- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
گولمۋد - كورلا تەمىر جولىنىڭ شينجياڭداعى العاشقى بولەگىندە قۇرىلىس باستالدى
جاڭ چۇنشيان شينجياڭنىڭ تەمىر جول قۇرىلىسى جونىندەگى مالىمەتتى تىڭدادى
2014.11.18 13:22
«شينجياڭ گازەتىنەن». شينجياڭنىڭ تەمىر جول قۇرىلىسىندا قۋانىشتى ىستەر كوبەيدى. لانجوۋ - شينجياڭ جوعارى قارقىندى تەمىر جولىنىڭ ۇرىمجىدەن قۇمىلعا دەيىنگى بولەگىندە پويەز قاتىناعاننان كەيىن شينجياڭعا كىرىپ - شىعاتىن تاعى ءبىر تەمىر جول گولمۋد - كورلا تەمىر جولىنىڭ العاشقى بولەگىندە 16 - قاراشادا رەسمي قۇرىلىس باستالدى. 16 - قاراشا تۇستەن بۇرىن لانجوۋ - شينجياڭ جوعارى قارقىندى تەمىر جولىنىڭ ءۇرىمجى وڭتۇستىك ۆوگزالىنان قۇمىلعا دەيىنگى بولەگىندە پويەز قاتىناۋ سالتىنا قاتىناسقاننان كەيىن ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى جاڭ چۇنشيان ءۇرىمجى تەمىر جول مەكەمەسىنىڭ ءۇرىمجى وڭتۇستىك ۆوگزالىندا گولمۋد - كورلا تەمىر جولىنىڭ شينجياڭداعى العاشقى بولەگىندە قۇرىلىس باستاۋعا دايىندالۋ جاعدايى جونىندەگى مالىمەتتى جانە شينجياڭنىڭ تەمىر جول قۇرىلىسى جونىندەگى مالىمەتتى تىڭدادى. جۇڭگو تەمىر جول باس سەرىكتەستىگى پارتگرۋپپاسىنىڭ مۇشەسى، ورىنباسار باس مەڭگەرۋشىسى لۋ چۇنفاڭ ماجىلىسكە قاتىناستى.
گولمۋد - كورلا تەمىر جولى شىعىستا چيڭحاي ولكەسىنىڭ گولمۋد قالاسىنان باستالىپ، باتىستا شينجياڭنىڭ كورلا قالاسىنا تۇتاسادى، جالپى ۇزىندىعى ءبىر مىڭ 214 كيلومەتر، جيىنى 37 ميلليارد يۋاننان كوبىرەك قارجى قوسىلادى، قۇرىلىس مەرزىمى 5 جىل. مۇندا شينجياڭداعى بولەگىنىڭ جالپى ۇزىندىعى 708 كيلومەتر، بۇعان جيىنى 23 ميلليارد يۋان قارجى قوسىلادى. العاشقى قۇرىلىس بولەگى باينعولين موڭعۇل اۆتونوميالى وبلىسىنداعى كورمۇيدان كورلانىڭ شىعىسىنا دەيىن جالپى ۇزىندىعى مولشەرمەن 140 كيلومەتر.
مالىمەت بەرۋ ماجىلىسىندە اۆتونوميالى رايوندىق دامۋ - رەفورما كوميتەتى، جۇڭگو تەمىر جول ءبىرىنشى بارلاۋ، جوبالاۋ مەكەمەسى، ءۇرىمجى تەمىر جول مەكەمەسى شينجياڭ تەمىر جولىنىڭ قۇرىلىس جاعدايىنان، گولمۋد - كورلا تەمىر جولىنىڭ جوبالانۋ جاعدايىنان جانە گولمۋد - كورلا تەمىر جولىنىڭ شينجياڭداعى العاشقى بولەگىندەگى قىزمەت جاعدايىنان جەكە - جەكە مالىمەت بەردى.
جاڭ چۇنشيان مىنانى اتاپ كورسەتتى: لانجوۋ - شينجياڭ جوعارى قارقىندى تەمىر جولىندا پويەز قاتىناۋىنا، گولمۋد - كورلا تەمىر جولىنىڭ شينجياڭداعى العاشقى بولەگىندە قۇرىلىس باستالۋىنا ساي شينجياڭنىڭ شىعىسقا، باتىسقا ەسىك اشاتىن تەمىر جول وتكەلى بىرتىندەپ قالىپتاستى.
