بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى

شي جينپيڭ ىشكى موڭعۇلدىڭ ۇلانچابىندا قىزمەت تەكسەرگەندە بىلاي دەپ باسا دارىپتەدى

 جوعارى ساپالى دامۋ مەن جوعارى دەڭگەيلى قورعاۋدى ءبىر تۇتاس جوسپارلاپ، ەكولوگيانى الدىمەن ويلاستىرۋ، جاسىل دامۋ جولىمەن بۇلجىماي ءجۇرۋ كەرەك

2026.10.19 16:54     كەلۋ قاينارى : شينجياڭ گازەتى

10 - ايدىڭ 16 - كۇنى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ىشكى موڭعۇل اۆتونوميالى رايونىنىڭ ۇلانچاب قالاسىندا قىزمەت تەكسەردى. سۋرەتتە: شي جينپيڭ چاحار وڭ قانات الدىڭعى حوشۇنىنداعى حۋاڭچيحاي كولى جاراتىلىستىق قورىعىندا قىزمەت تەكسەرۋدە.

□ سۋرەتتى شينحۋا اگەنتتىگىنىڭ ءتىلشىسى يان يان تۇسىرگەن

10 - ايدىڭ 16 - كۇنى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ىشكى موڭعۇل اۆتونوميالى رايونىنىڭ ۇلانچاب قالاسىندا قىزمەت تەكسەردى. سۋرەتتە: شي جينپيڭ چاحار جوعارى، جاڭا تەحنولوگيا اشۋ رايونىندا قىزمەت تەكسەرگەندە، قاتىستى ەسەپتەۋ قۋاتى ورتالىعى نىسانىنىڭ جاۋاپتىلارى، تەحنيكتەر، چاحار جوعارى، جاڭا تەحنولوگيا اشۋ رايونىنىڭ قىزمەتكەرلەرى قاتارلىلارمەن ىقىلاستى اڭگىمەلەسۋدە.

□ سۋرەتتى شينحۋا اگەنتتىگىنىڭ ءتىلشىسى يان يان تۇسىرگەن

شينحۋا اگەنتتىگىنىڭ 10 - ايدىڭ 16 - كۇنى ىشكى موڭعۇلدىڭ ۇلانچابىنان بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 10 - ايدىڭ 16 - كۇنى ىشكى موڭعۇل اۆتونوميالى رايونىنىڭ ۇلانچاب قالاسىندا قىزمەت تەكسەرگەندە بىلاي دەپ باسا دارىپتەدى: جاسىل دامۋ − جوعارى ساپالى دامۋدا بولۋعا ءتيىستى مازمۇن، جوعارى ساپالى دامۋ مەن جوعارى دەڭگەيلى قورعاۋدى ءبىر تۇتاس جوسپارلاپ، تاۋ، سۋ، ورمان، ەگىنجاي، كول، جايلىم، قۇمدى ءبىر تۇلعالاندىرىپ قورعاۋعا جانە جۇيەلى وڭاۋعا تاباندى بولىپ، كومىر قىشقىل گازىنىڭ شىعارىلۋىن تومەندەتۋدى، لاستانۋدى ازايتۋدى، جاسىلدانۋدى كەڭەيتۋدى، ەكونوميكانى ارتتىرۋدى سايكەستى ىلگەرىلەتىپ، ەكولوگيانى الدىمەن ويلاستىرۋ، جاسىل دامۋ جولىمەن بۇلجىماي ءجۇرۋ كەرەك.

10 - ايدىڭ 16 - كۇنى تۇستەن بۇرىن شي جينپيڭ ىشكى موڭعۇل اۆتونوميالى رايوندىق پارتكومنىڭ شۋجيى ۋاڭ ۋيجۇڭ مەن اۆتونوميالى رايوندىق حالىق ۇكىمەتىنىڭ ءتوراعاسى باۋگاڭنىڭ سەرىك بولۋىندا ۇلانچاب قالاسىنا كەلىپ قىزمەت تەكسەرىپ، تەكسەرۋ - زەرتتەۋ جۇرگىزدى.

