- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
جاڭ چۇنشيان جاڭ ماۋمەن كەزدەستى
ونەركاسىپ - ساۋدانى دامىتۋ حالىق تۇرمىسىن جاقسارتۋعا تەرەڭ ىقپال ەتەدى
2015.05.19 14:00 كەلۋ قاينارى : ءتاڭىرتاۋ تورابى
ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى جاڭ چۇنشيان 18 - مامىر كۇنى كەشتە ۇرىمجىدە مەملەكەتتىك ونەركاسىپ - ساۋدانى اكىمشىلىك باسقارۋ باس مەكەمەسى پارتيا باسشىلىق گرۋپپاسىنىڭ شۋجيى، مەكەمە باستىعى جاڭ ماۋمەن كەزدەستى.
جاڭ ماۋ وسى ساپارىندا ورتالىقتىڭ تالابىن دايەكتى تياناقتاندىرۋدى ارقاۋ ەتىپ، مەملەكەتتىڭ «ءبىر بەلدەۋ، ءبىر جول» قۇرىلىسىنىڭ كەلەلى ورايىن يگەرىپ، شينجياڭعا كومەكتەسۋ قىزمەتىن جانە ساۋدا ىستەرى رەفورماسىنىڭ قاتىستى جۇمىستارىن ۇيلەستىرىپ، شينجياڭنىڭ ەكونوميكالىق، قوعامدىق دامۋىنا قىزمەت كورسەتىپ، جىبەك جولى ەكونوميكالىق بەلدەۋى قۇرىلىسىنا كۇش قوسۋدى ماقسات ەتكەن.
جاڭ چۇنشيان بىلاي دەدى: مەملەكەتتىك ونەركاسىپ - ساۋدانى اكىمشىلىك باسقارۋ باس مەكەمەسى شينجياڭعا كومەكتەسۋدىڭ جاڭا كەزەكتى قىزمەتىن كۇش سالا، مۇقيات جوسپارلاپ، بۇكىل ەلدەگى ونەركاسىپ - ساۋدا سالاسىن شينجياڭنىڭ دامۋىنا قولداۋ كورسەتۋگە جۇمىلدىرىپ، شينجياڭعا كومەكتەسۋدىڭ ەگجەي - تەگجەيلى جوسپارىن جاساپ، ءبىر قاتار شينجياڭ ماركالارىن ورتاعا شىعارىپ، شينجياڭ كاسىپورىندارىنىڭ دامۋىن قولداپ، ءتۇزىلىس پەن مەحانيزمعا رەفورما جۇرگىزىپ، شينجياڭنىڭ قاجەتى مەن تالابىنا ساي، ساياسات، قىزمەت، رەفورمانى تەرەڭدەتۋ، ونەركاسىپ - ساۋدا نەگىزدىك قۇرىلعىلارى سياقتى جاقتاردان شينجياڭعا پارمەندى قولداۋ كورسەتتى. شينجياڭدا، ونەركاسىپ - ساۋدانى دامىتۋ ايرىقشا كۇشتى ناقتى ماڭىزعا يە، ول حالىق تۇرمىسىن جاقسارتۋعا تەرەڭ ىقپال ەتەدى. اۆتونوميالى رايوندىق پارتكوم ونەركاسىپ - ساۋدانى دامىتۋعا بارىنشا ءمان بەرىپ، جۇمىستى ءوندىرىس شارت - جاعدايىن جاقسارتۋدان باستاپ، ناقتى رەفورما شارالارىن ىلگەرىلەتىپ، كاسىپورىنداردىڭ دامۋى ءۇشىن تاماشا بازار ورتاسىن دايىنداپ، ءار ۇلت جۇرتشىلىعىنىڭ شارۋاشىلىق قۇرۋ ىنتاسىن ناقتى ەكونوميكاعا اينالدىرىپ، كورنەكتى ناتيجەلەرگە قول جەتكىزدى. مەن مەملەكەتتىك ونەركاسىپ - ساۋدانى اكىمشىلىك باسقارۋ باس مەكەمەسىنىڭ شينجياڭنىڭ ەكونوميكالىق، قوعامدىق دامۋىنا، اسىرەسە، حالىق تۇرمىسى جوبالارىنا بۇرىنعىداي كۇش سالا قولداۋ كورسەتۋىن، شينجياڭنىڭ جاعدايىنا بىرلەستىرىپ، ساۋدا ىستەرى رەفورماسى، ورتا، شاعىن كاسىپورىنداردىڭ دامۋىن دەمەۋ جانە قولداۋ، ماركا قۇرىلىسى، ەرەكشە شارۋاشىلىقتاردى دامىتۋ، سالالاردىڭ نەگىزدىك قۇرىلعىلارى، دارىندى دايىنداۋ سياقتى جاقتاردان قولداۋ كورسەتىپ، ورتالىق پەن اۆتونوميالى رايون بەلگىلەگەن ستراتەگيالىق نىسانالاردى ىسكە اسىرىپ، جىبەك جولى ەكونوميكالىق بەلدەۋى قۇرىلىسى ءۇشىن بىرگە كۇش شىعارۋىن ءۇمىت ەتەمىن.
جاڭ ماۋ بىلاي دەدى: اۆتونوميالى رايون ونەركاسىپ - ساۋدا جۇيەسىنىڭ رەفورما قىزمەتىنە باسا ءمان بەرىپ، ىرىقتاندىرۋ مەن باسقارۋدى ۇشتاستىرىپ، اكىمشىلىكتى اناعۇرلىم ىقشامداپ جانە ۇقىقتى تومەنگە بەرىپ، رەفورما شارالارى جاعىندا ەلىمىز بويىنشا الدىڭعى قاتاردان ورىن الدى، اسىرەسە، ساۋدا ىستەرى رەفورماسى، ورتاشا، شاعىن، ۇساق كاسىپورىندارعا قىزمەت كورسەتۋ، كاسىپورىن كرەديتىنىڭ ينفورماتسيا جۇيەسى سياقتى قىزمەتتەردە كورنەكتى ونىمدىلىككە قول جەتكىزدى. ءبىز شينجياڭداعى ورتاشا، شاعىن، ۇساق كاسىپورىنداردىڭ دامۋىن ونان ارى قولداپ، ورتاشا، شاعىن، ۇساق كاسىپورىنداردىڭ تەبىنىن، قۋاتىن ارتتىرىپ، كاسىپتەنۋ ماسەلەسىن بارىنشا شەشىپ، سالالاردىڭ نەگىزدىك قۇرىلعى قۇرىلىستارىنا قولداۋ كورسەتىپ، كاسىپورىندارعا، بۇقاراعا قىزمەت كورسەتۋ قابىلەتىن كۇشەيتىپ، شينجياڭنىڭ ەكونوميكالىق، قوعامدىق دامۋىنا تىڭ ۇلەس قوسامىز.
شوكرات زاكىر، حۋاڭ ۋي، عانيبات سابىكەي ۇلى، ما شۋەجۇن، ماعاۋ سەيتقامىزا ۇلى كەزدەسۋدە بىرگە بولدى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
