ورتالىقتىڭ 1 – ءنومىرلى قۇجاتىنداعى ورايلارعا كوز جىبەرىڭىز
2019.02.25 16:20 كەلۋ قاينارى : حالىق تورابى
تاياۋدا ورتالىقتىڭ 1 – ءنومىرلى قۇجاتى تاراتىلىپ، قوعامداعى ءار سالانىڭ اۋىل شارۋاشىلىعىنان كۇتكەن ۇمىتىنە قانات ءبىتىردى. بۇندا وسى زاماندانعان اۋىل شارۋاشىلىعىن دامىتۋ جونىنەن كوپتەگەن تالاپ جانە ناقتى باعىتتار ورتاعا قويىلدى، ول: سويا بۇرشاقتى گۇلدەندىرۋ ستراتەگياسى، زەردەلى اۋىل شارۋاشىلىعى، سيفرلى اۋىل شارۋاشىلىعى، سەيىل – سەرۋەن اۋىل شارۋاشىلىعى مەن اۋىل – قىستاق ساياحاتى، اۋىل شارۋاشىلىعىن كاسىپ سالالاندىراتىن كوشباسى كاسىپورىندار مەن بىرلەسكەن تۇلعالاردى جەتىلدىرۋ سياقتىلاردى قامتىدى. قاتىستى كاسىپ، كاسىپورىنداردىڭ قارجى قوسىپ كاسىپتى گۇلدەندىرۋ ورايىن قاراستىرۋىنا تاتيدى.
اۋىل شارۋاشىلىعىنىڭ ساپاسىن جوعارىلاتۋدى ىلگەرىلەتۋ
ورتالىقتىڭ 1 – ءنومىرلى قۇجاتىندا وسى زاماندانعان اۋىل شارۋاشىلىعىن دامىتۋ جونىنەن كوپتەگەن تالاپ جانە ناقتى باعىتتار ورتاعا قويىلدى، نەگىزگى ماقساتى – اۋىل شارۋاشىلىعىنىڭ ءونىمىن ارتتىراتىن بەتالۋ باعىتىن ىلگەرىلەتۋ. اۋىل شارۋاشىلىق ونىمدەرىمەن قامداۋ جاعىندا، سويا بۇرشاقتى گۇلدەندىرۋ ستراتەگياسىن جۇرگىزۋ ورتاعا قويىلدى. عىلىم – تەحنيكامەن اۋىل شارۋاشىلىعىن الۋەتتەندىرۋ جاعىندا، اۋىل شارۋاشىلىعىنىڭ شەشۋشى وزەكتى عىلىم – تەحنيكاسىنان قامال الۋ ارەكەتىن جۇرگىزۋ ورتاعا قويىلدى. سيفرلى اۋىل شارۋاشىلىعى، اۋىل – قىستاق جاعىندا، «ينتەرنەت + اۋىل شارۋاشىلىعى» جوباسىن ىلگەرىلەتۋ ورتاعا قويىلدى.
