- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
«جاپپاي دوڭگەلەك داۋلەتتى جۇزەگە اسىرۋدا ءبىر دە ۇلتتى قاعىس قالتىرۋعا بولمايدى»
ــ باس شۋجي شي جينپيڭنىڭ گۇڭشان دۋلۇڭ - نۋزۋ اۆتونوميالى اۋدانىنىڭ كادر – بۇقارا ۋاكىلدەرىمەن كەزدەسۋى جايىنداعى ەستەلىكتەر
2015.01.23 15:53 كەلۋ قاينارى : حالىق تورابى
19 - قاڭتاردان 21 - قاڭتارعا دەيىن، ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ يۇنناننىڭ جاۋتۇڭ، دالي، كۇنميڭ قاتارلى جەرلەرىنە بارىپ، لۋديانداعى جەر سىلكىنىسى اپاتىنا ۇشىراعان رايونداعى كادر – بۇقارادان حال سۇرادى، كاسىپورىن، قۇرىلىس مايدانى، اۋىل - قىستاق قاتارلى ورىنداردى كوزدەن كەشىرىپ، اپاتتان سوڭعى قايتا قالپىنا كەلتىرۋ جانە ەكونوميكالىق، قوعامدىق دامۋ احۋالى تۋرالى تەكسەرۋ - زەرتتەۋ جۇرگىزدى. 20 - قاڭتار كۇنى شي جينپيڭ كۇنميڭدە نۋجياڭ وبلىسى گۇڭشان دۋلۇڭ - نۋزۋ اۆتونوميالى اۋدانىنداعى كادر - بۇقارا ۋاكىلدەرىمەن كەزدەستى. شينحۋا اگەنتتىگىنىڭ ءتىلشىسى جاڭ دۋو فوتوسى
«ءبىز بەيتانىس ەمەسپىز، ۇيتكەنى حات - حابار الىسىپ تۇرامىز».
20 - قاڭتارداعى چۇنچىڭ قالاسىنا كۇن نۇرى شۇلەن شۋاعىن توگىپ تۇر. يۇنناندا تەكسەرۋ قىزمەتىمەن جۇرگەن ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ كەشقۇرىم ءوزى تۇسكەن جەرگىلىكتى قوناق ۇيدە نۋجياڭ وبلىسى گۇڭشان دۋلۇڭ -نۋزۋ اۆتونوميالى اۋدانىنداعى كادر - بۇقارا ۋاكىلدەرىمەن ىقىلاستى تۇردە كەزدەستى.
بۇل ۇزاقتان بەرى اڭساپ جۇرگەن، اسىعا كۇتكەن كەزدەسۋ بولدى.
تۇستەن كەيىن ساعات 6 دان 30 مينۋت وتكەندە جاڭا عانا كۇنميڭ پويەز ستانسياسىنىڭ قۇرىلىس ورنىن كوزدەن كەشىرگەن شي جينپيڭ شامى جارقىراپ تۇرعان جيىن زالىنا كىرىپ، ۇلتتىق كيىم كيگەن 5 حات جازۋشىمەن ــ دۋلۇڭ ۇلتىنان شىققان «قارت اۋدان اكىمى» گاۋ دىرۇڭ، گۇڭشان اۋداندىق پارتكومنىڭ شۋجيى نا اتا، اۋدان اكىمى ما جىڭلۇڭ، دۋلۇڭجياڭ اۋىلدىق پارتكومنىڭ شۋجيى حى گوشيۇڭ، اۋىل باستىعى لي يۇڭشياڭ جانە دۋلۇڭ ايەل لي ۋىنشى، دۇڭ سۇنلياندارمەن قول الىسىپ امانداستى.
قولمەن توقىلعان مەشپەت، ساداق، كىشكەنە تەمىر تەسە. . . باس شۋجيدى كورگەن گاۋ دىرۇڭ وسىندا ارنايى الىپ كەلگەن دۋلۇڭداردىڭ ءوندىرىس – تۇرمىس سايماندارىن قۋانا تانىستىرىپ جاتتى، شي جينپيڭ ءالسىن – ءالسىن سۇراق قويىپ، ءبارىن دە قاداعالاپ كورىپ جاتىر. شي جينپيڭ دۋلۇڭداردىڭ ارقىراعان وزەندەردەن سىرعىما ارقانمەن وتكەن سۋرەتىن جانە وعان قاجەتتى بۇيىمداردى كورگەننەن كەيىن «راسىندا وڭاي ەمەس ەكەن - اۋ»،-دەدى اسەرلەنە.
«مىنا نارسەلەر تۇنىپ تۇرعان مادەنيەت قوي»، ــ دەدى ول تاعى دا. جيىن زالىنىڭ ءبىر جاعىنداعى ۇزىن ۇستەلگە سۇرلەمە سۇيرىك، بۇلدىرگەن، جابايى بال اراسى سياقتى دۋلۇڭجياڭنىڭ ەرەكشە ونىمدەرى قويىلىپتى، شي جينپيڭ ولاردى دا ءبىر بىرلەپ كورىپ شىقتى.
شي جينپيڭ گاۋ دىرۇڭنىڭ قولىن الىپ، كوپشىلىكپەن بىرگە توقىما ورىندىققا قاتار وتىرىپ، دۋلۇڭداردىڭ ءوندىرىسى مەن تۇرمىسىنداعى زور وزگەرىستەر بەينەلەنگەن قىسقا فيلمدى كوردى.
ورتەڭگە ەگىن سالۋدان كوپ ءتۇرلى شارۋاشىلىققا دەيىنگى، وزەننەن سىرعىما ارقانمەن وتۋدەن تاۋلاردى بۇزىپ جول سالۋعا دەيىنگى، لاشىق ۇيلەردەن قىزىل كەرپىشتى ۇيلەرگە دەيىنگى، كىسى باسىندىق مەڭگەرۋگە بولاتىن كىرىس 900 يۋاننان 2000 يۋانعا جوعارىلاعانعا دەيىنگى جان تەبىرەنتەرلىك كورىنىستەر جاڭا جۇڭگو قۇرىلعان 60 نەشە جىلدان بەرگى، وتە – موتە سوڭعى ءبىرقانشا جىلداردان بەرگى دۋلۇڭ بۇقاراسىنىڭ تۇرمىسىنداعى تەرەڭ وزگەرىستەردى، وسى ءبىر شەت جايلاپ، قيىر قونعان، سالىستىرمالى تۇردە توماعا تۇيىق ۇلتتىڭ باسقا تۋىسقان ۇلتتارمەن بىرلىكتە وسىزامانعى وركەنيەت الەمىنە بەتالىپ بارا جاتقاندىعىن بەينەلەپ بەردى.
(اۋدارماسىن قاداعالاۋشى: قۇربان شاپاعات ۇلى)
كەلۋ قاينارى: حالىق تورابى
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
