تۇرعىن ءۇي جانە قالا - اۋىل قۇرىلىسى مينيسترلىگى: ءۇي قالا ىستەرى ينجەنەرياسى بيىكتەن قۇلاۋدان ساقتانۋ ارناۋلى قيمىلىن ورىستەتەدى

ءتىلشىنىڭ كەشە (11 – ايدىڭ 11 – كۇنى) تۇرعىن ءۇي جانە قالا - اۋىل قۇرىلىسى مينيسترلىگىنەن ۇعىسۋىنشا، كەشەدەن باستاپ 2027 - جىلى كوكتەم مەرەكەسىنەن بۇرىن (2 – ايدىڭ 6 – كۇنى) بۇكىل ەل بويىنشا ءۇي قالا ىستەرى ينجەنەرياسى بيىكتەن قۇلاۋدان ساقتانۋ ارناۋلى قيمىلىن ورىستەتەدى.

تالاپ بويىنشا، باقىلاۋ ـ باسقارۋ تاراۋلارى جاپپاي تەكسەرۋ مەن پارىقتى باقىلاۋ ـ باسقارۋدى اتقارىپ، 2027 ـ جىلى 3 – ايدىڭ 31 - كۇنىنەن بۇرىن سالىنىپ جاتقان بارلىق ينجەنەريالارعا قۇرىلىس حاۋىپسىزدىگىن باقىلاۋ حاتىنىڭ ەلەكتروندىق كۋالىگىن تولىق اۋىستىرىپ تاراتادى. اۋىستىرىپ تاراتۋدا، ءسوز جوق، ناق مايدانعا بارىپ جۇمىس باستاۋ تەكسەرۋىن ورىستەتىپ، بيىكتە جۇمىس ىستەۋدە قورعانۋدى تەكسەرەدى، شارت - جاعداي ازىرلەمەگەندەرگە اۋىستىرىپ بەرۋگە بولمايدى، جۇمىس باستاۋعا بولمايدى؛ كوپتەگەن تاراۋلارمەن بىرلەسىپ، حاۋىپسىزدىك قالپاعى، حاۋىپسىزدىك بەلبەۋى، اۆتوماتتى قۇلىپتاعىش، تەز پارىقتاعىش، حاۋىپسىزدىك تورى قاتارلىلاردىڭ ساپاسىنا بىرلەسىپ تەكسەرۋ جۇرگىزىپ، تولىمسىز جانە جالعان، جارامسىز ونىمدەر قاتارلىلاردى قاتاڭ تەكسەرەدى.

سونىمەن بىرگە، كاسىپورىندار سۋبيەكتتىك جاۋاپكەرشىلىكتى جاپپاي تياناقتاندىرىپ، ءوندىرىس حاۋىپسىزدىگىن باسقارۋ جۇيەسى مەن ءتۇزىمىن اقاۋسىزداندىرىپ، ءوندىرىس حاۋىپسىزدىگىندەگى شەشۋشى قىزمەت ورىندارىنداعى قىزمەتكەرلەردى تولىقتاپ، ءوندىرىس حاۋىپسىزدىگى قارجىسى مەن بايلىق قوسىلىمىن قامتاماسىزداندىرىپ، ينجەنەريالىق قورعانۋ قۇرىلعىلارى قاتارلىلاردى تياناقتاندىرۋ كەرەك. جۇمىس ىستەۋشىلەر بيىكتە جۇمىس ىستەۋ ارەكەتىن ارناعا ءتۇسىرىپ، ەرەجەگە قايشى تاۋەكەلشىلدىكپەن جۇمىس ىستەۋگە قاتاڭ تيىم سالۋ كەرەك. گرۋپپالاردىڭ حاۋىپسىزدىك، ءوزارا كومەكتەسۋ رولىن ساۋلەلەندىرىپ، اشكەرەلەۋ، سيلاۋ ءارى شەگىنىپ شىعۋ ۇقىعىن قامتاماسىزداندىرۋ كەرەك.

بۇدان سىرت، جەر - جەر قوعامدى ات سالىسۋعا جانە باستاماشى بولۋعا جۇمىلدىرىپ، عىلىمي زەرتتەۋ ورىندارى، جابدىق جاساۋ كاسىپورىندارى، كاسىپتىك قوعامدار قاتارلى قوعامدىق كۇشتەردى بيىكتەن قۇلاۋدان ساقتانۋ تەحنيكاسىنان قامال الۋعا قاتىناسۋعا شابىتتاندىرۋ كەرەك. جوبالاۋدى كۇشەيتىپ، وزىق جابدىقتار مەن تەحنولوگيالاردى جالپىلاستىرۋ كەرەك.

تۇرعىن ءۇي جانە قالا ـ اۋىل قۇرىلىسى مينيسترلىگى جەر ـ جەردەن جىل سوڭى، جىل باسى، قوس مەرەكە جانە قىسقى قۇرىلىس جۇرگىزۋدى قاداعالاپ، ارناۋلى ارەكەت اياقتاعاننان كەيىن ءونىمدى ادىستەردى كۇندەلىكتى باقىلاۋ ـ باسقارۋ تۇزىمىنە اينالدىرىپ، ۇدايىلانعان جونگە سالۋعا اينالدىرۋدى تالاپ ەتتى.

كەلۋ قاينارى: حالىق تورابى