سويا بۇرشاق كاسىبىن گۇلدەندىرۋ ستراتەگياسى بارشا نازار اۋدارىپ وتىرعان كەلەلى تاقىرىپتاردىڭ ءبىرى. جۇڭگو اۋىل شارۋاشىلىق عىلىم اكادەمياسى داقىل زەرتتەۋ ورنىنىڭ زەرتتەۋشىسى حان تيانفۋدىڭ قاراۋىنشا، نازاريا جاقتا شىعىس تەرىستىكتەگى وڭىرلەر سويا بۇرشاق پەن بورميدى اۋىستىرىپ ەگۋدى ىلگەرىلەتىپ، سويا بۇرشاقتىڭ ەگىلۋ اۋماعىن 120 ميلليون مۋعا كەڭەيتسە؛ حۋاڭحى – حۋايحى – حايحىداعى كۇزدىك ءبيداي ەگەتىن وڭىرلەردە ءبيداي مەن سويا بۇرشاقتى ەكى رەت ەگۋ سالىستىرماسىن جوعارىلاتىپ، سويا بۇرشاقتىڭ ەگىلۋ اۋماعىن 90 ميلليون مۋعا جەتكىزسە بولادى ەكەن. اۋىل شارۋاشىلىعى، اۋىل – قىستاق مينيسترلىگى ينفورماتسيا ورتالىعىنىڭ تالداۋشىسى يان رۇيفىڭ بىلاي دەدى: «سوڭعى جىلداردان بەرى ەلىمىزدەگى سويا بۇرشاقتىڭ مۋ ۇلەسىنە تيەتىن تازا پايداسى كۇرىش پەن بورميدان تومەن بولسا، 2014 – جىلدان باستاپ ەگۋ زيانى بارعان سايىن كەڭەيگەن. بۇدان بىلايعى ۇزاق ۋاقىت ىشىندە ەلىمىزدە ادام كوپ، جەر از بولۋ قايشىلىعى وڭايلىقپەن شەشىلمەيدى، تەك عىلىم – تەحنيكانىڭ العاباسارلىعىنا سۇيەنىپ، سويا بۇرشاقتىڭ ءونىم مولشەرى مەن ساپاسىن جوعارىلاتقاندا عانا، ەلىمىزدە وندىرىلگەن سويا بۇرشاقتىڭ باسەكەلىك قۋاتىن ارتتىرۋعا بولادى».
زەردەلى اۋىل شارۋاشىلىعى – اۋىل شارۋاشىلىعىنا قانات بىتىرۋمەن بىرگە، ەگىمشىلىك، اۋىل شارۋاشىلىعىن ماشينالاندىرۋ سياقتىلاردا قوزدامالى تۇيىنگە اينالادى. اۋىل شارۋاشىلىعى، اۋىل – قىستاق مينيسترلىگى عىلىم – تەحنيكا مەڭگەرمەسىنىڭ باستىعى لياۋ شييۋان بىلاي دەدى: «اۋىل شارۋاشىلىعىنىڭ وسى زاماندانۋىن ىلگەرىلەتۋدە عىلىم – تەحنيكا جاسامپازدىعىن جەتەكشى ەتۋگە سۇيەنۋگە تۋرا كەلەدى. نازاردى اۋىل شارۋاشىلىعىنىڭ جوعارى ساپالى دامۋىنا شوعىرلاندىرۋدا عىلىم – تەحنيكالىق جاسامپازدىق باعىتىنا وزگەرىس ەنگىزىپ، ساندى نەگىز ەتۋدەن سان – سيفر ساپاسىنىڭ ونىمدىلىگىن نەگىز ەتۋگە قاراي بەتالۋدى، استىق وندىرىسىنە ءمان بەرۋدەن استىق، جەم – ءشوپتى ءبىر تۇتاس ورنالاستىرۋ جانە ءىرى اۋىل شارۋاشىلىعىنا قاراي بەتالۋدى، ەگىمشىلىك - باعىمشىلىقتى نەگىز ەتۋدەن ەگىمشىلىك – باعىمشىلىق – مانەرلەۋدىڭ جالپى بارىسىنا، جالپى فاكتورىنا قاراي بەتالۋدى نەگىز ەتۋ كەرەك. وسىعان وراي، قۇجاتتا اۋىل شارۋاشىلىعىنىڭ شەشۋشى وزەكتى تەحنيكاسىنان قامال الۋ ارەكەتىن جۇرگىزىپ، اۋىل شارۋاشىلىعىنىڭ ستراتەگيالىق عىلىم – تەحنيكاسىنان جاڭالىق جاراتاتىن ءبىر توپ كۇشتەردى جەتىلدىرىپ، بيولوگيالىق ەگىمشىلىك، اۋىر تيپتى اۋىل شارۋاشىلىق ماشينالارى، زەردەلى اۋىل شارۋاشىلىعى، جاسىل ءتۇستى قوسىلىم تاۋارلارىن ىلگەرىلەتۋ سىندى سالالاردا دەربەس جاسامپازدىق جاراتۋ باسا دارىپتەلدى.