جاڭ چۇنشيان مىنانى باسا دارىپتەدى: شينجياڭنىڭ تەمىر جول قۇرىلىسى مەملەكەتتىڭ ستراتەگياسىن جانە ءار ۇلت حالقىنىڭ سۇرانىسىن قاناعاتتاندىرۋدى باس نىسان، شينجياڭنىڭ جىبەك جولى ەكونوميكالىق بەلدەۋىنىڭ وزەكتى ءوڭىرىن قۇرۋىن ارقاۋ ەتىپ، قۇرىلىس ەرەكشە قيىن كەيبىر نىسانداردى كۇنى بۇرىن جوسپارلاپ، شينجياڭنىڭ ىرگەلەس ەلدەرمەن ءوزارا بايلانىسىن، اۋىس - كۇيىسىن جەبەۋ؛ تاسىمال ساپاسى مەن ونىمدىلىگىن جوعارىلاتۋدى ارقاۋ ەتىپ، شينجياڭنىڭ تەمىر جول تورابى قۇرىلىسىنىڭ جوباسىن ۇزدىكسىز كەمەلدەندىرۋ، ەل ىشىنە، شەتەلگە ەسىك اشۋدى بىردەي مىقتاپ ۇستاپ، وتكەلدەرگە تۇتاساتىن تەمىر جول قۇرىلىسى قىزمەتىن ويداعىداي ىستەپ، شينجياڭداعى جانە شينجياڭنان شىعاتىن تەمىر جولدى جاقسى جوبالاۋ؛ تەمىر جول قۇرىلىسى جەرگىلىكتى بۇقاراعا تيىمدىلىك جەتكىزۋ، ءار ۇلت جۇرتشىلىعى ءۇشىن تەز دە قولايلى جولعا شىعۋ ورتاسىن ازىرلەۋ؛ بازار شارۋاشىلىعىنىڭ پرينسيبى بويىنشا، جەرگىلىكتى كاسىپورىنداردىڭ تەمىر جول قۇرىلىسىنا قاتىناسۋىن قولداۋ كەرەك.
جاڭ چۇنشيان مىنانى باسا دارىپتەدى: ءار دارەجەلى پارتكومدار مەن ۇكىمەتتەر تەمىر جول قۇرىلىسىنىڭ دامۋىن قولداپ، «قورشاعان ورتانى قورعاۋدى الدىمەن ويلاسۋ، ەكولوگياسى تاماشا رايون قۇرۋ» مەن «بايلىقتى باياندى اشۋ، ەكولوگيالىق ورتانى باياندى قورعاۋدان» بۇلجىماي، تەمىر جول قۇرىلىسىنىڭ دامۋى ءۇشىن تاماشا ورتا ازىرلەپ، شينجياڭنىڭ تەمىر جول قۇرىلىسىن مۇمكىندىكتىڭ بارىنشا ىلگەرىلەتىپ، شينجياڭنىڭ ەكونوميكالىق، قوعامدىق دامۋىن جەدەلدەتۋ كەرەك.لۋ چۇنفاڭ بىلاي دەدى: شينجياڭنىڭ تەمىر جول قۇرىلىسىن ءارى جاقسى، ءار تەز ىلگەرىلەتىپ، تەحنيكالىق قيىن ماسەلەلەردى جەڭۋگە كۇش سالىپ، قۇرىلىس ساپاسىن مىقتى ۇستاۋ؛ بازار تاسىلىنەن تولىق پايدالانىپ، جەرگىلىكتى كاسىپورىنداردى تەمىر جول قۇرىلىسىنا بەلسەندىلىكپەن قاتىناسۋعا جەتەكتەۋ؛ نىسان قۇرىلىسى جەرگىلىكتى ورىنعا تيىمدىلىك جەتكىزىپ، جەرگىلىكتى ورىنداعى كاسىپتەنۋدى جەبەۋ، جەرگىلىكتى ورىنداعى قاتىستى كاسىپ سالالارىنىڭ دامۋىن ىلگەرىلەتۋ؛ كەلەر جىلى ءۇرىمجى جاڭا جولاۋشىلار ۆوگزالىن اشۋ قىزمەتىن كۇش سالا جاقسى ىستەۋ كەرەك.
نىساندى جوبالاۋدى مىقتاپ ۇستاپ، اۆتونوميالى رايوننىڭ تەمىر جول قۇرىلىسى جونىندەگى ۇسىنىستارىن دەن قويا زەرتتەپ، شينجياڭنىڭ ءىس جۇزىندىگىنە ۇشتاستىرىپ، جوبا جاساپ، قورشاعان ورتانى قورعاۋدى تەمىر جول قۇرىلىسىنىڭ تومەنگى شەگى، قىزىل سىزىعى ەتۋ؛ شينجياڭنىڭ جىبەك جولى ەكونوميكالىق بەلدەۋى وزەكتى ءوڭىرىنىڭ قاتىناس تورابى ورتالىعىن قۇرۋدى باس نىسانا ەتىپ، شينجياڭنىڭ «13 - بەسجىلدىق» تەمىر جول قۇرىلىسى جوباسىن ويداعىداي ىستەۋ كەرەك.
نۇر باكىر، چى جۇن، جۋ حايلۇن، باي جىجيە، لي شياڭلين، ۋان حايچۋان، جۇڭگو تەمىر جول باس سەرىكتەستىگىندەگى جانە اۆتونوميالى رايوننىڭ قاتىستى مەكەمەلەرىندەگى جاۋاپتى جولداستار ماجىلىسكە قاتىناستى. اۆتونوميالى رايوندىق پارتكومنىڭ تۇراقتى مۇشەسى، ۇنەمىلىك ىستەرگە جاۋاپتى ورىنباسار ءتوراعاسى حۋاڭ ۋي مالىمەت بەرۋ ءماجىلىسىن باسقاردى.
كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
