مارالباسى - ياركەن - حوتان 750 كيلوۆولتتىق ەلەكتر جەتكىزۋ ينجەنەرياسى ەكولوگيانى قورعاۋ ءۇشىن 500 مەتر جىلجىدى
«بىردە - ءبىر توراڭعى اعاشىن زاقىمدامايمىز»
ءتىلشىمىز چىن چياڭۋي
2018.10.29 13:31 كەلۋ قاينارى : ءتاڭىرتاۋ تورابى
10 - ايدىڭ 23 - كۇنى، مارالباسى توراڭعى ورمانى مەملەكەتتىك ورمان باقشاسىندا جەر - جەردەن كەلگەن ساياحاتشىلار سارى التىنداي توراڭعىلاردى تاماشالاپ، تابيعاتتىڭ كوركەم كورىنىسىنىڭ ءلاززاتىنا شومدى. توراڭعى ورمانى بىتىك وسكەن وڭىردەن 500 مەتر الىستا مارالباسى - ياركەن - حوتان 750 كيلوۆولتتىق ەلەكتر جەتكىزۋ ينجەنەرياسىنىڭ كۇمىس ءتۇستى تەمىر مۇناراسى بوي كوتەرىپ تۇر، وسى الاپقا كوز تاستاعانىڭىزدا، كۇمىس ءتۇس پەن التىن ءتۇس ءبىر - بىرىمەن جاراسقان تاماشا كورىنىستى كورەسىز.
مارالباسى - ياركەن - حوتان 750 كيلوۆولتتىق ەلەكتر جەتكىزۋ ينجەنەرياسى (تومەندە قىسقارتىلىپ مارالباسى - ياركەن - حوتان جەلىسى دەپ الىندى) وڭتۇستىك شينجياڭنىڭ 750 كيلوۆولتتىق ەلەكتر تورىن ۇزارتۋ، تولىقتاۋ، قۋاتىن ارتتىرۋ ينجەنەرياسىنىڭ قۇرامداس بولىگى. وڭتۇستىك شينجياڭنىڭ 750 كيلوۆولتتىق ەلەكتر جەلىسىن ۇزارتۋ، تولىقتاۋ، قۋاتىن ارتتىرۋ ينجەنەرياسى جەلىسىنىڭ جالپى ۇزىندىعى 726 كيلومەتر، وعان جالپى 3 ميلليارد 600 ميلليون يۋان قارجى قوسىلعان، 2019 - جىلدىڭ الدىڭعى جارتى جىلىندا ءبىتىپ، پايدالانۋعا بەرىلەتىندىگى مەجەلەنىپ وتىر. ينجەنەريا سالىنىپ بىتكەن سوڭ، ەلەكتر قۋاتى بويىنشا وڭتۇستىك شينجياڭ مەن ورتا شىعىس بولىكتەگى وڭىرلەردى جالعايتىن «ءىرى ارناعا» اينالادى.
بۇل ينجەنەريا قۇرىلىس جۇرگىزۋ بارىسىندا شۋرات، توراڭعى ورمانى سياقتى ەكولوگياسى ءالسىز وڭىردەن وتەدى، ولاي بولسا، قايتكەندە ەكونوميكالىق ونىمدىلىكتى ىسكە اسىرۋمەن بىرگە، ەكولوگيانى دا ويداعىداي قورعاۋعا بولادى؟ 2016 - جىلى مەملەكەتتىك ەلەكتر جەلىسى شينجياڭ ەلەكتر قۋاتى شەكتى سەرىكتەستىگى ارناۋلى جيىن اشىپ، جوبالاۋشى ورىنعا جەلىنىڭ بويىنداعى ءارقانداي ءبىر ءتۇپ اعاشتى بۇلدىرۋگە بولمايتىندىعى جونىندە تالاپ قويدى. وسى تالاپ نەگىزىندە، جوبالاۋشى جاق جەلىنى توراڭعى ورمانى مەن شۋراتتان وراعىتىپ وتكىزىپ، مارالباسى - ياركەن - حوتان جەلىسىن توراڭعى ورمانى بىتىك وسكەن وڭىردەن 500 مەتر الىس جەرگە ورنالاستىردى، سونىمەن وراعىتىپ وتكەن جەلىنىڭ ۇزىندىعى 2 كيلومەترگە جۋىق ۇزاردى.