ۇلانچاب قالاسى چاحار وڭ قانات الدىڭعى حوشۇنىنداعى حۋاڭچيحاي كولى ىشكى قۇرلىقتىق تۇيىق كول، كليمات سياقتىلاردىڭ ىقپالىنان ءبىر مەزەت تارتىلىپ قالۋعا تاياعان. كوپ جىلدار بويى جان - جاقتى وڭاۋ ارقىلى سۋ ايدىنى اۋماعى بىرتىندەپ قالپىنا كەلدى جانە كەڭەيدى. شي جينپيڭ حۋاڭچيحاي كولى جاراتىلىستىق قورىعىنا كەلىپ، ىشكى موڭعۇل اۆتونوميالى رايونىنىڭ ەكولوگيالىق ورتانى قورعاۋدى كۇشەيتۋ جانە جەرگىلىكتى ورىننىڭ حۋاڭچيحاي كولىنىڭ قورشاعان ورتاسىن جان - جاقتى وڭاۋدى ىلگەرىلەتۋ، ەكولوگيالىق جۇيەنى قالپىنا كەلتىرۋ سياقتى جاعدايلاردان بەرگەن مالىمەتىن تىڭدادى ءارى سۋ جاعالاۋى، قايراڭ ەكولوگياسى، مەكەن ەتەتىن قۇستار سياقتىلاردى ناقتى ورىندا تەكسەرىپ كوردى. ول بىلاي دەپ باسا دارىپتەدى: سازدىقتى قورعاۋدىڭ تەتىگى اۋەلگى ەكولوگيانىڭ بەينەسىن ساقتاۋدا. تابيعاتقا قۇرمەت ەتۋگە، تابيعاتقا سايكەسۋگە، تابيعاتتى قورعاۋعا تاباندى بولىپ، سازدىقتى قورعاۋ زاڭىن جاپپاي اتقارىپ، ەكولوگيانى قورعاۋدىڭ قىزىل سىزىعىن قاتاڭ ساقتاپ، ەكولوگيالىق جۇيەنىڭ ساپاسى مەن ورنىقتىلىعىن كۇش سالا جوعارىلاتىپ، ورگانيزمدەردىڭ الۋان تۇرلىلىگىن قورعاۋ كەرەك. ناشارلاعان سازدىق ەكولوگيالىق جۇيەسىنىڭ تابيعي قالپىنا كەلۋىن نەگىز، ادام كۇشىمەن قالپىنا كەلتىرۋدى قوسىمشا ەتۋگە تاباندى بولىپ، عىلمي، ۇيلەسىمدى قالپىنا كەلتىرۋ كەرەك.

ۇلانچابتا جەل، جارىق بايلىعى مول، سوڭعى جىلدارى جاسىل ەلەكتر، كليمات، وڭىرلىك ورىن سياقتى سالىستىرمالى ارتىقشىلىقتى ساۋلەلەندىرىپ، جاسىل ەسەپتەۋ قۋاتى كاسىپ سالاسىنىڭ دامۋىندا بەلسەندى ونىمدىلىككە قول جەتكىزدى. شي جينپيڭ چاحار جوعارى، جاڭا تەحنولوگيا اشۋ رايونىنا بارىپ، كورمە زالىندا ىشكى موڭعۇل اۆتونوميالى رايونىنىڭ ”شىعىستىڭ ساندى مالىمەتتەرىن باتىستا ەسەپتەۋ“ ينجەنەرياسى توراپ ءتۇيىنى قۇرىلىسى مەن جاسىل ەسەپتەۋ قۋاتى كاسىپ سالاسىنىڭ دامۋى سياقتى جاعدايلاردى ۇعىستى. ول بىلاي دەپ اتاپ كورسەتتى: ”شىعىستىڭ ساندى مالىمەتتەرىن باتىستا ەسەپتەۋ“ ينجەنەرياسىن اتقارۋ، بۇكىل ەلدىڭ ءبىر تۇلعالانعان ەسەپتەۋ قۋاتى تورىن قۇرۋ پارتيا ورتالىق كوميتەتىنىڭ ماڭىزدى ورنالاستىرۋى. عىلمي جوبالاۋدى، فاكتوردى تىرەك ەتۋدى، حاۋىپسىزدىكتى قامتاماسىز ەتۋدى كۇشەيتىپ، سالىنىپ بولعان نىسانداردىڭ جوعارى ءونىمدى اينالىمىنا شىنايى كەپىلدىك ەتۋ ءارى كەيىنگى نىسان قۇرىلىستارىن ۋاعىندا ورىنداۋ كەرەك. كاسىپ سالاسى تىزبەگىن بەلسەنە ۇزارتىپ، سيفرلى ەكونوميكا مەن ناقتى ەكونوميكانىڭ ىشكەرىلەي توعىسۋىن ىلگەرىلەتىپ، ەسەپتەۋ قۋاتى ارتىقشىلىعىن دامۋ ارتىقشىلىعىنا ۇزدىكسىز اينالدىرۋ كەرەك.

