- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
قىستاق سايلامىندا ادىلدىكتى ساۋلەلەندىرەيىك
2014.11.18 15:54 كەلۋ قاينارى : شينجياڭ حالىق راديو ستانسياسى تورابى
1980-جىلداردىڭ باسىندا، ءونىمدى بىرلەستىرىپ وتباسىلارىنا كوتەرمەگە بەرگەننەن كەيىن، اكىمشىلىك باسقارۋ ءتۇزىلىسىن اۋىلعا، قىستاققا، گرۋپپالارعا ءبولىپ باسقارۋ ءتۇزىلىس ءتۇزىمى ورنادى ءارى كۇن سايىن كەمەلدەندى. الدىڭعى عاسىردىڭ 80-، 90-جىلدارىندا سايلام جاسىنداعى قىستاق تۇرعىندارىنان بەلگىلى سانداعى ۋاكىل سايلانىپ، قىستاق ۋاكىلدەر قۇرىلتايىن اشىپ، سايلاۋ ارقىلى قىستاق تۇرعىندار كوميتەتىن جانە ونىڭ قۇرامىنداعىلاردى سايلايتىن ەدى. كەيىن بۇل ءتۇزىم وزگەرىپ، سول قىستاقتاعى سايلام شارتىنا تولاتىن جالپى سايلاۋشى داۋىس بەرۋ ارقىلى قىستاق تۇرعىندار كوميتەتى مەن ونىڭ قۇرامىنداعىلاردى سايلايتىن بولدى. بۇل پارتيانىڭ دەموكراتيانى بارىنشا ساۋلەلەندىرىپ، قىستاقتاعى حالىقتى زاتتىق جانە رۋحاني وركەنيەتتى دامىتۋعا باستاي الاتىن ەڭ جارامدى ادامدى تاڭداپ وزدەرىنە كوش باسشى ەتۋگە بەرگەن وراي ەدى.
قازىرگى جاعدايدان قاراعاندا، كوپ ساندى ورىنداردا قىستاقتىڭ سايلام قىزمەتى سول اۋىلدارداعى پارتيا، ۇكىمەت ورىندارىنىڭ تىكەلەي باسشىلىعىندا ءساتتى ءجۇرىلىپ كەلەدى. الايدا، ءىشىنارا ورىنداردا قىستاق القاسىنا جارامدى ادامدى سايلاپ قويۋدى قايىرىپ قويىپ، ءوزارا باسەكەلەسەتىن، ءتىپتى دەموكراتيالى سايلام ەمەس، بىرەر توپقا، جىككە ءبولىنىپ، جارامدى ادام بولسىن-بولماسىن، ءتىپتى، ءالىپتى تاياق دەپ بىلمەيتىن ادام بولسا دا ءوز ادامىن شىعارۋعا جانىن سالا ۇمتىلاتىن بولدى. ءبىر رەتكى سايلامدا جەڭىپ شىعۋ ءۇشىن ازاماتتارىمىزدىڭ سايلاۋشىلاردان قۇپتاۋ داۋىسىن جيناۋعا اۆتوكولىك، موتوتسيكل كىرەلەسە، ولار بارا المايتىن جەرگە ات-تۇيە مايلاپ، ءتىپتى بولماعاندا جانىنداعى قول تەلەفوندارىنىڭ توگى مەن اقشاسىن تاۋىسىپ قىزىلتاناۋ بولىپ قانشالىق شىعىندالادى. ال وتىرىقتى ورىندارداعى سايلاۋشىلاردى كۇن قۇرعاتپاي ىزدەيدى. «سەن باستىق بولساڭ بولادى» دەگەن قولداۋشىلارىن قوناققا شاقىرىپ قالتاسىن سان رەت قاعادى. ءتىپتى، سول ورىنعا شىققاننان كەيىنگى «ەڭبەكاقىسىن» دا اسحاناعا بەرىپ شىعادى. ال بۇل ۇمىتكەرلەرىمىز ۇگىت ايتۋ بارىسىندا قوعامدىق جاعدايدى، ساياسي اتموسفەرانى باعامداي بىلمەيدى.
