وزگەرىس ەنگىزىلگەننەن كەيىنگى «قور قوعامىن باسقارۋ ەرەجەسى» جاريالاندى

شينحۋا اگەنتتىگى، 11 - ايدىڭ 10 - كۇنى، بەيجيڭ. مەملەكەتتىك كەڭەستىڭ زۇڭليى لي چياڭ بىرنەشە كۇننىڭ الدىندا مەملەكەتتىك كەڭەس بۇيرىعىنا قول قويىپ، وزگەرىس ەنگىزىلگەننەن كەيىنگى «قور قوعامىن باسقارۋ ەرەجەسىن» جاريالادى، (تومەندە قىسقاشا «ەرەجە» دەلىنەدى)، 2027 - جىلى 1 - ايدىڭ 1 - كۇنىنەن باستاپ اتقارىلادى.

«ەرەجەدە» قور قوعامىنىڭ الەۋمەتتىك سەنىم قۇرىلىسىن كۇشەيتىپ، قور قوعامىنىڭ اقاۋسىز، ءتارتىپتى دامۋىن جەبەۋ ماقسات ەتىلگەن. «ەرەجە» جالپى 8 تاراۋ، 79 تارماقتان قۇرالعان، وزگەرىس ەنگىزىلگەن باستى مازمۇندار تومەندەگىدەي.

ءبىرىنشى، جالپى تۇلعالىق پرينسيپتىك تالاپتى كەمەلدەندىرۋ. قور قوعامى قىزمەتىندە جۇڭگو كوممۋنيستىك پارتياسىنىڭ باسشىلىعىنا تاباندى بولۋ، پارتيا قۇرىلىسى قىزمەتىنىڭ تالابىن كۇشەيتۋ، قور قوعامىنىڭ الەۋمەتتىك يگىلىك قيمىلدارىمەن شۇعىلدانۋدا زاڭدى، ەرىكتى، ادال، جاريا، اشىق، پايدا تابۋدى ماقسات ەتپەۋ پرينسيپىنە بويسۇنۋ كەرەك دەپ بەلگىلەندى.

ەكىنشى، تىزىمدەپ باسقارۋ ءتۇزىمىن اقاۋسىزداندىرۋ. تىزىمدەپ باسقارۋ دارەجەسىن جانە تىزىمگە الدىرعان قارجىسىن ايقىنداپ، تىكەلەي تىزىمدەۋدى ورنىقتى ىلگەرىلەتىپ، تىزىمدەۋ ءتارتىبىنىڭ تالابىن ايقىنداپ، تىزىمنەن وشىرۋدەن بۇرىنعى ەسەپ اداقتاۋ ءتارتىبىن ناقتىلاندىرۋ كەرەك.

ءۇشىنشى، ىشكى جونگە سالۋ مەحانيزمىن كەمەلدەندىرۋ. باستاماشىلاردىڭ، جاۋاپتىلاردىڭ جاۋاپكەرشىلىگىن كۇشەيتىپ، ۇيىمدىق قۇرىلىمداردىڭ قىزمەت ۇقىعى مەن ءىس قاراۋ ەرەجەسىن اقاۋسىزداندىرىپ، جاۋاپتىلاردىڭ، القالاردىڭ، باقىلاۋشىلاردىڭ قاتىستى قاتىناستاردان پايدالانىپ قور قوعامىنىڭ، يگىلىكتەنۋشىلەردىڭ مۇددەسىنە جانە قوعامدىق الەۋمەتتىك مۇددەگە زيان جەتكىزۋىنە تيىم سالۋ كەرەك.

ءتورتىنشى، قيمىلدى باسقارۋدى ارناعا ءتۇسىرۋ. جىلۋ جيۋ، جىلۋ اتاۋ، قارجىلاي كومەك بەرۋ سياقتى قيمىلداردىڭ تالابىن كەمەلدەندىرىپ، ينتەرنەتتە جاريا جىلۋ جيۋ، سەلبەسىپ جاريا جىلۋ جيۋدى ارناعا ءتۇسىرۋ كەرەك. مال - مۇلىك باسقارۋدى كۇشەيتىپ، پايدانىڭ بارلىعىن الەۋمەتتىك يگىلىك ماقساتىنا جۇمساۋ كەرەكتىگىن ايقىنداۋ كەرەك. نىسان باسقارۋدى قاتايتىپ، نىسانداردىڭ اتقارىلۋ جاعدايىن وكشەلەي باسقارۋدى تالاپ ەتۋ قاجەت.

بەسىنشى، ينفورماتسيانى جاريا ۇستاۋ مەن كاسىپ سالاسىنىڭ ءوزىن تەجەۋىن كۇشەيتۋ. قور قوعامىنىڭ ينفورماتسيانى جاريا ۇستاۋ بورىشىن ايقىنداپ، قوعامدىق باقىلاۋ ارناسىن ىركىلىسسىزدەندىرىپ، كاسىپتىك ولشەمدى ورناتۋ جانە كەمەلدەندىرۋ كەرەك.

التىنشى، جالپىلىق باقىلاۋ - باسقارۋدى كۇشەيتۋ. تىزىمدەپ باسقارۋ ورگاندارى، كاسىپتىك باسقارۋشى ورىندار جانە كاسىپتىك باسقارۋ تاراۋلارى سياقتىلاردىڭ مىندەتىن ايقىنداپ، ءار جاقتىڭ جاۋاپكەرشىلىگىن ناقتىلاندىرىپ، باقىلاۋ - باسقارۋدىڭ بىرىككەن كۇشىن قالىپتاستىرۋ كەرەك.