- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەحنيكاسىز تابىس جوق
2014.11.19 11:01 كەلۋ قاينارى : شينجياڭ حالىق راديو ستانسياسى تورابى
جاڭا داۋىردەگى اۋىل-قىستاقتاعى سان قيلى وزگەرىستەر جايلى ايتار بولساق، بىرەر اۋىز سوزبەن جەتكىزە المايتىنىمىز بەلگىلى. تەك قاراپايىم ءبىر مىسال، سيىردى ماشينامەن ساۋا باستادىق، كارتوپتى كۇرەكپەن قازبايتىن بولدىق. تاعىسن-تاعىلار.... ارينە، بۇل __ عىلىم-تەحنيكانىڭ جەمىسى. كەشەگى اۋىر ەڭبەك، جاپالى جۇمىس بۇگىن عىلمي جەتىستىكتەردىڭ نازىك ولشەم تالابى بويىنشا وزىق ءوندىرىس قۇرال-جابدىقتارىمەن مەڭگەرىلىپ، ەگىنشى-مالشىلاردى تەحنيكتەرگە قاراي وزگەرتتى. كەشەگى مايتالمان مالشى، باپكەر ديحان اتانعان اۋىلداستارىمىز بۇگىنگى كۇنى مامان تەحنيك، شەبەر ۇستا، ۇزدىك كاسىپكەرگە اينالدى. ءبىراق، بۇل وتپەلى كەزەڭنىڭ وزگەرىسىنە ىلەسىپ، جاڭالىقتىڭ الدىڭعى لەگىنەن بوي كورسەتەتىن ۇلتتىق شەبەر تەحنيكتەرىمىزدىڭ سانى تەك ساۋساقپەن عانا سانارلىقتاي از بولىپ وتىرعاندىعى ءۇشىن، اۋىلداستارىمىزبەن ازدا بولسا پىكىر ءبولىسىپ، كەڭەس قۇرۋدى ءجون كوردىم. الايدا بۇل ارادا جاڭالىققا جانى قۇشتار، تابىسكەر اعايىنداردىڭ تاۋداي تابىسىن جوققا شىعارماقشى ەمەسپىن. ەندەشە، ءبىزدىڭ زىمىران زاماندا بوي كورسەتۋىمىزگە ورالعى بولىپ وتىرعان كەمىمىز نە؟ كەتىگىمىز قايسى؟ ەلەكترون ءداۋىرىنىڭ وسىنداي تەز وزگەرىسىنەن اۋىل-قىستاق تۇرعىندارىنىڭ ەرتەڭگى بولاشاعى قالاي بولادى؟ عىلىم-تەحنيكانىڭ تىڭ تەتىگىن دەر كەزىندە يگەرە الماساق، زىمىران زاماننىڭ قاي دەڭگەيىنەن ءوزىمىزدى قالاي كورسەتە الامىز؟ باسقالار قايدا، ءبىز قايدا؟ ءيا، ولاي بولسا، ءبىز تابىستارىمىزدىڭ قالتارىسىندا جاتقان ولقىلىقتارىمىزعا دا ءۇڭىلىپ كورەيىك. وزىق عىلىم-تەحنيكا جەتىستىكتەرى جۇمىس ونىمدىلىگىن بارعان سايىن جوعارىلاتىپ، قىرۋار ەڭبەككۇش ۇنەمدەيتىن بولدى. وسىعان وراي ءبىر ءبولىم ەڭبەكشىلەرىمىز سالعىرتتانىپ «جالقاۋعا» اينالدى. كۇنى كەشە اپىرىپ-جاپىرىپ جۇمىس ىستەيتىن بەلدى تارتپاشىلارىمىزدىڭ قاتارى ازايىپ، قايراتى قايتتى. اساۋ اتتى قۇلاقتاپ، قارلى تاۋدان قاراعاي شوركەنى قاڭباقتاي الىپ تۇسەتىن قارىمدى ازاماتتارىمىز كوزدەن بۇلبۇل ۇشتى. ءبىراق ءبىز بۇل ءداستۇرلى شارۋاشىلىعىمىزدىڭ فورماسىن قيماي وتىرعانىمىز جوق. قايتا سول قاجىرلى قاراپايىم ەڭبەكشىلدىگىمىزدى مىناۋ باسەكەلى قوعامنىڭ عىلمي تالابىمەن توعىستىرا بىلسەك، نۇر ۇستىنە نۇر بولار ەدى! تەحنيكانىڭ تەتىگىن دەر كەزىندە مەڭگەرە ءبىلۋ ءبىزدىڭ الدىمىزداعى تىڭ تالاپ، جاڭا مىندەت ەكەنىن ءبىلۋىمىز كەرەك.
