جۇڭگو ايەلدەرىنىڭ 12 - رەتكى مەملەكەتتىك قۇرىلتايى اشىلدى
شي جينپيڭ، لي كىچياڭ، لي جانشۋ، ۋاڭ ياڭ، ۋاڭ حۋنيڭ، حان جىڭ قاتارلى پارتيا مەن مەملەكەت باسشىلارى ماجىلىسكە قاتىناسىپ قۇتتىقتادى. جاۋ لىجي پارتيا ورتالىق كوميتەتى اتىنان ءسوز سويلەدى
2018.10.31 16:32 كەلۋ قاينارى : حالىق تورابى
«حالىق گازەتى»، 30 – قازان، بەيجيڭ (ءتىلشى ياڭ حاۋ). جۇڭگو ايەلدەرىنىڭ 12 - رەتكى مەملەكەتتىك قۇرىلتايى 30 – قازان تۇستەن بۇرىن حالىق سارايىندا اشىلدى. شي جينپيڭ، لي كىچياڭ، لي جانشۋ، ۋاڭ ياڭ، ۋاڭ حۋنيڭ، حان جىڭ قاتارلى پارتيا مەن مەملەكەت باسشىلارى ماجىلىسكە قاتىناسىپ قۇتتىقتادى. جاۋ لىجي پارتيا ورتالىق كوميتەتى اتىنان ءسوز سويلەدى.
ايبىندى حالىق سارايىنىڭ زالى سالتاناتتى دا دۋماندى بەينەگە شومدى. ءتوراعالار مىنبەسىنىڭ ۇستىڭگى جاعىنا «جۇڭگو ايەلدەرىنىڭ 12 - رەتكى مەملەكەتتىك قۇرىلتايى» دەگەن جازۋ جازىلعان كەرمە تۋ اسىلعان، جۇڭحۋا مەملەكەتتىك ايەلدەر بىرلەستىگىنىڭ گەربى ءتوراعالار مىنبەسىندەگى ارتقى پەردەنىڭ قاق ورتاسىنا اسىلىپ، ەكى جاق شەتىنە نارتتاي قىزىل 10 تۋ قاتار تىزىلگەن. ەكىنشى عيماراتتاعى بيىك تەكشەگە «شي جينپيڭنىڭ جاڭا داۋىردەگى جۇڭگوشا سوتسياليزم يدەياسى ۇلى تۋىن بيىك ۇستاپ، ءار ۇلت، ءار سالا ايەلدەرىن دوڭگەلەك داۋلەتتى قوعامدى جاپپاي قۇرۋدىڭ شەشۋشى جەڭىسىن قولعا كەلتىرىپ، جۇڭحۋا ۇلتتارىنىڭ ۇلى گۇلدەنۋى سىندى جۇڭگو ارمانىن ىسكە اسىرۋ جولىندا تىنباي كۇرەسۋگە ىنتماقتاستىرىپ، جۇمىلدىرايىق» دەگەن الىپ كەرمە تۋ ىلىنگەن. ەلىمىزدەگى ءار كاسىپتەن، ءار سالادان كەلگەن جۇڭگو ايەلدەرى 12 - رەتكى مەملەكەتتىك قۇرىلتايىنىڭ 1637 ۋاكىلى جانە شياڭگاڭ ەرەكشە اكىمشىلىك رايونىنان، اۋمىن ەرەكشە اكىمشىلىك رايونىنان ۇسىنىسپەن كەلگەن 79 ۋاكىل قالىڭ ايەلدەر قاۋىمىنىڭ ماڭىزدى تاپسىرىعىن ارقالاپ، سالتاناتتى قۇرىلتايعا قاتىناستى.
تۇستەن بۇرىن ساعات 9 جارىمدا ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ قاتارلىلار ءماجىلىس زالىنا كىرگەندە تۇتاس الاڭدى شاتىرلاعان شاپالاق ءۇنى كەرنەدى.
مەملەكەتتىك حالىق قۇرىلتايى تۇراقتى كوميتەتىنىڭ ورىنباسار باستىعى، قۇرىلتاي ءتورالقاسىنىڭ تۇراقتى ءتوراعاسى شىن يۋەيۋە قۇرىلتايدىڭ باستالعانىن جاريالادى. بارلىق ادام ورىندارىنان تۇرىپ، مەملەكەت ءانىن اسقاقتاتا شىرقادى.
