2026.10.26 15:56 كەلۋ قاينارى : حالىق تورابى
شينحۋا اگەنتتىگى، 10 - ايدىڭ 25 - كۇنى، بەيجيڭ. 10 - ايدىڭ 25 - كۇنى مەملەكەت ءتوراعاسى شي جينپيڭ بەلگيانىڭ پاتشاسى فيليپپەن ءوزارا قۇتتىقتاۋ حاتىن جولداپ، ەكى ەلدىڭ ديپلوماتيالىق قاتىناس ورناتقاندىعىنىڭ 55 جىلدىعىن قۇتتىقتادى.
شي جينپيڭ مىنالاردى اتاپ كورسەتتى: ديپلوماتيالىق قاتىناس ورناتقان 55 جىلدان بەرى، جۇڭگو مەن بەلگيا ءوزارا قۇرمەت ەتۋگە، تەڭ تۇرعىدا مامىلە جاساۋعا، ءوزارا پايدا جەتكىزىپ، تەڭ يگىلىككە كەنەلۋگە تاباندى بولىپ، ەكى ەل قاتىناسى ورنىقتى دامىدى. ەكى جاقتىڭ ءار سالاداعى اۋىس - كۇيىسى مەن سەلبەستىگىنىڭ جارقىن تۇيىندەرى ارت - ارتىنان جارىققا شىعىپ، سۇبەلى تابىستارعا قول جەتكىزىپ، ەكى ەل حالقىنىڭ بارىس - كەلىسى كۇن سايىن جيىلەي ءتۇستى. مەن جۇڭگو - بەلگيا قاتىناسىنىڭ دامۋىنا ايرىقشا ءمان بەرەمىن، فيليپ پاتشامەن بىرگە قۇلشىنىپ، ەكى ەلدىڭ ديپلوماتيالىق قاتىناس ورناتقاندىعىنىڭ 55 جىلدىعىن وراي ەتىپ، جۇڭگو مەن بەلگيانىڭ جان - جاقتى دوستىق سەلبەستىك سەرىكتەستىك قاتىناسىنىڭ ۇزدىكسىز تىڭ ساتىعا كوتەرىلۋىنە جەتەكشىلىك ەتىپ، جۇڭگو - ەۆروپا قاتىناسىنىڭ اقاۋسىز، ورنىقتى دامۋىن ىلگەرىلەتۋگە تىڭ ۇلەس قوسۋدى قالايمىن.
فيليپ مىنالاردى اتاپ كورسەتتى: ديپلوماتيالىق قاتىناس ورناتقاننان بەرى بەلگيا مەن جۇڭگو كەڭ كولەمدى، كوپ نەگىزدى سەلبەستىك قاتىناس ورناتتى. ءتوراعا شي جينپيڭنىڭ 2014 - جىلى بەلگياداعى مەملەكەتتىك ساپارى ءساتتى بولىپ، ماعان تاماشا ەستەمە قالدىردى. مەن ەكى جاقتىڭ وتكەن 55 جىل نەگىزىندە اشىق تىلدەسۋدى ۇزدىكسىز ىلگەرىلەتىپ، ناقتى سەلبەستىكتى كەڭەيتىپ، ءوزارا ءتۇسىنىسۋدى كۇشەيتەتىندىگىنە كامىل سەنەمىن. بەلگيا جۇڭگومەن بىركەلكى، ءوزارا ءتيىمدى قاتىناستى دامىتىپ، دۇنيە جۇزىلىك سىن - سايىستارعا بىرگە توتەپ بەرىپ، بەيبىتشىلىكتى، ورنىقتىلىقتى جانە باياندى دامۋدى جەبەۋدى قالايدى.
كەلۋ قاينارى: حالىق تورابى