- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
جاڭ چۇنشيان حوتاندا ءدىني قايراتكەرلەردىڭ ۋاكىلدەرىمەن اڭگىمە ءماجىلىسىن وتكىزگەندە ءدىني قايراتكەرلەر «ۇشقارىلىقتى الاستاۋدا» ماڭىزدى رول اتقارۋ كەرەكتىگىن باسا دارىپتەدى
2015.06.15 13:31 كەلۋ قاينارى : ءتاڭىرتاۋ تورابى
11 - ماۋسىمدا ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى جاڭ چۇنشيان حوتان قالاسىنا ارنايى ات باسىن بۇرىپ، حوتان ايماعىنىڭ ءارقايسى اۋدان، قالالارىنان كەلگەن 30 وتانشىل ءدىني قايراتكەر ۋاكىلىمەن ءبىر كۇن اڭگىمە ءماجىلىسىن وتكىزدى.
جاڭ چۇنشيان ءدىني قايراتكەرلەردىڭ پىكىرىن ءتىپتى دە اشالاي تىڭداۋ ءۇشىن ماجىلىستەن بۇرىن كوپشىلىككە مىناداي 4 ساۋال تاستادى: ۋاعىز ايتۋ، تاپسىرلەردى شەشۋ بارىسىندا دىنگە سەنەتىن جاماعات قانداي نارسەگە ەڭ كوڭىل بولەدى؟ قىزمەتتە قانداي ماسەلە ورىن تەۋىپ وتىر؟ «قوس بەستە جاقسى» قىزمەتىن العا ىلگەرىلەتۋ تۋرالى قانداي ۇسىنىس بار؟ ءدىندى قايتكەندە سوتسياليستىك قوعاممەن سايكەسۋگە اناعۇرلىم ىشكەرىلەي جەتەلەۋگە بولادى؟
اڭگىمە ءماجىلىسى كەزىندە ءدىني قايراتكەرلەر اتالعان 4 ساۋال توڭىرەگىندە كوسىلە سويلەپ، ارقا - جارقا اڭگىمە دۇكەن قۇردى. جاڭ چۇنشيان ءالسىن - ءالى كوپشىلىكپەن پىكىر اۋىستىرىپ، قاتىستى جاعدايلاردى ىشكەرىلەي ۇعىسىپ، كوپشىلىكتىڭ ۇسىنىسىن مۇقيات ەستەلىككە الدى.
جاڭ چۇنشيان 11 ءدىني قايراتكەر ۋاكىلىنىڭ لەبىزىن تىڭداعاننان كەيىن: تولىق دايىندىق جاساپسىزدار، 4 ساۋال توڭىرەگىندە وتە جاقسى سويلەدىڭىزدەر، بەرگەن ۇسىنىس - پىكىرلەرىڭىزدى اۆتونوميالى رايوندىق پارتكوم مۇقيات رەتتەپ، قابىل الادى، - دەدى.
جاڭ چۇنشيان: اۆتونوميالى رايوندىق پارتكوم مەن حالىق ۇكىمەتى ءدىني قايراتكەرلەر قوسىنىنىڭ قۇرىلىسىنا بارىنشا ءمان بەرەدى جانە كوڭىل بولەدى. ءدىن ىستەرىن باسقارۋ قىزمەتىن تىڭعىلىقتى جاقسى ىستەۋگە ايرىقشا نازار اۋدارادى. اۆتونوميالى رايوندىق پارتكوم جۋىردا وتانشىل ءدىني قايراتكەرلەردىڭ اڭگىمە ءماجىلىسىن اشىپ، تاجىريبەلەردى ىشكەرىلەي قورىتىندىلاپ، ءدىني قايراتكەرلەردىڭ «ۇشقارىلىقتى الاستاۋ» قىزمەتىندەگى ماڭىزدى رولىن ساۋلەلەندىرەدى، - دەپ اتاپ كورسەتتى.
جاڭ چۇنشيان بىلاي دەپ اتاپ كورسەتتى: ورتالىقتىڭ شينجياڭ قىزمەتى جونىندەگى تۇڭعىش رەتكى اڭگىمە ءماجىلىسى اشىلعاننان كەيىن، بۇكىل شينجياڭدا وراسان زور وزگەرىستەر تۋىلدى. قول جەتكەن ناتيجەلەردى پارتيا ورتالىق كوميتەتىنىڭ ىقىلاستى قامقورلىعىنان، تۋىسقان ولكە، قالالاردىڭ قالتقىسىز كومەگىنەن، بۇكىل شينجياڭداعى قالىڭ ءدىني قايراتكەرلەردى قامتىعان ءار ۇلت حالقىنىڭ قۇلشىنىسىنان بولە قاراۋعا كەلمەيدى. وتانشىل ءدىني قايراتكەرلەر پارتيانىڭ قۋاتتاماسىن، حالىققا تيىمدىلىك جاساۋ ساياساتتارىن دىنگە سەنەتىن جاماعاتقا جەتكىزىپ، ورتا جول، حاق سەنىممەن ۋاعىز ايتىپ، تاپسىرلەردى شەشىپ، شينجياڭنىڭ قوعام ورنىقتىلىعى مەن باياندى تىنىشتىعىنا ۇلەس قوسۋى كەرەك.
جاڭ چۇنشيان بىلاي دەپ باسا دارىپتەدى: قالىڭ ءدىني قايراتكەرلەر بۇكىل شينجياڭنىڭ قازىرگى تاماشا جاعدايىن قادىرلەپ، تاتىمدى تاجىريبەلەر مەن تاماشا ءادىس - تاسىلدەرگە مۇراگەرلىك ەتۋى جانە ونى ساۋلەلەندىرۋى كەرەك. «ۇشقارىلىقتى الاستاۋ» قىزمەتىندە ءدىني قايراتكەرلەر ماڭىزدى رول اتقارىپ، دىنگە سەنەتىن قالىڭ قاۋىمدى يدەيالىق تانىمدى ايقىنداپ، اق - قارانى پارىقتاپ، ورتا جول، حاق سەنىمنەن اۋىتقىماي، ءدىني ۇشقارى يدەياعا سانالىلىقپەن قارسى تۇرۋعا بەلسەنە جەتەلەۋى ءتيىس. اۆتونوميالى رايوندىق پارتكوم ءدىني قايراتكەرلەرگە ونان ارى ءمان بەرىپ جانە كوڭىل ءبولىپ، «ۇشقارىلىقتى الاستاۋدا» ماڭىزدى رولىن ساۋلەلەندىرگەن ءدىني قايراتكەرلەرگە الداعى ۋاقىتتا تاربيەلەۋ، ەكسكۋرسيا جاساۋ، تەكسەرۋ جۇرگىزۋ سياقتى قيمىلداردا بەيىمدەلەدى.
اۆتونوميالى رايون باسشىلارىنان باي جىجيە، شيۇڭ شۋانگو، لي شۋەجۇن، چىڭ جىنشان اڭگىمە ماجىلىسىنە قاتىناستى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
