- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
اۆتونوميالى رايون وڭتۇستىك شينجياڭدا كاسىپتەنۋشىلەردى كوپتەپ قابىلدايتىن «قىسقا مەرزىمدە ءونىمى كورىنەتىن» ءبىر توپ نىساندى دەمەدى
2014.11.05 10:30 كەلۋ قاينارى : شينجياڭ حالىق راديو ستانسياسى تورابى
بيىل اۆتونوميالى رايون وڭتۇستىك شينجياڭدا كاسىپتەنۋشىلەردى كوپتەپ قابىلدايتىن «قىسقا مەرزىمدە ءونىمى كورىنەتىن» ءبىر توپ نىساندى دەمەدى. قازىرگە دەيىن، تۇڭعىش توپتاعى «قىسقا مەرزىمدە ءونىمى كورىنەتىن» 296 نىساننىڭ 114ى ورىندالىپ، 5 ميلليارد 740 ميلليون يۋان قارجى قوسىلدى، بۇل جالپى قوسىلعان قارجىنىڭ 60% ىن ۇستايدى.
جالپى 600 ميلليون يۋان قارجى قوسىلعان شينجياڭ بايپاق كاسىبى توقىما ونەركاسىپ باقشاسى اقسۋ ايماعى ءتۇيىندى جۇرگىزگەن «قىسقا مەرزىمدە ءونىمى كورىنەتىن» نىسان، جارىم جىل شۇعىل قۇرىلىس جۇرگىزۋ ارقىلى، قازىر ءبىرىنشى مەرزىمدىك نىساننىڭ 24 زاۆوت ءۇيى تۇگەل سالىنىپ بولىپ، ماقتا توقيتىن جابدىقتار ورناتىلىپ، توكپەن رەتتەۋ كەزەڭىنە ءوتتى، مەجەمەن وسى ايدا سىناق رەتىندە وندىرىسكە قوسىلادى ەكەن. شينجياڭ چيشين جەڭىل توقىماشىلىق توبى شەكتى سەرىكتەستىگىنىڭ باس مەڭگەرۋشىسى شى چىڭشيۇڭ: «وسى نىساننىڭ ءبىرىنشى مەرزىمدىك قۇرىلىسى اياقتاعاننان كەيىن، جىلىنا 200 ميلليون بايپاق ءوندىرىپ، 3 مىڭ ەڭبەككۇشتى كاسىپتەندىرۋگە بولادى»،-دەدى.شينجياڭ ەلىمىز بويىنشا ماقتا ەگىمشىلىگىندەگى ءىرى ولكە-رايونعا جاتادى، ءونىم مولشەرى تۇتاس ەلىمىزدىڭ ۇشتەن ءبىرىن يەلەپ، توقىما كيىم-كەشەك كاسىبىن دامىتۋدىڭ ءتابيعي ابزالدىلىعىنا يە. ال اقسۋ ايماعى رايونىمىزداعى ءتۇيىندى تاۋار ماقتا بازاسى، رايونىمىز توقىماشىلىعىنىڭ 12-بەسجىلدىق» پلانىندا تۇراقتاندىرعان «ءۇش قالا، جەتى باقشا، ءبىر ورتالىق» ستراتەگياسىندا ماڭىزدى ورىندا تۇرادى. «ءۇش قالانىڭ» ىشىندە اقسۋ توقىما ونەركاسىپ قالاسى بار، اقسۋ توقىما ونەركاسىپ قالاسى 10 جىل ىشىندە ماقتا توقىماشىلىعى، حيميالىق تالشىق، گۇل باسۋ-بوياۋ، كيىم-كەشەك، ساۋدالىق زات اينالىمىن ءبىر تۇلعالاندىرعان جاڭاشا وسىزاماندانعان توقىما ونەركاسىپ قالاسىن قۇرىپ، شينجياڭ بويىنشا ەڭ ءىرى توقىما كيىم-كەشەك ءوندىرۋ بازاسىن قۇرۋدى جوسپارلادى. بيىل جىل باسىندا اقسۋ ايماعىنىڭ 16 توقىما كيىم-كەشەك كاسىبى نىسانى اۆتونوميالى رايوننىڭ «قىسقا مەرزىمدە ءونىمى كورىنەتىن» نىسانىنا قوسىلىپ ارناۋلى سۇيەمەلدەندى، نىسان قۇرىلىسىنىڭ سالىنىپ وندىرىسكە قوسىلۋىنا بايلانىستى، قازىرگە دەيىن وسى نىساندار جەرگىلىكتى ورىنعا تىڭنان قوسىلعان قارجىنى 2 ميلليارد 200 ميلليون يۋان ارتتىرىپ، تىڭنان كاسىپتەنگەن از ۇلتتاردىڭ سانىن 5 مىڭ 755 كە جەتكىزدى. شينجياڭ چيشين جەڭىل ونەركاسىپ توقىماشىلىق توبى شەكتى سەرىكتەستىگىنىڭ توقىما جۇمىسكەرى تۇرسىنگۇل ياسىن: «بۇرىن مەن وتباسىنان شىقپايتىن ايەل ەدىم، الەۋمەتتىك اۋماق كادىرلارىنىڭ تانىستىرۋىمەن زاۆوتقا بارىپ قىزمەت ىستەدىم. قازىر اي سايىنعى كىرىسىم مىڭ يۋاننان اسادى»،-دەدى.
