسىم كوپ بولەگى، سولتۇستىك جۇڭگونىڭ سولتۇستىك بولەگى، حۋناننىڭ ورتا بولەگى، گۇيجوۋدىڭ شىعىس بولەگى قاتارلى جەرلەردە تەمپەراتۋرا كورنەكتى تومەندەدى، جيليننىڭ شىعىس بولەگى، لياۋنيڭنىڭ شىعىس بولەگى قاتارلى جەرلەردە تەمپەراتۋرا كۇرت تومەندەدى، ءىشىنارا جەرلەردە تەمپەراتۋرانىڭ تومەندەۋ مولشەرى 12 دە 15 سەلتسي گرادۋسقا جەتتى، ورتالىق اۋا رايى ستانسياسىنىڭ مەجەلەۋىنشە، 10 – ايدىڭ 19 – كۇنىنەن 21 – كۇنىنە دەيىن جاڭا سۋىق اعىس ەلىمىزگە ۇزدىكسىز ىقپال جاسايدى، ەلىمىزدىڭ ورتا شىعىسىنىڭ باسىم كوپ ساندى جەرلەرىندە تەمپەراتۋرا ءالى دە 4 تە 6 سەلتسي گرادۋس تومەندەيدى، سولتۇستىك جۇڭگونىڭ باتىس بولەگى، شىعىس سولتۇستىك جۇڭگونىڭ ءىشىنارا جەرلەرىندە تەمپەراتۋرانىڭ تومەندەۋ مولشەرى 8 سەلتسي گرادۋستان اسادى، چاڭجياڭنىڭ سولتۇستىگىندەگى باسىم كوپ ساندى جەرلەردە قيىس شىعىستان 4 تە 6 بال بوران سوعادى، مەزەتتىك جەل كۇشى 7 دە 9 بال بولادى؛ ەلىمىزدىڭ باتىس وڭتۇستىك رايونىنىڭ شىعىس بولەگى، چاڭجياڭ، حۋايحى، چاڭجياڭ، حانجياڭ، چاڭجياڭنىڭ وڭتۇستىگىنىڭ باتىس بولەگى قاتارلى جەرلەردىڭ ءىشىنارا وڭىرلەرىندە ورتاشادان باستاپ قالىڭ جاڭبىر جاۋادى، ءىشىنارا جەرلەردە نوسەر جاۋادى؛ گانسۋدىڭ باتىس بولەگى، ىشكى موڭعۇل، حىبەيدىڭ سولتۇستىك بولەگى، جيليننىڭ شىعىس بولەگى جانە شينجياڭنىڭ سولتۇستىك بولەگى قاتارلى جەرلەردە جاڭبىر ارالاس قار نەمەسە قار جاۋادى، مۇنىڭ ىشىندە شينجياڭنىڭ تەڭىز دەڭگەيىنەن بيىك رايوندارىنىڭ ءىشىنارا جەرلەرىندە قالىڭ قار نەمەسە ەرەكشە قالىڭ قار جاۋادى.

اۋا رايى ماماندارى مىنانى ەسكەرتتى: الداعى 10 كۇندە ءجيى سۋىق اعىس جۇرەدى، سولتۇستىكتەگى باسىم كوپ ساندى رايونداردىڭ ورتاشا اۋا تەمپەراتۋراسى بۇرىنعى جىلدارداعى ۇقساس مەزگىلدەگىدەن 1 دە 2 گرادۋس تومەن بولادى، مۇنىڭ ىشىندە شينجياڭنىڭ سولتۇستىگى، گانسۋدىڭ باتىس بولەگى، ىشكى موڭعۇلدىڭ ورتا، باتىس بولەگى 3 سەلتسي گرادۋس اينالاسىندا تومەن بولادى، سولتۇستىكتەگى بۇقارانىڭ كيىم – كەشەكتى قالىڭ كيىپ، جىلۋ ساقتاۋ شارالارىن ويداعىداي ىستەۋىن ءۇمىت ەتەمىز. بۇگىن – ەرتەڭ چاڭجياڭنىڭ ورتا، تومەنگى اعارىندا جاۋىن – شاشىن ءبىرشاما كۇشتى بولادى، ءجۇرىس – تۇرىستا حاۋىپسىزدىككە كوڭىل ءبولۋ كەرەك.

كەلۋ قاينارى: حالىق تورابى