«قازىر تەمىر مۇنارالار نەگىزىنەن توراڭعى ورمانى وسەتىن اۋماقتان اۋاشا جەرلەرگە ورنالاستى. سونىمەن بىرگە، اعاشتاردىڭ وسۋىنە جەتكىلىكتى كەڭىستىك قالدىرۋ ءۇشىن، 43 تەمىر مۇنارانىڭ بيىكتىگى 45 مەتردەن 63 مەترگە بيىكتەتىلىپ، بيىكتەن وتەتىن تەمىر مۇنارا جەلىسىنىڭ ۇزىندىعى 20.28 كيلومەتر ۇزاردى. تەمىر مۇنارا ءبىر مەتر بيىكتەسە، وزىندىك قۇن 10 مىڭ يۋانعا جۋىق قىمباتتايدى، وعان جەلىنى وراعىتىپ وتكىزۋگە جۇمساعان وزىندىك قۇندى قوسساق، مارالباسى - ياركەن - حوتان جەلىسىنىڭ وزىندىك قۇنى 10 ميلليون يۋاننان اسادى»، - دەدى مارالباسى - ياركەن - حوتان 750 كيلوۆولتتىق جەلى ينجەنەرياسىنىڭ يەگەر نىسان ديرەكتورى لي ياڭ.
ءتىلشى تەمىر مۇنارانىڭ تاعانىنىڭ اينالاسىندا اعاشتىڭ جوق ەكەندىگىن كوردى. «ينجەنەريا بىتكەننەن كەيىن، ءبىز مۇنارا تاعانىنىڭ توڭىرەگىنە جانە ۋاقىتشا جولعا ءشوپ ۇرىعىن سەۋىپ، سەكسەۋىل سياقتى وسىمدىكتەردى ەگەمىز»، - دەدى لي ياڭ.
ۇعىسۋعا قاراعاندا، مارالباسى - ياركەن - حوتان جەلىسىن توراڭعى ورمانى، ەكونوميكالىق ورمان سياقتىلاردان اۋاشالاۋ ءۇشىن، 3 جەردەن وراعىتىپ وتكىزگەن نەمەسە تەمىر مۇنارانى بيىكتەتكەن. «قازىر مارالباسى - ياركەن - حوتان 750 كيلوۆولتتىق ەلەكتر جەلىسىن سالۋدا بىردە - ءبىر توراڭعى اعاشىنا زاقىم جەتكىزبەۋمەن بىرگە، ءبىز تاعى بارلىق ەلەكتر كۇشى نىساندارىن مۇمكىندىكتىڭ بارىنشا اعاشتان اۋاشا ورنالاستىرۋدى تالاپ ەتتىك»، - دەدى مەملەكەتتىك ەلەكتر جەلىسى شينجياڭ ەلەكتر قۋاتى شەكتى سەرىكتەستىگىنىڭ قۇرىلىس ءبولىمى نىسان باسقارۋ باسقارماسىنىڭ ورىنباسار باستىعى مۋ فىڭلەي.
وڭتۇستىك شينجياڭنىڭ 750 كيلوۆولتتىق ەلەكتر جەلىسىن ۇزارتۋ، تولىقتاۋ، قۋاتىن ارتتىرۋ ينجەنەرياسى بىتكەننەن كەيىن، ەلەكتر جەلىسىنىڭ قاشقار ايماعىن، قىزىلسۋ قىرعىز اۆتونوميالى وبلىسىن، سونداي - اق حوتان ايماعىن ەلەكترمەن قامداۋ قۋاتىن ءونىمدى ارتتىرىپ، جىلدىق ونەركاسىپتىڭ ارتقان قۇنىن 10 ميلليارد يۋانعا جەتكىزۋدى ىسكە اسىرۋعا بولادى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
