مەملەكەتتىك ساناق مەكەمەسى: 2027 – جىلى 1 – ايدىڭ 1 - كۇنىنەن باستاپ مەملەكەت بويىنشا 4 – رەتكى اۋىل شارۋاشىلىعىن جاپپاي تەكسەرۋ رەسمي باستالادى

جۇڭگو اقپارات تورابىنىڭ 10 – ايدىڭ 18 - كۇنى بەيجيڭنەن بەرگەن حابارى. مەملەكەتتىك كەڭەستىڭ اقپارات كەڭسەسى 10 – ايدىڭ 19 - كۇنى اقپار جاريالاۋ ءماجىلىسىن اشتى، ماجىلىستە مەملەكەتتىك ساناق مەكەمەسىنىڭ اقپارات مالىمدەمەشىسى، ورىنباسار مەكەمە باستىعى ماۋ شىڭيۇڭ بىلاي دەدى: 4 – رەتكى مەملەكەت بويىنشا اۋىل شارۋاشىلىعىن جاپپاي تەكسەرۋ شەشۋشى كەزەڭگە ءوتتى، 2027 – جىلى 1 – ايدىڭ 1 - كۇنىنەن باستاپ وتباسىلارىن ارالاپ تىزىمدەۋ رەسمي باستالادى.

ماۋ شىڭيۇڭ بىلاي دەپ اتاپ كورسەتتى: بۇل رەتكى جاپپاي تەكسەرۋدە جاپپاي تەكسەرۋ مەن ۇلگى الىپ تەكسەرۋدى ۇشتاستىرۋ، ۇزىن كەستە مەن قىسقا كەستەنى ۇشتاستىرۋ ءتاسىلى قولدانىلادى، بۇل جاپپاي تەكسەرۋ قىزمەتىنىڭ ساپاسىن، ونىمدىلىگىن جوعارىلاتۋعا، نەگىزگى ساتى قىزمەتىنىڭ اۋىرتپالىعىن جەڭىلدەتۋگە ءتيىمدى؛ سونىمەن بىرگە، جاپپاي تەكسەرۋ وسىزاماندانعان تەكسەرۋ ءتاسىلىنىڭ قولدانىلۋىن كۇشەيتىپ، جاساندى سەرىكپەن الىستان اڭعارۋ، ۇشقىشسىز ۇشاق جانە جاساندى زەردە قاتارلى وسى زامانعى ينفورماتسيا تەحنيكاسىنان تولىق پايدالانىپ، جاپپاي تەكسەرۋدىڭ سيفرلانۋ، زەردەلەنۋ دەڭگەيىن جوعارىلاتادى.

كەلۋ قاينارى: حالىق تورابى