سيفرلى اۋىل شارۋاشىلىعى دا «كوكتەم سامالىن» كۇتىپ الدى. 2018 – جىلعى ورتالىقتىڭ 1 – ءنومىرلى قۇجاتىندا سيفرلى اۋىل – قىستاق دەيتىن اتاۋ تۇڭعىش رەت ورتاعا قويىلدى. وسى جىلى ەلىمىز اۋىل شارۋاشىلىعى ونىمدەرىن ينتەرنەتتە ساتۋدىڭ 300 ميلليارد يۋاندىق ورەسىن جاراتتى. بيىلعى قۇجاتتا ءتىپتى دە ناقتى قولداۋ كورسەتۋ ساياساتتارى بەلگىلەنىپ، «ينتەرنەت + اۋىل شارۋاشىلىعى» جوباسىن ىشكەرىلەي ىلگەرىلەتىپ، اۋىل شارۋاشىلىق ونىمدەرىن ينتەرنەت ارقىلى ساتۋدان ۇلگى كورسەتۋ قولدانىلىمىن كەڭەيتۋ ورتاعا قويىلدى؛ ەلەكتروندى ساۋدا ىستەرىن اۋىل – قىستاق ۋنيۆەرسالدى ۇلگى كورسەتۋىنە قاراي ۇزدىكسىز ورىستەتىپ، «ينتەرنەت +» اۋىل شارۋاشىلىق ونىمدەرىن اۋىل – قىستاقتان قالالارعا ەنگىزۋ نىسانى اتقارىلادى.
اۋىل شارۋاشىلىعى، اۋىل – قىستاق مينيسترلىگىنىڭ ورىنباسار مينيسترى چۇي دۇڭيۇي بىلاي دەدى: «اۋىل شارۋاشىلىعىن سيفرلانۋعا بەتالدىرۋدىڭ كومەسكى كۇشى وتە زور، سيفرلى ەكونوميكانىڭ دامۋىن جەتىلدىرگەندە اۋىل شارۋاشىلىعىن جانداندىرۋعا بولادى. ەلىمىز قالا – اۋىلدارىنىڭ دامۋى بىركەلكى ەمەس، قالا – اۋىل سيفرى دا وتە كورنەكتى، سول ءۇشىن، ءسوزسىز، سيفرلى اۋىل – قىستاق قۇرىلىسىن تاباندى ىلگەرىلەتۋگە تۋرا كەلەدى، بۇل اۋىل – قىستاقتىڭ ءتۇرلى ەلەكتروندى ساۋدا تەكشەلەرى مەن كاسىپورىندار ءۇشىن وراي ازىرلەپ بەرەدى.
اۋىل – قىستاق ەكونوميكاسى كوپ نەگىزدى
بيىلعى ورتالىقتىڭ 1 – ءنومىرلى قۇجاتىندا: اۋىل – قىستاق كاسىپتەرىن زورايتىپ، شارۋالار كىرىسىن ارتتىرۋدىڭ ارناسىن كەڭەيتۋ ورتاعا قويىلدى. سان – سيفردا كورسەتىلۋىنشە، وتكەن جىلى ەلىمىزدىڭ اۋىل شارۋاشىلىق ونىمدەرىن مانەرلەۋ كاسىبى مەن اۋىل شارۋاشىلىق ونىمدەرىنىڭ قۇن سالىستىرماسى 2.3 : 1 قاتىناسىنداي بولىپ، سەيىل – سەرۋەن اۋىل شارۋاشىلىعى مەن اۋىل – قىستاق ساياحات كاسىپتەرىنىڭ كىرىسى 800 ميلليارد يۋاننان اسقان. اۋىل شارۋاشىلىعى، اۋىل – قىستاق مينيسترلىگى اۋىل – قىستاق كاسىپتەرىن دامىتۋ مەڭگەرمەسىنىڭ باستىعى زىڭ ياندى بىلاي دەدى: «اۋىل – قىستاق كاسىپتەرى ءداستۇرلى ەگىمشىلىك - باعىمشىلىق كاسىپتەرىنە ۇقسامايدى، اۋىل – قىستاقتىڭ ەرەكشە كاسىپتەرىن، اۋىل – قىستاقتىڭ جاڭاشا قىزمەت وتەۋ كاسىبى مەن وسى زاماندانعان اۋىل شارۋاشىلىق ونىمدەرىن مانەرلەۋ كاسىبىن دامىتۋ تالاپ ەتىلەدى».