جاۋ لىجي پارتيا ورتالىق كوميتەتى اتىنان «جاڭا ءداۋىر جورىعىندا جارتى الەمنىڭ شۇعىلالى داستانىن جازايىق» دەگەن تاقىرىپتا ارناۋ ءسوز سويلەدى. جاۋ لىجي اۋەلى قۇرىلتايدىڭ اشىلعانىن قىزۋ قۇتتىقتاپ، ەلىمىزدەگى ءار ۇلت، ءار سالا ايەلدەرىنە جانە قالىڭ ايەل قىزمەتكەرلەرگە شىنايى سالەم جولدادى. شياڭگاڭ ەرەكشە اكىمشىلىك رايونى، اۋمىن ەرەكشە اكىمشىلىك رايونى مەن تايۋان رايونىنداعى ايەل باۋىرلاستارعا، شەتەلدەگى ايەل مۇھاجىر باۋىرلاستارعا ىزگى تىلەك ءبىلدىردى.
جاۋ لىجي سوزىندە بىلاي دەدى: 11 - قۇرىلتايدان بەرى جۇڭگو ايەلدەرى، ءار دارەجەلى ايەلدەر بىرلەستىگى شي جينپيڭنىڭ جاڭا داۋىردەگى جۇڭگوشا سوتسياليزم يدەياسىن جەتەكشى ەتىپ، «ءتورت تانىمدى» كۇشەيتىپ، «ءتورت سەنىمدە» تاباندى بولىپ، قالىڭ ايەلدەردى پارتيانىڭ سوزىنە قۇلاق اسىپ، پارتياعا ىلەسۋگە جەتەلەۋ ساياسي مىندەتىن شىنايى ارقالاپ، ەلىمىز ايەلدەر ءىسىنىڭ دامۋىن جەبەۋگە، پارتيانىڭ بيلىك جۇرگىزۋدەگى بۇقارالىق نەگىزىن بەكەمدەۋگە تىڭ ۇلەس قوستى. ايەلدەر قاۋىمىنىڭ رۋحاني بەينەسى بىردەن جاڭارىپ، تالىقپاس، مويىماس، اقىل - پاراساتتى جاڭا ءداۋىر ايەلدەرى وبرازىن ايگىلەدى.
جاۋ لىجي بىلاي دەدى: باس شۋجي شي جينپيڭنىڭ ايەلدەر مەن ايەلدەر قىزمەتى جونىندەگى ماڭىزدى پايىمداۋى جاڭا داۋىردەگى ايەلدەر ءىسى مەن ايەلدەر بىرلەستىگى قىزمەتىن بەرىك نەگىزبەن قامدادى. پارتيانىڭ 19 - قۇرىلتايىندا العا قويىلعان ۇلى جوسپارلاردى ىسكە اسىرۋ ايەلدەردى قامتىعان بارلىق جۇڭحۋا پەرزەنتتەرىنىڭ بىرگە كۇرەسۋىن قاجەت ەتەدى. بارلىق ايەلدەر قاۋىمىنان نازاريالىق سەنىمدى بەكەمدەپ، شي جينپيڭنىڭ جاڭا داۋىردەگى جۇڭگوشا سوتسياليزم يدەياسىن امالياتتان وتكىزۋشىلەردەن، جاڭا ءداۋىر، ۇلى ءىستىڭ قۇرۋشىلارىنان بولۋعا ۇلەس قوسىپ، تىڭ بەت - بەينە جاراتىپ، وركەنيەتتى سالت - سانانى دارىپتەۋشىلەردەن بولىپ، تىڭ بولاشاققا بەت الىپ، اسقاق ارمان ءۇشىن كۇرەسىپ، « ەكى 100 جىلدىق» كۇرەس نىساناسىن، جۇڭحۋا ۇلتتارىنىڭ ۇلى گۇلدەنۋى سىندى جۇڭگو ارمانىن ىسكە اسىرۋ ءۇشىن ءتىپتى دە زور ۇلەس قوسۋىن ءۇمىت ەتەمىن.
كەلۋ قاينارى؛ حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