وسىدان كەيىن شي جينپيڭ سول ورىنداعى قاتىستى ەسەپتەۋ قۋاتى ورتالىعى نىسانىنىڭ جاۋاپتىلارى، تەحنيكتەر، چاحار جوعارى، جاڭا تەحنولوگيا اشۋ رايونىنىڭ قىزمەتكەرلەرى قاتارلىلارمەن ىقىلاستى اڭگىمەلەستى. ول بىلاي دەپ باسا دارىپتەدى: ەسەپتەۋ قۋاتى تورى − مەملەكەت جوسپارلاپ قۇرعان ”التى توردىڭ“ ءبىرى، ەسەپتەۋ قۋاتى كاسىپ سالاسى جەدەل دامۋ ساتىسىندا تۇر، بولاشاعى نۇرلى. كوپشىلىكتىڭ جوعارى ءونىمدى، جاسىل، حاۋىپسىز بولۋ تالابىن مۇقيات تياناقتاندىرىپ، ”ەسەپتەۋ قۋاتى مەن ەلەكتردى سايكەستىرۋگە“، ”ەسەپتەۋ قۋاتى مەن سۋ قاينارىن سايكەستىرۋگە“ ءمان بەرىپ، ەسەپتەۋ قۋاتى ورتالىعىنىڭ نىسان قۇرىلىسى مەن اينالىمىن ويداعىداي جۇرگىزىپ، جاسىل ەسەپتەۋ قۋاتى كاسىپ سالاسىنىڭ دامۋىن بەلسەنە ىلگەرىلەتىپ، سيفرلى جۇڭگو قۇرىلىسىن ىلگەرىلەتۋگە، جاڭاشا وندىرگىش كۇشتەردىڭ دامۋىن جەبەۋگە كوبىرەك ۇلەس قوسۋىن ءۇمىت ەتەمىن. شي جينپيڭ جوعارى، جاڭا تەحنولوگيا اشۋ رايونىنان پارتيا باسشىلىعى مەن پارتيا قۇرىلىسىن كۇشەيتىپ، ءتۇرلى الەۋمەتتىك قىزمەت وتەۋ مەن فاكتورلىق قامتاماسىزداندىرۋدى ساپالىلاندىرىپ، كاسىپورىندار مەن ءتۇرلى دارىندىلاردىڭ ءىس تىندىرىپ شارۋاشىلىق قۇرۋىنا تاماشا ورتا ازىرلەۋدى تالاپ ەتتى.

شي جينپيڭ تاعى جەرگىلىكتى ورىننىڭ ەرەكشەلىككە يە ەگىن، مال شارۋاشىلىق ونىمدەرى كورمەسىن تەكسەرىپ كورىپ، نەگىزگى سورتتار مەن ساپا ەرەكشەلىكتەرىن ەگجەي - تەگجەيلى ۇعىسىپ، جەرگىلىكتى ورىندى ءوندىرۋ مەن ساتۋدى ۇشتاستىرۋدى كۇشەيتۋگە، ەگىنشى - مالشىلاردىڭ كىرىسىن ارتتىرىپ بايۋىن جەبەۋگە شابىتتاندىردى.

قىزمەت تەكسەرۋ بارىسىندا، شي جينپيڭ بىلاي دەپ باسا دارىپتەدى: ەلىمىزدىڭ جەرى كەڭ، شىعىس، باتىس، وڭتۇستىك، سولتۇستىك، ورتا بولىكتەردىڭ بايلىق ەرەكشەلىگىنىڭ پارقى كورنەكتى. جاڭا جورىقتا وڭىرلەر پارتيا ورتالىق كوميتەتىنىڭ ستراتەگيالىق شەشىمدەرى مەن جوسپار - ورنالاستىرۋلارى بويىنشا، دۇرىس ناتيجە كوزقاراسىن ورناتىپ جانە امالياتتا ايگىلەپ، جاڭا دامۋ ۇستانىمىن تولىق، دالمە - ءدال، جاپپاي دايەكتىلەندىرىپ، ءداۋىر اعىمىنا تىعىز ىلەسىپ، دامۋ ورايىن مىقتى يگەرىپ، ءوز شارت - جاعدايىن تياناق ەتىپ، سالىستىرمالى ارتىقشىلىقتى ساۋلەلەندىرىپ، جەرگىلىكتى جاعدايعا قاراي جوعارى ساپالى دامۋدى ىلگەرىلەتۋ كەرەك.

حى ليفىڭ جانە ورتالىق پەن مەملەكەت ورگاندارىنىڭ قاتىستى تاراۋلارىنداعى جاۋاپتى جولداستار قىزمەت تەكسەرۋدە بىرگە بولدى.

جاۋاپتى رەداكتورى : مانەپ ەربول ۇلى