قىستاق تۇرعىندار كوميتەتى ــــ قىستاق تۇرعىندارىن دەموكراتيالىق زاڭ-تۇزىمدەردى ساۋلەلەندىرە وتىرىپ، تۇرعىنداردىڭ ورتاق مۇددەسىن قورعايتىن، ولاردى ورتاق دامۋعا جەتەلەيتىن ەلىمىزدەگى ەڭ نەگىزگى اكىمشىلىك ۇيىم. «گەنەرال بولعىسى كەلمەيتىن اسكەردەن ءۇمىت كۇتۋگە بولمايدى» دەگەندەيىن، ءار كىمنىڭ حالىقتىڭ الدىندا ۇقىق جۇرگىزگىسى كەلەدى. دەسەدە، ادامدار وزدەرىن شامالاي ءبىلۋى قاجەت. اسىرەسە، ءوزىنىڭ ۇيىستىرۋ، باۋراۋ قۋاتىن، مادەنيەت دەڭگەيىن، ساياسي، نازاريالىق قابىلەتىن دۇرىس مولشەرلەپ، وزىنە-ءوزى ءنومىر قويا ءبىلۋى قاجەتتى-اق. الايدا، بەلگىلى قىستاقتاردا توبى كۇشتى، ءادىسى مىقتى، قابىلەتى تومەن، قارا دۇرسىندەۋ كەيبىر ادامداردىڭ قىستاق اكىمشىلىگىنە سايلانىپ كەتكەندىگىن كورە تۇرىپ باسقالاردىڭ دا دەلەبەسى نەگە قوزباسىن. «ودان مەنىڭ قاي جەرىم كەم» دەگەن ويمەن سايلام ساندىعىنان باعىن سىناۋدى ءجون كورەدى ءارى «ەگەر مەن سايلانسام» دەگەن شارت استىندا «باسقا ورىنعا كەتكەن جايلىمدى قايتارىپ الامىن، قالا نوپوستاعىلاردىڭ جەرىن كەدەيگە ءبولىپ بەرەمىن» دەگەن سياقتى حالىققا كەلسىن-كەلمەس سەرت بەرەدى. حالىق ىشىندەگى قايشىلىقتار مەن داۋ-شارلاردى تۇگىن قالدىرماي ءبىر جاقتى ەتەتىن، قارا قىلدى قاق جاراتىن تۋراشىل ءوزى عانا بولادى. ادامداردىڭ مادەني ماعلۇماتى ءار كەلكى بولۋىنا بايلانىستى، بۇل ازاماتتارىمىز سايلانىپ العاننان كەيىن، قىستاق تۇرعىندار كوميتەتى زاڭ بويىنشا پارتيانىڭ لۋشيان، باعىت-ساياساتى، ۇكىمەتتىڭ اكىمشىلىگى رۋحسات بەرگەن كولەمدە، اۋىلدىق پارتكوم مەن حالىق ۇكىمەتىنىڭ تىكەلەي باسشىلىعىندا قىزمەت ورىستەتۋ شەكتەمەسىنە ۇشىراعاننان سوڭ، سايلاۋشىلارىنا بەرگەن كەيبىر ورىنسىز سەرتتەرىن ورىنداي الماي، ەندى ءبىر جاعىنان، ۇكىمەتتىڭ قىزمەت فۋنكتسياسىنا دا تولىق سايكەسىپ كەتە المايدى. ءسويتىپ، سودان از كۇن وتكەننەن كەيىن ءوزىمىز توپتاسىپ، جىكتەسىپ ءجۇرىپ سايلاپ العان ازاماتىمىزدى «وسى جىگىتتى بىلمەي قالدىق» دەپ مۇرنىمىزدى ءشۇيىرىپ شىعا كەلەمىز.حالىقتىڭ تاۋقىمەتىن كوتەرىپ، نەشە مىڭ ادامنىڭ الدىندا باستاماشىلدىق ەتۋ دە، ۇيىستىرۋ دا، كوپ كوڭىلىنەن شىعۋ دا قاراپايىم ءىس ەمەس. الايدا، سونشا وزەلەنىپ، مال-مۇلكىن شاشىپ ءجۇرىپ قىستاق باستىعى بولىپ شىققانداعى كەشكەن كۇيى قانداي بولادى ەكەن، ونى دا كوز الدىدان وتكىزەيىك. قالىڭ اۋرەمەن قىستاق باسشىلىعىنا سايلانعانداردىڭ دا كۇن كورىسى تىم شىركىن-اي بولمايدى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