قازىر باسىم كوپ ەگىنشى-مالشىلارىمىزدىڭ تۇرمىس ريتىمىنە قارايتىن بولساق، ءالى دە الاقان جايۋ سىڭايى جالعاسىپ كەلە جاتقانى حاق. بۇل ءتۇرلى قوسىمشا قاراجاتتاردىڭ بەرىلۋىمەن بەينەلەنىپ، ماۋسىمدىق كومەك قاراجاتتى عانا توسىپ، كاسىپتەنۋگە كەرەناۋلىق تانىتىپ وتىرعان جايىمىزدان بەلگىلى. كومەك قاراجاتقا عانا قاراپ تەلمىرىپ وتىرۋ بىرىنشىدەن نامىس، ەكىنشىدەن قاتەرلى بولاتىنىن ويلانايىق اعايىن. ويتكەنى ءبىز قازىر وتپەلى كەزەڭدەگى ءتيىمدى ساياساتتىڭ كومەك قاراجاتىنان يگىلىكتەنىپ وتىرمىز. وسى كەزدە، ارينە، اۋىل-قىستاقتاعى ءبىز ءۇشىن «اقشا» قاجەت. ءبىراق، زىمىران زاماننىڭ تالابى بىزگە «تەحنيكانىڭ تەتىگىن يگەرە ءبىل» دەپ وتىرعاندىعىن كورە ءبىلۋىمىز كەرەك. اۋىل-قىستاققا باعىتتالعان تۇرلىشە تيىمدىلىكتىڭ ءبىرى «اۋىل-قىستاق ەگىنشى-مالشىلارىنىڭ عىلىم-تەحنيكا جازى، قىسى قيمىلى»، «كاسىپتىك ۇيرەنۋلەرى» ءتۇرلى فورمالارمەن ەگىنشى-مالشىلارعا جەتكىزىلىپ، قولدانىلمالى عىلىم-تەحنيكاعا قاتىستى كىتاپ ماتەريالدار مەن كەسكىن تاسپالارى ارت-ارتىنان تەگىن تاراتىلدى. الايدا وسىنداي يگى ىستەن يگىلىكتەنىپ، تەحنيكالىق ۇيرەنۋگە تالپىنىپ جاتقان از ۇلت تۇرعىندارى جوقتىڭ قاسى. ال قىستاق تۇرعىندارىنا «تەحنيكالىق ۇيرەنۋ كۋرسىنا قاتىناسىڭدار» دەپ شاقىرسا، «اقشا بەرە مە ەكەن» دەپ الاقان جايۋعا ادەتتەنگەن كەي تۇرعىنداردى ءالى دە كەزدەستىرەمىز. مىنە بۇل ءبىز ءۇشىن ويلاناتىن ءارى باس اۋىرتاتىن جايت بولىپ وتىر.
توقسان اۋىز ءسوزدىڭ توبىقتاي ءتۇيىنى؛ بۇگىنگى مىنا جايلىم مەن ەگىستىك جەرگە بەرىلىپ جاتقان قوسىمشا قاراجات ءداۋىر بولگىش كەزەڭنىڭ تىڭ تالابىمەن توقتاتىلىپ، ەگىنشى-مالشىلارعا ەمەس، تەحنيكتەرگە، جۇمىسشىلارعا، كاسىپكەرلەرگە، شەبەرلەرگە، زەرتتەۋشىلەرگە، سەرىكتەستىكتەرگە بەرىلەتىن بولسا، ءبىزدىڭ سول قاراجاتتارعا سۇيەنىپ كەلە جاتقان ەگىنشى-مالشىلارىمىزعا تاعى دا سول تالعام ارقالانىپ ۇلگىرەدى دەگەن ءسوز ياعني «تەحنيكانىڭ تەتىگىن تەزدەن يگەرۋ كەرەك» دەگەن تالعامىن تاعى بىر رەت ايگىلەپ بەرەرى حاق. سوندىقتان، كەي اۋىلداستارىمىزعا «اقشاعا» الاقان جايۋمەن ەمەس، عىلىم-تەحنيكامەن، ونەر-بىلىممەن باسەكەلەسۋىمىز قاجەت ەكەندىگىن ەسكەرتەمىز. قازىرگى كەزدەگى شاعىن، ورتا تۇرپاتتى وزىق اۋىل شارۋاشىلىق ماشينالارىنىڭ قولدانىلۋىن ازداپ يگەرگەن بولساق، ءىرى تۇرپاتتى وزىق اۋىل شارۋاشىلىق ماشينالارىنىڭ دا تەتىگىن تەز يگەرەمىز. سوندا ءبىز ءداستۇرلى ەگىنشى-مالشى ەمەس، جاڭا زاماننىڭ وزىق دەڭگەيدەگى ەگىنشى-مالشىسى بولامىز دەگەن ءسوز. مىنە ءبىز عىلىم-تەحنيكانىڭ تەتىگىن ءوزىمىز مەڭگەرىپ، ءوندىرىسىمىز بەن تۇرمىسىمىزعا قاجەتتى قۇندى ءوزىمىز جاراتىپ، كەرەكتى تەڭگەنى تەحنيكا ارقىلى ءوزىمىز تاباتىن بولمايمىز با؟!
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
