- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
مەملەكەتتىك كەڭەستىڭ اقپارات كەڭسەسى
«شينجياڭداعى ءدىني سەنىم ەركىندىگىنىڭ جاعدايى» اتتى اق تىستى كىتاپتى جاريالادى
2016.06.02 15:39 كەلۋ قاينارى : حالىق تورابى
حالىق تورابى، 2 – ماۋسىم، بەيجيڭ. شينحۋا اگەنتتىگىنىڭ حابارلاۋىنشا، مەملەكەتتىك كەڭەستىڭ اقپارات كەڭسەسى 2 – ماۋسىم كۇنى «شينجاڭداعى ءدىني سەنىم ەركىندىگىنىڭ جاعدايى» اتتى اق تىستى كىتاپتى جاريالادى.
اق تىستى كىتاپ حانزۋشا 8600 ارىپتەن قۇرالىپ، وندا العى ءسوز، سوڭعى ءسوز بولەگىنەن تىس، 7 مازمۇن قامتىلعان.
اق تىستى كىتاپتا بىلاي دەلىنگەن: ءدىننىڭ پايدا بولۋى مەن دامۋى، ءسوزسىز، سول زامانمەن ۇندەس كەلۋى كەرەك، ءدىندى جەرگىلىكتى ورىنعا ۇيلەستىرۋ جولىمەن جۇرۋدە تاباندى بولۋ قاجەت ەكەنىن تاريح دالەلدەگەن؛ دىندەردىڭ قاتار ءومىر ءسۇرۋى كەڭ پەيىلدىلىك پەن ءبىر – بىرىنەن ۇلگى الۋدى، تاتۋ - ءتاتتى بولۋدى قاجەت ەتەدى؛ ءدىني سەنىم ەركىندىگىن ىسكە اسىرۋدا، ءسوزسىز، ءدىني سوعىس پەن ءدىني قاقتىعىستاردان اۋلاق بولۋ قاجەت.
اق تىستى كىتاپتا مىناداي دەپ اتاپ كورسەتىلگەن: ءامالياتتا دالەلدەنگەندەي، جاڭا جۇڭگو قۇرىلعاننان بەرى، ءدىني سەنىم ەركىندىگىنىڭ نەگىزگى زاڭداعى پرينسيبى شينجياڭدا جان – جاقتىلى تياناقتاندىرىلدى، ازاماتتاردىڭ ءدىني سەنىم ەركىندىك ۇقىعىنا تولىق قۇرمەت ەتىلدى، دىنگە سەنەتىن ازاماتتاردىڭ قالىپتى ءدىني تالاپتارى ءونىمدى تۇردە قاناعاتتاندىرىلدى، ءدىن سالاسىنداعىلاردىڭ ەكونوميكانىڭ دامۋى مەن قوعامنىڭ ورنىقتىلىعىن ىلگەرىلەتۋدە اتقاراتىن بەلسەندى رولى ءبىرشاما ويداعىداي ساۋلەلەندىرىلدى، ۇكىمەتتىڭ ءدىني ىستەردى زاڭ بويىنشا باسقارۋ قابىلەتى بىرتىندەپ جوعارىلادى، ءدىن سالاسىنداعى شەتەلمەن قارىم – قاتىناس ورنىقتى تۇردە قۇلاشىن جايدى، ءدىني ۇشقارىلىقتىڭ ءسىڭىپ كىرۋ اۋقىمى ءونىمدى تۇردە تەجەلدى.
اق تىستى كىتاپتا بىلاي دەلىنگەن: جۇڭگو ەل جاعدايىن شىعار ءتۇيىن ەتۋدەن جازباي، ءدىندى دەربەس، ءوزى باسقارۋ پرينسيبىندە تاباندى بولادى، شەكارا سىرتىنداعى ءارقانداي ۇيىم مەن جەكەنىڭ جۇڭگونىڭ ءدىني ىستەرىنە كيلىگۋىنە جول قويمايدى. جۇڭگو سوتسياليستىك مەملەكەت، شينجياڭنىڭ ءدىني ىستەرى وسى داۋىردەگى شارت – جاعدايدا ءومىر سۇرەدى جانە ارەكەت جۇرگىزەدى. ءدىن مەن سوتسياليستىك قوعامنىڭ ءوزارا سايكەستى بولۋىنا تاباندى بولۋ ــ جۇڭگونىڭ مەملەكەت جاعدايىنىڭ تالابى، سونداي – اق، ءدىننىڭ ءومىر ءسۇرۋى مەن دامۋىنىڭ ىشكى قاجەتى.
اق تىستى كىتاپتا بىلاي دەلىنگەن، بۇگىنگى تاڭدا شينجياڭداعى ءدىني سەنىم ەركىندىگىنىڭ جاعدايىمەن بۇرىنعى ءارقانداي تاريحي كەزەڭدەگى جاعدايدى سالىستىرۋعا كەلمەيدى، فاكتىگە قۇرمەت ەتەتىن ءارقانداي ادام مۇنى جوققا شىعارا المايدى. جۇڭگو ۇكىمەتى ءدىن ماسەلەسىن ساياسيلاندىرۋعا باتىل قارسى تۇرادى، ءدىني ماسەلەنى جەلەۋ ەتىپ وزگە ەلدىڭ ىشكى ىسىنە كيلىگۋگە قارسى تۇرادى.
اق تىستى كىتاپتا مىناداي اتاپ كورسەتىلگەن: جۇڭگو جاپپاي دوڭگەلەك داۋلەتتى قوعام قۇرۋدىڭ جەڭىسىنە قول جەتكىزەتىن شەشۋشى كەزەڭدە تۇر. جىبەك جولى ەكونوميكالىق بەلدەۋىنىڭ وزەكتى وڭىرىنە ورنالاسقان شينجياڭ الدا بۇرىنعىداي تەڭدىك پەن تاتۋلىق، ءوزارا قۇرمەت نەگىزىندە شەتەلمەن سەلبەستىك جانە بارىس – كەلىس جاساپ، تۇرلىشە دىندەر مەن تۇرلىشە مادەنيەتتەر اراسىنداعى كەڭەس پەن اۋىس – كۇيىستى ىلگەرىلەتىپ، تۇسىنىستىك پەن ءوزارا سەنىمدىلىكتى كۇشەيتىپ، دۇنيە ءجۇزىنىڭ بەيبىت دامۋىنا، ادامزات وركەنيەتىنىڭ العا ىلگەرىلەۋىنە بەلسەندى تۇردە ۇلەس قوساتىن بولادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