مەملەكەتتك كەڭەس دامۋدى زەرتتەۋ ورتالىعى اۋىل – قىستاق ءبولىمىنىڭ باستىعى يە شيڭچيڭنىڭ قاراۋىنشا، اۋىل – قىستاق كاسىپتەرىن گۇلدەندىرۋدە تەك اۋىل شارۋاشىلىعىنا عانا ءمان بەرمەۋ كەرەك، بۇندا ەكونوميكانى كوپ نەگىزدەندىرۋدى جەبەۋ كەرەك. الايدا ەكونوميكانى كوپ نەگىزدەندىرۋ وتكەن عاسىردىڭ 80 – جىلدارىنداعى اۋىل – قالاشىق كاسىپورىندارى ورىستەتكەندەي «قىستاقتان بەلگى بەرىپ، وتباسىلاردا جىلتىڭداتۋعا» مۇلدەم ۇقسامايدى. «وتكەندە ءبىز نازارىمىزدى نەگىزگى اۋىل شارۋاشىلىق ونىمدەرىن دامىتۋعا عانا شوعىرلاندىرىپ، سەيىل – سەرۋەن اۋىل شارۋاشىلىعى، ەكولوگيانى قورعاۋ، وركەنيەت ءداستۇرى سىندى يقۋاتتاردى اشۋعا، پايدالانۋعا ءمان بەرمەگەن ەدىك. جاڭا داۋىردەگى اۋىل – قىستاق ەكونوميكاسىنىڭ كوپ نەگىزدەنۋىن جەبەۋدە اۋىل – قىستاقتىڭ جاراتىلىستىق بايلىعى مەن گۋمانيتارلىق بايلىق ابزالدىلىعىن پايدالانىپ، مانەرلەۋ كاسىبىنىڭ گۇلدەنۋىن ىلگەرىلەتىپ، اۋىل شارۋاشىلىعىنىڭ كوپ نەگىزدى قۇنىن اشىپ، اۋىل – قىستاق كاسىپتەرىنىڭ ىشكەرىلەي توعىسۋىن جەبەۋىمىز كەرەك».
وسى زاماندانعان اۋىل شارۋاشىلىق ونىمدەرىن مانەرلەۋ كاسىبى – اۋىل – قىستاق ەكونوميكاسىنداعى 2 – كاسىپ بولىپ، ول قالا مەن اۋىلدى، ونەركاسىپپەن اۋىل شارۋاشىلىعىن تۇتاستىراتىن، اۋىل – قىستاق ەكونوميكاسىنىڭ تىرەكتى كاسىبى سانالىپ كەلەدى. وتكەن جىلدان بەرى، اۋىل شارۋاشىلىق ونىمدەرىن مانەرلەۋ كاسىبى مەن اۋىل شارۋاشىلىعى، اينالىم، عىلىم – تەحنيكا، وقۋ – اعارتۋ جانە ەلەكتروندى ساۋدا ىستەرى سىندى كاسىپتەر ىشكەرىلەي توعىستىرىلىپ، كوپ ساندى جاڭا ۇلگىلەر جارىققا شىقتى. توراپ ارقىلى جانە توراپتان سىرت تۇتىنۋدى توعىستىرۋ، جورامال تۇلعانى بىرلەستىرۋ سىندى كوپ ءتۇرلى جولمەن، اۋىل شارۋاشىلىعىنان ورتاق يگىلىكتەنۋ، اۋىل شارۋاشىلىعىن سەزىنۋ، جەكەلەي تاپسىرىس بەرۋ سىندى جاڭاشا كاسىپ فورمالارى بارلىققا كەلدى (ەگجەي – تەگجەيلى مازمۇنىن حالىق تورابىنىڭ حانزۋشا ارناسىنان وقي الاسىزدار).
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