بيىل اقپاندا اۆتونوميالى رايوندىق پارتكوم «قىسقا مەرزىمدە ءونىمى كورىنەتىن» نىسانداردى دامىتۋ تانىستىرۋ ءماجىلىسىن اشىپ، بيىلدان باستاپ ەكى جىل ىشىندە 888 ميلليون يۋان قارجى قوسىپ، قاشقار، حوتان ايماعى جانە قىزىلسۋ وبلىسى سياقتى وڭتۇستىك شينجياڭداعى كەدەي رايونداردا جەرگىلىكتى ورننىڭ كاسىپتەنۋىن ىلگەرلەتەتىن «قىسقا مەرزىمدە ءونىمى كورىنەتىن» ءبىر توپ كاسىپ نىساندارىن اتقارىپ، مەجەمەن 100 مىڭ ادامدى كاسىپتەندىرىپ، وڭتۇستىك شينجياڭ ەكونوميكاسىنىڭ دامۋى مەن قوعام ورنىقتىلىعىن جەبەيتىن بولدى. وسى توپتاعى قىسقا مەرزىمدە ءونىمى كورىنەتىن نىساندار شاعىن، ۇساق توقىما كيىم كەشەك كاسىبى مەن ەرەكشە اۋىل شارۋاشىلىق قوسىمشا ونىمدەرىنەن مانەرلەۋ جانە ازىق-تۇلىك كاسىبىنەن سىرت، تاعى دا ءۇش ايماق-وبلىستىڭ ەرەكشەلىگىنە ساي، ۇلتتىق قولونەر كاسىبى، ساۋدالىق زات اينالىمى كاسىبى، جاڭاشا ءۇي قۇرىلىس ماتەريالدارى جانە وڭدەۋ قۇراستىرۋ كاسىبى، كىلەم جانە ۇيعۇر ءدارى-دارمەك كاسىبى، بىلعارى، تەرى-ءجۇن كاسىبى جانە ەرەكشە قولونەر بۇيىمدارى سياقتىلاردى قامتيدى.حوتان قالاسىنىڭ جييا اۋىلى تۇتاس رايونىمىزعا تانىمالى اتلاس جىبەك اۋىلى، اتلاس جىبەگىن توقۋ كاسىبى وسى ارانىڭ تىرەكتى كاسىبى، وسى ءداستۇرلى تەحنولوگيا بيىل اقپاندا اۆتونوميالى رايوننىڭ «قىسقا مەرزىمدە ءونىمى كورىنەتىن نىسان» قاتارىنا قوسىلدى. قازىر جييا ليرىن سەرىكتەستىگى قاشقارداعى ءبىر كيىم-كەشەك كاسپورنىمەن سەلبەسىپ، ءار جىلى جۇزدەگەن ءونىم ءتۇرىن، 20 مىڭنان استام اتلاس جىبەك كيىم-كەشەگىن ءوندىرىپ، ساتىلىم كىرىسىن 2 ميلليون يۋاننان اسىردى. سەرىكتەستىكتىڭ باس مەڭگەرۋشىسى تۇرالى ءماسۇم تىلشىگە، اۆتونوميالى رايوننىڭ قىسقا مەرزىمدە ءونىمى كورىنەتىن نىساننىڭ كومەگىندە وزدەرىنىڭ ۇلكەن جۇمىس باستاماقشى ەكەنىن ايتا كەلىپ: «3 ميلليون يۋان قارجى قوسىپ 30، مۋ جەردى ساتىپ الىپ 3 مىڭ شارشى مەترلىك زاۆوت ءۇيىن سالۋدى جوسپارلادىم، تاياۋدا قۇرىلىس جۇمىسى باستالماقشى، سول كەزدە 150 ادامنىڭ كاسىپتەنۋ ماسەلەسى شەشىلەدى، بازاردىڭ قاجەتى بويىنشا كاسپورىندى كەڭەيتىپ، اناعۇرلىم كوپ ادامدى كاسپتەندىرۋگە كۇش سالامىن»،-دەدى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
