بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى

شي جينپيڭ جولداستىڭ «كەدەيلىكتى ازايتۋ، كەدەيلىكتەن ارىلتۋ تۋرالى» كىتابى باسپادان شىعىپ تاراتىلدى

2026.11.11 15:50     كەلۋ قاينارى : حالىق تورابى

شينحۋا اگەنتتىگى، 11 - ايدىڭ 10 - كۇنى، بەيجيڭ. جۇڭگو كوممۋنيستىك پارتياسى ورتالىق كوميتەتىنىڭ پارتيا تاريحىن جانە حۇجات زەرتتەۋ اكادەمياسى رەداكسيالاعان شي جينپيڭ جولداستىڭ «كەدەيلىكتى ازايتۋ، كەدەيلىكتەن ارىلتۋ تۋرالى» كىتابى تاياۋدا ورتالىق حۇجات باسپاسىنان باسىلىپ شىعىپ، بۇكىل ەلدە تاراتىلدى.

وسى ارناۋلى ماقالالار جيناعىنا شي جينپيڭ جولداستىڭ كەدەيلىكتى ازايتۋ، كەدەيلىكتەن ارىلتۋ جونىندەگى 55 ماڭىزدى ماقالاسى ەنگىزىلدى، مۇنىڭ ىشىندە ءبىر ءبولىم ماقالالار تۇڭعىش رەت اشىق جاريالاندى.

كەدەيلىكتى جويۋ ادامزاتتىڭ ورتاق مۇراتى. كەدەيلىكتى جويۋ، حالىق تۇرمىسىن جاقسارتۋ، بىرگە اۋقاتتانۋدى جۇزەگە اسىرۋ جۇڭگوشا سوتسياليزمنىڭ ماندىك تالابى، جۇڭگو كوممۋنيستىك پارتياسىنىڭ ماڭىزدى بورىشى. پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى كەدەيلىكتەن ارىلتۋدان قامال الۋدى ەل باسقارۋداعى كورنەكتى ورىنعا قويىپ، جاپپاي دوڭگەلەك داۋلەتتى قوعام قۇرۋدىڭ تومەنگى شەك مىندەتى رەتىندە قاراپ، كەدەيلىكتەن ارىلتۋدان قامال الۋ شايقاسىن دابىرالى ورىستەتىپ ءارى جاپپاي جەڭىسكە قول جەتكىزىپ، كەدەيلىكتى مۇلدە جويۋ سىندى جاپالى مىندەتتى ورىنداپ، ادامزاتتىڭ كەدەيلىكتى ازايتۋ تاريحىنداعى كەرەمەتىن جاراتىپ، كەدەيلىكتى ازايتۋدىڭ جۇڭگوشا جولىمەن ءجۇردى، كەدەيلىككە قارسى اتتانۋدىڭ جۇڭگوشا نازارياسى قالىپتاستى. شي جينپيڭ جولداستىڭ كەدەيلىكتى ازايتۋ، كەدەيلىكتەن ارىلتۋ توڭىرەگىندە جاريالاعان ءبىر قىدىرۋ ماڭىزدى بايىمداۋلارى ەلىمىزدىڭ مەملەكەت جاعدايىن تياناق ەتكەن، كەدەيلىكتى ازايتۋ زاڭدىلىعىن يگەرگەن، ەلىمىزدىڭ كەدەيلىكتەن ارىلتۋدان قامال الۋداعى نازاريالىق جاۋھارى، ماركسيزمنىڭ كەدەيلىككە قارسى تۇرۋ نازارياسىنىڭ جۇڭگوشالانۋىنىڭ ەڭ جاڭا جەتىستىگى، كەدەيلىكتەن ارىلتۋدان قامال الۋدىڭ جەتىستىكتەرىن بەكەمدەۋ، كەڭەيتۋدە، اۋىل - قىستاقتى گۇلدەندىرۋدى جاپپاي ىلگەرىلەتۋدە، جالپى حالىقتىڭ بىرگە اۋقاتتانۋىن جۇزەگە اسىرۋدى ىلگەرىلەتۋدە كەدەيلىكتەن اۋلاق بولىپ، بىرگە گۇلدەنگەن تاماشا دۇنيەنى قول ۇستاسا قۇرۋدا توتەنشە ماڭىزدى جەتەكشىلىك مانگە يە.

جاۋاپتى رەداكتورى : مانەپ ەربول ۇلى