20 - كەزەكتى ورتالىق كوميتەتتىڭ 7 - رەتكى شارلاۋى اياقتادى

«حالىق گازەتى»، 10 - ايدىڭ 25 - كۇنى، بەيجيڭ (ءتىلشى شى ي - چي). پارتيا ورتالىق كوميتەتىنىڭ ورنالاستىرۋىنا ساي، 20 - كەزەكتى ورتالىق كوميتەتتىڭ 7 - رەتكى شارلاۋ، اڭىس ەتۋ قىزمەتى تاياۋدا اياقتالدى. شارلاۋ، اڭىس ەتۋدە شوعىرلى اڭىس ەتۋ مەن شارلاۋ گرۋپپاسىنىڭ ”بىرگە - ءبىر“ اڭىس ەتۋدى ۇشتاستىرۋ ءتاسىلى قولدانىلدى.

شوعىرلى اڭىس ەتۋ ءماجىلىسى باس شۋجي شي جينپيڭنىڭ ورتالىقتىڭ 7 - رەتكى شارلاۋ جاعدايى جونىندەگى مالىمەتىن تىڭداعاندا سويلەگەن ماڭىزدى ءسوزىنىڭ رۋحىن جەتكىزىپ، ۇيرەنىپ، شارلاۋدا بايقالعان ماسەلەلەردى حابارلاندىرىپ، شارلاۋدى، رەتتەۋ - تۇزەتۋدى ويداعىداي يگەرۋ جونىندە ورنالاستىرۋ جاسادى. ورتالىق كوميتەت شۋجيچۋىنىڭ شۋجيى، ورتالىق شارلاۋ قىزمەتىنە باسشىلىق ەتۋ گرۋپپاسىنىڭ ورىنباسار باستىعى ليۋ جينگو ماجىلىسكە قاتىناستى ءارى ءسوز سويلەدى. ورتالىقتىڭ 15 شارلاۋ گرۋپپاسى وسى رەت ايرىم - ايرىم شارلانعان ورتالىق پەن مەملەكەت ورگاندارىنا تاۋەلدى 36 ورىنعا ”بىرگە - ءبىر“ شارلاۋ جاعدايىن اڭىس ەتتى.

اڭىس ەتۋ پىكىرىندە مىنالار باسا دارىپتەلدى: شارلانعان پارتيا ۇيىمدارى باس شۋجي شي جينپيڭنىڭ ماڭىزدى ءسوزىنىڭ رۋحىن مۇقيات دايەكتىلەندىرىپ، تياناقتاندىرىپ، شي جينپيڭ پارتيا قۇرىلىسى يدەياسىن ۇيرەنۋمەن، دايەكتىلەندىرۋمەن تىعىز ۇشتاستىرىپ، سانالى تۇردە ساياسي جانە جالپى جاعدايدى شىعار ءتۇيىن ەتىپ، شارلاۋدى، رەتتەۋ - تۇزەتۋدى ەڭ بەرىك پوزيتسيامەن جانە توتەنشە جاۋاپتى بولۋ رۋحىمەن ويداعىداي يگەرۋ كەرەك. ساياسي دەڭگەيدى جوعارىلاتىپ، ورتالىق پەن مەملەكەت ورگاندارى پارتيا مەن مەملەكەتتى جونگە سالۋ جۇيەسىن كەمەلدەندىرۋدە، جۇڭگو ۇلگىسىندەگى وسىزامانداندىرۋدى ىلگەرىلەتۋدە ەرەكشە ماڭىزدى ورىندا تۇرادى، ءار جاقتاعى قىزمەتتەردە الدا ءجۇرىپ، ۇلگى بولۋى، رەتتەۋ - تۇزەتۋ، تياناقتاندىرۋ جاعىندا دا ونەگە بولۋى كەرەك. رەتتەۋ - تۇزەتۋ جاۋاپكەرشىلىگىن مىقتاپ ارقالاۋ قاجەت، رەتتەۋ - تۇزەتۋدى مىقتى يگەرۋ باسشى كادرلاردىڭ قىزمەت ناتيجەسى كوزقاراسىنىڭ تىكە سىناعى، ”ءبىرىنشى باسشى“ جاۋاپكەرشىلىك ارقالاپ، جاۋاپكەرشىلىكتى ادا ەتىپ، رەتتەۋ - تۇزەتۋدى مىقتى يگەرىپ، ءتۇيىندى، قيىن ماسەلەلەردى باستاماشىلدىقپەن ءبىر جاقتى ەتۋ؛ القا مۇشەلەرى ”ءبىر قىزمەت ورنىندا ەكى جاۋاپكەرشىلىك ارقالاۋدى“ قاتاڭ تياناقتاندىرىپ، جاۋاپتى سالالارداعى رەتتەۋ - تۇزەتۋ مىندەتىن كۇش سالا ويداعىداي يگەرۋ كەرەك. باستان - اياق بۇقارامەن تىلەكتەس بولىپ، حالىقپەن ەتەنە بولىپ، ءبىرىنشى شەپكە بارىپ، نەگىزگى ساتىنىڭ جاعدايىن انىقتاپ، ماسەلەنىڭ ءتۇيىنىن ءداپ باسىپ تاۋىپ، ناقتى، پارمەندى شەشۋ شارالارىن قولدانۋ كەرەك. باتىلدىقپەن قامال الىپ، قيىندىقتاردى جەڭىپ، رەتتەۋ - تۇزەتۋدى وراي ەتىپ، قىزمەتتى كۇشەيتىپ جانە جاقسارتىپ، ۇلگىلى ورگان قۇرۋعا، ”ەكىنى قورعاۋدى“ امالياتتا ايگىلەۋدىڭ ءبىرىنشى شەبىندە ويداعىداي جۇرۋگە قۇلشىنۋ كەرەك. رەتتەۋ - تۇزەتۋدى، باقىلاۋدى كۇشەيتىپ، نەمقۇرايدىلىققا سالىنباي، جالعان رەتتەۋ - تۇزەتۋدىڭ جاۋاپكەرشىلىگىن قاتاڭ قۋزاستىرۋ، جاۋاپقا تارتۋ كەرەك.

ۇعىسۋعا قاراعاندا، ورتالىقتىڭ شارلاۋ گرۋپپاسى ءىشىنارا باسشى كادرلاردىڭ ماسەلەسى جونىندەگى دەرەكتەردى تاپسىرىپ الىپ، بەلگىلەمە بويىنشا ورتالىق ءتارتىپ تەكسەرۋ كوميتەتى، مەملەكەتتىك باقىلاۋ - تەكسەرۋ كوميتەتى ورگانى، ورتالىق ۇيىمداستىرۋ ءبولىمى سياقتى قاتىستى جاقتاردىڭ ءبىر جاقتى ەتۋىنە وتكىزىپ بەرگەن.

كەلۋ قاينارى: حالىق تورابى